ಗುರುವಾರ , ಮೇ 6, 2021
33 °C

ನಗರದ ವಿದ್ಯಾರ್ಥಿನಿಯರಿಗೆ ಟಿಮ್‌ಕೆನ್ ವಿದ್ಯಾರ್ಥಿವೇತನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಬೆಂಗಳೂರಿನ ಇಬ್ಬರು ವಿದ್ಯಾರ್ಥಿನಿಯರಿಗೆ ಟಿಮ್‌ಕೆನ್ ವಿದ್ಯಾರ್ಥಿವೇತನ ಲಭಿಸಿದೆ. 

ಮೌಂಟ್ ಕಾರ್ಮೆಲ್ ಪಿಯು ಕಾಲೇಜಿನ ರಿಮಾ ವಾಸುದೇವನ್ ಅವರಿಗೆ 4 ವರ್ಷಗಳಿಗೆ 60 ಲಕ್ಷ ರೂಪಾಯಿ ವಿದ್ಯಾರ್ಥಿವೇತನ ಲಭಿಸಿದೆ. ವರ್ಷಕ್ಕೆ 15 ಲಕ್ಷದಂತೆ 4 ವರ್ಷಗಳಿಗೆ 60 ಲಕ್ಷ ರೂಪಾಯಿಗಳನ್ನು ನೀಡಲಾಗುವುದು. ಇವರು ಮುಂದೆ ಅಮೆರಿಕದ ಅಕ್ರೋನ್ ವಿಶ್ವವಿದ್ಯಾಲಯದಲ್ಲಿ ಕೆಮಿಕಲ್ ಎಂಜಿನಿಯರಿಂಗ್ ಓದುವ ಕನಸನ್ನು ಹೊಂದಿದ್ದಾರೆ.



ನಗರದ ಇನ್ನೊಬ್ಬ ವಿದ್ಯಾರ್ಥಿನಿ ಸ್ಮೃತಿ ಉಪಾಧ್ಯ ಅವರು ದೀಕ್ಷಾ ಸೆಂಟರ್ ಫಾರ್ ಲರ್ನಿಂಗ್ ಪಿಯು ಕಾಲೇಜಿನಲ್ಲಿ ಅಧ್ಯಯನ ನಡೆಸುತ್ತಿದ್ದಾರೆ. ಇವರಿಗೆ ವರ್ಷಕ್ಕೆ 5 ಲಕ್ಷದಂತೆ ನಾಲ್ಕು ವರ್ಷಗಳಿಗೆ 20 ಲಕ್ಷ ವಿದ್ಯಾರ್ಥಿವೇತನ ದೊರೆತಿದೆ. ಮುಂದೆ ಇವರು ಭಾರತೀಯ ತಾಂತ್ರಿಕ ಸಂಸ್ಥೆಯಲ್ಲಿ ಓದುವ ಕನಸನ್ನು ಹೊಂದಿದ್ದಾರೆ.



ದಿ ಟಿಮ್‌ಕೆನ್ ಕಂಪೆನಿಯು ದತ್ತಿ ಮತ್ತು ಶಿಕ್ಷಣ ನಿಧಿಯಿಂದ ಈ ವಿದ್ಯಾರ್ಥಿವೇತನವನ್ನು ನೀಡುತ್ತಿದೆ. ಈ ವಿದ್ಯಾರ್ಥಿವೇತನವನ್ನು ಭಾರತದ ಒಟ್ಟು ಐದು ವಿದ್ಯಾರ್ಥಿನಿಯರು ಸೇರಿದಂತೆ ಆರು ದೇಶಗಳ ಒಟ್ಟು 38 ವಿದ್ಯಾರ್ಥಿನಿಯರಿಗೆ ನೀಡಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.