ನಟಿ ಪ್ರಿಯಾಂಕಾ ತಂದೆ ನಿಧನ

ಮುಂಬೈ (ಪಿಟಿಐ): ಖ್ಯಾತ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಅವರಿಗೆ ಪಿತೃವಿಯೋಗವಾಗಿದೆ.



ಡಾ. ಅಶೋಕ್ ಚೋಪ್ರಾ (62) ಹಲವು ದಿನಗಳಿಂದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದು, ಮಂಗಳವಾರ ಕೋಕಿಲಾಬೆನ್ ಧಿರುಭಾಯ್ ಅಂಬಾನಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಅವರು ಭಾರತೀಯ ಸೇನೆಯಲ್ಲಿ ವೈದ್ಯರಾಗಿ ಸೇವೆ ಸಲ್ಲಿಸಿದ್ದರು.



ಈ ವರ್ಷದ ಆರಂಭದಲ್ಲಿ ಕೆನಡಾದ ವ್ಯಾಂಕುವರ್‌ನಲ್ಲಿ ನಡೆದ ಚಲನಚಿತ್ರ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಪ್ರಿಯಾಂಕಾ ತಮ್ಮ ತಂದೆ ಜೊತೆ ಪ್ರಶಸ್ತಿ ಸ್ವೀಕರಿಸಿದ್ದರು.



ತಂದೆಯ ಅನಾರೋಗ್ಯದ ಕಾರಣ ಪ್ರಿಯಾಂಕಾ ಕೆಲವು ದಿನಗಳಿಂದ ಚಿತ್ರೀಕರಣದಿಂದ ದೂರವಿದ್ದರು ಎಂದು ಮೂಲಗಳು ತಿಳಿಸಿವೆ.