ಮಂಗಳವಾರ, ಜೂನ್ 22, 2021
29 °C

ನಟ ಉದಯ್‌ ಕುಮಾರ್‌ ಜನ್ಮದಿನಾಚರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಆನೇಕಲ್‌: ಕಲಾವಿದನೊಬ್ಬ ನಾಯಕ­ನಟ­ನಾಗಿ ತನ್ನ ಸ್ಥಾನವನ್ನು ಭದ್ರ­ಪಡಿಸಿಕೊಳ್ಳಬೇಕಾದರೆ ಅವನ ಗುಣ ಹಾಗೂ ಅಭಿನಯದಿಂದ ಮಾತ್ರವೇ ಸಾಧ್ಯ ಎಂದು ಹಿರಿಯ ನಟ ರಾಜೇಶ್‌ ಅಭಿಪ್ರಾಯಪಟ್ಟರು.



ಪಟ್ಟಣದಲ್ಲಿ ಪವನಸುತ ಕೇಸರಿ ಕಲಾ ಶಾಲೆಯ ವತಿಯಿಂದ ನಟ ದಿವಂಗತ ಉದಯ್‌ ಕುಮಾರ್‌ ಅವರ 81ನೇ ಜನ್ಮದಿನಾಚರಣೆ ಅಂಗವಾಗಿ ಏರ್ಪ­ಡಿಸಿದ್ದ ‘ಕಲಾ ಕೇಸರಿ ಒಂದು ನೆನಪು’ ಕಾರ್ಯ­ಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.



ಕನ್ನಡ ಚಲನಚಿತ್ರ ರಂಗದ ಕುಮಾರತ್ರಯರಲ್ಲಿ ಒಬ್ಬರಾಗಿದ್ದ ಉದ­ಯ್‌­­ಕುಮಾರ್‌ ಅವರು ಉತ್ತಮ ವ್ಯಕ್ತಿತ್ವ­ವನ್ನು ಹೊಂದಿದ್ದರು. ಅವರ ನೆನಪು ಅಜರಾಮರ ಎಂದರು.



ಚಲನಚಿತ್ರ ನಿರ್ದೇಶಕ ಸಿ.ವಿ.ಶಿವ­ಶಂಕರ್‌ ಮಾತನಾಡಿ, ‘ಕಲಾವಿದನಿಗೆ ಸಾವಿಲ್ಲ ಎಂಬ ಮಾತಿನಂತೆ ಉದಯ­ಕುಮಾರ್‌ ಅವರ ಚಿತ್ರಗಳು ಅಮರ­ವಾಗಿವೆ’ ಎಂದರು.



ಕಾರ್ಯ­ಕ್ರಮದ ಆಯೋಜಕ ಹಾಗೂ ಉದಯ್‌ಕುಮಾರ್‌ ಪುತ್ರ ವಿಕ್ರಂ ಉದಯ್‌ಕುಮಾರ್‌ ಮಾತನಾಡಿ 190 ಚಿತ್ರಗಳಲ್ಲಿ ನಟಿಸಿದ್ದ ಉದಯ್‌­ಕುಮಾರ್‌ ಅವರು ಸಂಭಾಷಣೆ, ನಿರ್ದೇ­ಶನ, ಸಂಗೀತ  ಸಂಯೋಜನೆ, ನಿರ್ಮಾ­ಪಕ­ರಾಗಿ ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದರು. ಅವರ ನೆನಪು ಶಾಶ್ವತವಾಗಿ ಉಳಿ­ಯು­ವಂತಾ­ಗಲು ಉದಯ್‌­ಕುಮಾರ್‌ ಬಗೆ­ಗಿನ ಸಾಕ್ಷ್ಯಚಿತ್ರ ತಯಾರಿಸಲಾಗಿದೆ’ ಎಂದು ತಿಳಿಸಿದರು.



ಸಂಗೀತ ವಿದ್ವಾಂಸ ವೆಂಕಟ­ರಾಘ­ವನ್‌, ರಾಜಾಪುರ ಸಂಸ್ಥಾನ ಮಠದ ರಾಜೇ­ಶ್ವರ ಶಿವಾಚಾರ್ಯ ಸ್ವಾಮೀಜಿ, ಶಾಸಕ ಬಿ.ಶಿವಣ್ಣ, ಮಾಜಿ ಸಚಿವ ಎ.ನಾರಾ­ಯಣ ಸ್ವಾಮಿ, ಖೋಡೇಸ್‌ ಗ್ರೂಪ್‌ನ ನಿರ್ದೇಶಕ ಹರಿ ಖೋಡೆ, ಚಿತ್ರ ನಿರ್ದೇ­ಶಕ ಕೆ.ಎಸ್‌.­ಎಲ್‌.ಸ್ವಾಮಿ, ಸಾಹಿತಿ ತಾ.ನಂ.­ಕುಮಾರಸ್ವಾಮಿ, ಆದೂರು ಪ್ರಕಾಶ್‌, ಮೋಹನ್‌ ಕುಮಾರ್‌ ಕದಂ, ಜಿ.ವೆಂಕಟೇಶ್‌ ಹಾಜರಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.