ನರೇಂದ್ರ ಮೋದಿ ಭಸ್ಮಾಸುರ

ನವದೆಹಲಿ (ಪಿಟಿಐ): ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರನ್ನು ಭಸ್ಮಾಸುರನಿಗೆ ಹೋಲಿಸಿರುವ ಕೇಂದ್ರ ಸಚಿವ ಜೈರಾಂ ರಮೇಶ್, `ಮೋದಿ ಈ ದೇಶದ ಮೊಟ್ಟ ಮೊದಲ ಫ್ಯಾಸಿಸ್ಟ್' ಎಂದೂ ಕಟಕಿಯಾಡಿದ್ದಾರೆ.



`ಭಸ್ಮಾಸುರ ತನ್ನನು ಸೃಷ್ಟಿಸಿದಾತನನ್ನೇ ನಾಶ ಮಾಡಿಲು ಹೊರಟಿದ್ದ. ಅದೇ ರೀತಿ ಮೋದಿ ಕೂಡ ತಮ್ಮ ಗುರು ಎಲ್.ಕೆ.ಅಡ್ವಾಣಿ ಅವರನ್ನು ಮೂಲೆಗುಂಪು ಮಾಡಲು ಹೊರಟಿದ್ದಾರೆ' ಎಂದು ಜೈರಾಂ ಆರೋಪಿಸಿದ್ದಾರೆ.



`ಮುಂಬರುವ ಚುನಾವಣೆಯಲ್ಲಿ ಮೋದಿ ಕಾಂಗ್ರೆಸ್‌ಗೆ ದೊಡ್ಡ ಸವಾಲಾಗಲಿದ್ದಾರೆ' ಎಂದೂ ಅವರು ಹೇಳಿದ್ದಾರೆ.



ಇಂಥದ್ದೊಂದು ಹೇಳಿಕೆಯನ್ನು ಇದೇ ಮೊದಲ ಬಾರಿ ಕಾಂಗ್ರೆಸ್ ಮುಖಂಡರೊಬ್ಬರು ಹೇಳಿರುವುದು ವಿಶೇಷ.