ಮಂಗಳವಾರ, ಆಗಸ್ಟ್ 4, 2020
25 °C

ನಿಮ್ಮ ಬದುಕಿನ ದೇವತೆಯನ್ನು ಸಂರಕ್ಷಿಸಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನಿಮ್ಮ ಬದುಕಿನ ದೇವತೆಯನ್ನು ಸಂರಕ್ಷಿಸಿ

ಗರ್ಭಕೊರಳಿನ ಕ್ಯಾನ್ಸರ್‌ನಿಂದ ನಿಮ್ಮ ದೇವತೆಯನ್ನು ಸಂರಕ್ಷಿಸಿ ಎಂದು ಕುನಾಲ್ ಕಪೂರ್ ಕರೆ ನೀಡುತ್ತಿದ್ದಾರೆ.



`ಭಾರತದಲ್ಲಿ ಪ್ರತಿ ಏಳು ನಿಮಿಷಕ್ಕೆ ಒಬ್ಬ ಮಹಿಳೆ ಗರ್ಭಕೊರಳಿನ ಕ್ಯಾನ್ಸರ್‌ಗೆ ಬಲಿಯಾಗುತ್ತಿದ್ದಾಳೆ. ಆಕೆ ನಿಮ್ಮ ಅಮ್ಮನಾಗಿರಬಹುದು. ಅಕ್ಕರೆಯ ಸಹೋದರಿಯಾಗಿರಬಹುದು ಅಥವಾ ಸಂಗಾತಿಯಾಗಿರಬಹುದು. ನಿಮ್ಮ ಬದುಕನ್ನು ಬೆಳಗುವ ಆ ದೇವತೆಯನ್ನು ಈ ಕ್ಯಾನ್ಸರ್‌ನಿಂದ ರಕ್ಷಿಸಿ~ ಎಂದು ಕುನಾಲ್ ಕಪೂರ್ ಹೇಳುತ್ತಿದ್ದಾರೆ.



ಗರ್ಭಕೊರಳಿನ ಕ್ಯಾನ್ಸರ್ ವಿರುದ್ಧದ ಪ್ರಚಾರದಲ್ಲಿ ಭಾಗಿಯಾಗಿರುವ ಕುನಾಲ್ ಕಪೂರ್‌ಗೆ ಈ ಕೆಲಸ ಸಂತಸ ತಂದಿದೆಯಂತೆ.



`ತಾರೆಗಳು ಕಾರು ಮಾರುತ್ತಾರೆ, ಕೋಲಾ ಮಾರುತ್ತಾರೆ. ಆದರೆ ಇಂಥ ಮಹತ್ವದ ವಿಷಯ ಬಂದಾಗ ಹಿಂಜರಿಯಬಾರದು. ಇದು ಬದುಕಿನ ವಿಷಯ~ ಎಂಬುದು ಅವರ ಕಿವಿಮಾತು.

`ರಂಗ್ ದೇ ಬಸಂತಿ~ ಚಿತ್ರದ ಮೂಲಕ ಬಾಲಿವುಡ್ ಪ್ರವೇಶಿಸಿದ್ದ ಗುಂಗುರು ಕೂದಲಿನ ಕುನಾಲ್ `ಡಾನ್ 2~ ಚಿತ್ರದಲ್ಲೂ ಮಿಂಚಿದ್ದರು.



ಭಾರತದಲ್ಲಿ ತಾರೆಯರ ಮಾತನ್ನು ನಂಬುತ್ತಾರೆ. ಆರಾಧಿಸುತ್ತಾರೆ. ಈ ಆರಾಧನೆಯನ್ನು ಜಾಗೃತಿಗಾಗಿ ಬಳಸುವುದು ಅತ್ಯುತ್ತಮ ಮಾರ್ಗವಾಗಿದೆ ಎಂದೂ ಅಭಿಪ್ರಾಯ ಪಟ್ಟಿರುವ ಅವರು, ಎಂಎಸ್‌ಡಿ ಫಾರ್ಮಾಸ್ಯುಟಿಕಲ್ಸ್ ಹಮ್ಮಿಕೊಂಡಿದ್ದ ಈ ಪ್ರಚಾರ ಆಂದೋಲನದಲ್ಲಿ ಭಾಗವಹಿಸಿದ್ದರು. ಪ್ರಚಾರಕ್ಕಾಗಿ ನವದೆಹಲಿಯಲ್ಲಿ ಫ್ಯಾಶನ್ ಶೋ ಒಂದನ್ನು ಕೂಡ ಆಯೋಜಿಸಲಾಗಿತ್ತು. 

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.