<p>ಅಪ್ಪ ಬೆಳಗಿನ ಜಾವ ಕಸ ಗುಡಿಸುವಾಗ <br /> ಅಂಗಳದ ತುಂಬಾ ಬಾಗಿದ ಪೊರಕೆಯ ಗೀಟುಗಳು <br /> ಅಂಗಳವ ಕತ್ತರಿಸಿ ನಿಲ್ಲಿಸಿದರೆ ಅದೊಂದು ಕಾಲಾಕೃತಿ<br /> ರಭಸದ ಬಿರುಗಾಳಿ, ಭೋರ್ಗರೆತ ಮಳೆ<br /> ಅಪ್ಪನ ಮಾತಿನ ವೇಗದ ರೈಲು<br /> ** <br /> <br /> ಸೇತುವೆ ಅಡಿ ನೀರ ನಡಿಗೆ ನಿಧಾನ<br /> ತೇಲಿ ಹೋಗುತಿರುವ ಹಸಿದ ದೋಣಿಗಳಿಗೆ <br /> ಮೊಲೆಯೂಡಿಸುವ ಅವ್ವ <br /> ಬೀಸಿದ ಬಲೆಗೆ ಬೀಳಲಿರುವ ಮೀನುಗಳ<br /> ಮೈದಡವಿ ಮಾತನಾಡಿಸುವುದರಲ್ಲಿ ಮಗ್ನ<br /> **<br /> <br /> ಮಳೆ ಬಳ್ಳಿಯ ಹಿಡಿದು ಜೋಕಾಲಿ ಕಟ್ಟಿ ಮಲಗಿ <br /> ನಿದ್ದೆ ಮಾಡುವ ಕನಸ ಹೊತ್ತ ರೈಲಿಗೆ ಎಂಥಾ ಅವಸರ <br /> ಮಿಂಚನ್ನು ಹಿಂದಿಕ್ಕಿ ಓಡುವ ತವಕ<br /> ಆಕಾಶವನ್ನೂ ಸೀಳುವ ರಭಸವೇತಕ್ಕೋ ಈ ರೈಲಿಗೆ..<br /> ಬಾನಿನಾಚೆಯೂ ಹಳಿಯ ಹಾಕಿದವರಾರೋ.<br /> ಅಲ್ಲೊಂದು ದೇವರ ನಿಲ್ದಾಣವಿರಬಹುದೇ?<br /> **<br /> <br /> ಅವನ ಸೇರಬೇಕೆನ್ನುವ ಅವಳ ಪ್ರೀತಿಗೆ ಅದೆಂತಹ ಶಕ್ತಿಯೋ.<br /> ರೈಲನ್ನೇ ಇಷ್ಟು ವೇಗದಲ್ಲಿ ಕರೆದೊಯ್ಯುತ್ತಿದೆ..<br /> ಪ್ರಯಾಣ ತಂಪಾಗಿರಲಿ, ಮಿಂಚು ಕಾಯುತಿರಲಿ, ಗಾಳಿ ನೇವರಿಸಲೆಂದು<br /> ಯಾವ ಕಾಲದಿಂದ ದೇವರಿಗೆ ಮೊರೆ ಇಟ್ಟಿದ್ದನೋ ಅವನು<br /> ಅವಳು ರೈಲು ಹತ್ತಿದಾಕ್ಷಣ ಮೋಡ ನಲಿನಲಿದು ಮಳೆಯಾಗಿ ಸುರಿಯತೊಡಗಿತು..<br /> ಗಾಳಿ ಮತ್ತೇರಿ ಅವಳ ಕೂದಲ ನೇವರಿಸಲೆಂದು ಹುಚ್ಚು ಹಿಡಿದ ಹಾಗೆ ಬೀಸಿ <br /> ಸನಿಹದಲಿ ಹೆಜ್ಜೆ ಸಪ್ಪಳವಿರದಂತೆ ಮೆಲ್ಲಗೆ ದಾಟುತ್ತಿದೆ..<br /> **<br /> <br /> ದೂರದ ನಿಲ್ದಾಣದಲಿ ನಿಂತವಳ ಕಾಯುವಿಕೆಗೆ ಅದೆಂತಹ ಮಾಯೆಯೋ <br /> ತಡವಾಗಿ ತಾಳ್ಮೆಗೆಡಿಸಿ ಅವಳ ನಗೆ ಬಾಡಬಾರದೆಂಬ <br /> ತವಕಕೆ ರೈಲು ಓಡುತ್ತಲೇ ಇದೆ<br /> ನಾನು ಮಿಂಚನ್ನು ಹಿಂದಿಕ್ಕಿ ಓಡುವ ರೈಲಿನ ಒಳಗೆ ಕೂತು <br /> ಸೋತ ಮಿಂಚಿನ ಮೈದಡವಿ ಸಮಾಧಾನ ಮಾಡುತ್ತಿದ್ದೇನೆ..<br /> **<br /> <br /> ನಾವಿಬ್ಬರೂ ಪುಟ್ಟ ದೋಣಿಯಲಿ ಕುಳಿತು <br /> ಬಿರುಗಾಳಿ ಕೂದಲುಗಳ ಜಡೆ ಹೆಣೆದು <br /> ಹೂ ಮುಡಿಸುವ ಸಾಹಸ ಮಾಡುತ್ತಿದ್ದೇನೆ..<br /> ಮಳೆ ಬಳ್ಳಿಯ ಹೆಣೆದು ಬಲೆ ಮಾಡಿ <br /> ಓಡುವ ರೈಲನ್ನು ಹಿಡಿವ ಕನಸಿಗೀಗ ಎಚ್ಚರವಾಗಿದೆ.<br /> **<br /> <br /> ಬಿರುಗಾಳಿಯ ರಭಸಕ್ಕೆ ಮುಳುಗಲಿರುವ ಪುಟ್ಟ ದೋಣಿಯ <br /> ತಿರುಗಿಸಿ ಹಾಕಿದ ಗಾಂಧಿ ಟೋಪಿಯಲಿ ಮಳೆಗೆ ಶಾಂತಿ ಪಾಠ ಹೇಳುವಾಗ <br /> ಸೀಳಿಬರುವ ರೈಲಿನ ಕರ್ಕಶ ಧ್ವನಿಯ ಕಾಲುಗಳಿಗೆ ಮುಳ್ಳು ತಾಕದಿರಲಿ<br /> ದೋಣಿಯಲಿ ಕುಳಿತ ನಾವು ರೈಲಿನ ವೇಗದೊಂದಿದೆ ಸ್ಪರ್ಧೆ ಮಾಡಲಾರೆವು<br /> ನೀರ ಮೇಲಣ ಪಯಣಿಸುವ ಕನಸು ಕಾಣಲು <br /> ಹೆದರುವ ರೈಲಿನ ಬಗ್ಗೆ ನಮಗೆ ಕನಿಕರವಿದೆ..<br /> **<br /> <br /> ಬೆಟ್ಟವನೇರಿ ನೆಲದಲ್ಲಿ ಓಡುವ ರೈಲು ನೋಡುವಾಗಲೆಲ್ಲಾ<br /> ನನ್ನ ಬಾಲ್ಯದ ಕೊಳಲಿಗೆ ಗಾಲಿ ಬಂದಂತೆಯೂ..<br /> ಗೆಳತಿಗೆ ಸಂದೇಶ ಕಳಿಸುವ ಕೊಳಲ ನಾದ <br /> ರಕ್ಕಸಿಯ ಧ್ವನಿಪೆಟ್ಟಿಗೆ ಸೇರಿ ಕೂದಲೆಳೆ ಮೈ ಆನೆಗಾತ್ರವಾದಂತೆ<br /> ಕಣ್ಣಿಗೆ ಕಟ್ಟಿ ತಲೆತಿರುಗುತ್ತಿತ್ತು<br /> ಸದ್ಯ ಬೆಟ್ಟದ ಪ್ರೀತಿಯ ಅಪ್ಪುಗೆಯಿಂದಾಗಿ ಬೀಳಲಿಲ್ಲವಷ್ಟೆ!<br /> **<br /> <br /> ನನ್ನ ಕನಸಿನ ಕ್ಯಾನ್ವಾಸಿನಲ್ಲಿ ಮೂಡಿಸಿದ ಚಿತ್ರ ಇದೇ ಎಂದಾದರೆ<br /> ಬೆನ್ನಿಗೆ ಕಟ್ಟಿದ ನೆನಪುಗಳ ಮೂಟೆಯಲ್ಲಿ ಹರಿದ ಮಾತುಗಳಿವೆ<br /> ನನ್ನ ದೇಶದ ಸಂಪತ್ತು ಕೊಳ್ಳೆಯಾದದ್ದೂ ಇದೇ ರೈಲಿನಲ್ಲಿ..<br /> ಇಷ್ಟು ವೇಗದ ಓಡಾಟದಲ್ಲಿ ಅದೆಷ್ಟು ಸಂಪತ್ತು ಕರಗಿ ಹೋಯಿತೋ <br /> ಭಾರತವ್ವನಿಗೂ ಲೆಕ್ಕ ಸಿಕ್ಕಂತಿಲ್ಲ..ಸಿಕ್ಕಿಬಿದ್ದ ಕಳ್ಳ ಜೀವಭಯದಿಂದ ಓಡುವಂತಿದೆ ಈ ರೈಲಿನ ವೇಗ<br /> **<br /> <br /> ದೇವರಿಗೆ ನೀರ ಗುಳ್ಳೆ ಹಳಿಯ ಮೇಲೆ ರೈಲಿನೋಟದ ಕನಸು ಬಿದ್ದು<br /> ಕಳವಳಗೊಂಡು ಮನುಷ್ಯನಾಗುವ ಕಸರತ್ತು ಮಾಡುತ್ತಿದೆ<br /> ದಟ್ಟ ಗಾಳಿಯ ತುದಿಗೆ ಕತ್ತಿಯ ಮೊನಚು ಬಂದದ್ದು <br /> ಕನಸಲ್ಲವೆಂದು ಬೆದರಿ ಪುಟ್ಟ ಮೊಲ ಓಡುತಿದೆ..<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಪ್ಪ ಬೆಳಗಿನ ಜಾವ ಕಸ ಗುಡಿಸುವಾಗ <br /> ಅಂಗಳದ ತುಂಬಾ ಬಾಗಿದ ಪೊರಕೆಯ ಗೀಟುಗಳು <br /> ಅಂಗಳವ ಕತ್ತರಿಸಿ ನಿಲ್ಲಿಸಿದರೆ ಅದೊಂದು ಕಾಲಾಕೃತಿ<br /> ರಭಸದ ಬಿರುಗಾಳಿ, ಭೋರ್ಗರೆತ ಮಳೆ<br /> ಅಪ್ಪನ ಮಾತಿನ ವೇಗದ ರೈಲು<br /> ** <br /> <br /> ಸೇತುವೆ ಅಡಿ ನೀರ ನಡಿಗೆ ನಿಧಾನ<br /> ತೇಲಿ ಹೋಗುತಿರುವ ಹಸಿದ ದೋಣಿಗಳಿಗೆ <br /> ಮೊಲೆಯೂಡಿಸುವ ಅವ್ವ <br /> ಬೀಸಿದ ಬಲೆಗೆ ಬೀಳಲಿರುವ ಮೀನುಗಳ<br /> ಮೈದಡವಿ ಮಾತನಾಡಿಸುವುದರಲ್ಲಿ ಮಗ್ನ<br /> **<br /> <br /> ಮಳೆ ಬಳ್ಳಿಯ ಹಿಡಿದು ಜೋಕಾಲಿ ಕಟ್ಟಿ ಮಲಗಿ <br /> ನಿದ್ದೆ ಮಾಡುವ ಕನಸ ಹೊತ್ತ ರೈಲಿಗೆ ಎಂಥಾ ಅವಸರ <br /> ಮಿಂಚನ್ನು ಹಿಂದಿಕ್ಕಿ ಓಡುವ ತವಕ<br /> ಆಕಾಶವನ್ನೂ ಸೀಳುವ ರಭಸವೇತಕ್ಕೋ ಈ ರೈಲಿಗೆ..<br /> ಬಾನಿನಾಚೆಯೂ ಹಳಿಯ ಹಾಕಿದವರಾರೋ.<br /> ಅಲ್ಲೊಂದು ದೇವರ ನಿಲ್ದಾಣವಿರಬಹುದೇ?<br /> **<br /> <br /> ಅವನ ಸೇರಬೇಕೆನ್ನುವ ಅವಳ ಪ್ರೀತಿಗೆ ಅದೆಂತಹ ಶಕ್ತಿಯೋ.<br /> ರೈಲನ್ನೇ ಇಷ್ಟು ವೇಗದಲ್ಲಿ ಕರೆದೊಯ್ಯುತ್ತಿದೆ..<br /> ಪ್ರಯಾಣ ತಂಪಾಗಿರಲಿ, ಮಿಂಚು ಕಾಯುತಿರಲಿ, ಗಾಳಿ ನೇವರಿಸಲೆಂದು<br /> ಯಾವ ಕಾಲದಿಂದ ದೇವರಿಗೆ ಮೊರೆ ಇಟ್ಟಿದ್ದನೋ ಅವನು<br /> ಅವಳು ರೈಲು ಹತ್ತಿದಾಕ್ಷಣ ಮೋಡ ನಲಿನಲಿದು ಮಳೆಯಾಗಿ ಸುರಿಯತೊಡಗಿತು..<br /> ಗಾಳಿ ಮತ್ತೇರಿ ಅವಳ ಕೂದಲ ನೇವರಿಸಲೆಂದು ಹುಚ್ಚು ಹಿಡಿದ ಹಾಗೆ ಬೀಸಿ <br /> ಸನಿಹದಲಿ ಹೆಜ್ಜೆ ಸಪ್ಪಳವಿರದಂತೆ ಮೆಲ್ಲಗೆ ದಾಟುತ್ತಿದೆ..<br /> **<br /> <br /> ದೂರದ ನಿಲ್ದಾಣದಲಿ ನಿಂತವಳ ಕಾಯುವಿಕೆಗೆ ಅದೆಂತಹ ಮಾಯೆಯೋ <br /> ತಡವಾಗಿ ತಾಳ್ಮೆಗೆಡಿಸಿ ಅವಳ ನಗೆ ಬಾಡಬಾರದೆಂಬ <br /> ತವಕಕೆ ರೈಲು ಓಡುತ್ತಲೇ ಇದೆ<br /> ನಾನು ಮಿಂಚನ್ನು ಹಿಂದಿಕ್ಕಿ ಓಡುವ ರೈಲಿನ ಒಳಗೆ ಕೂತು <br /> ಸೋತ ಮಿಂಚಿನ ಮೈದಡವಿ ಸಮಾಧಾನ ಮಾಡುತ್ತಿದ್ದೇನೆ..<br /> **<br /> <br /> ನಾವಿಬ್ಬರೂ ಪುಟ್ಟ ದೋಣಿಯಲಿ ಕುಳಿತು <br /> ಬಿರುಗಾಳಿ ಕೂದಲುಗಳ ಜಡೆ ಹೆಣೆದು <br /> ಹೂ ಮುಡಿಸುವ ಸಾಹಸ ಮಾಡುತ್ತಿದ್ದೇನೆ..<br /> ಮಳೆ ಬಳ್ಳಿಯ ಹೆಣೆದು ಬಲೆ ಮಾಡಿ <br /> ಓಡುವ ರೈಲನ್ನು ಹಿಡಿವ ಕನಸಿಗೀಗ ಎಚ್ಚರವಾಗಿದೆ.<br /> **<br /> <br /> ಬಿರುಗಾಳಿಯ ರಭಸಕ್ಕೆ ಮುಳುಗಲಿರುವ ಪುಟ್ಟ ದೋಣಿಯ <br /> ತಿರುಗಿಸಿ ಹಾಕಿದ ಗಾಂಧಿ ಟೋಪಿಯಲಿ ಮಳೆಗೆ ಶಾಂತಿ ಪಾಠ ಹೇಳುವಾಗ <br /> ಸೀಳಿಬರುವ ರೈಲಿನ ಕರ್ಕಶ ಧ್ವನಿಯ ಕಾಲುಗಳಿಗೆ ಮುಳ್ಳು ತಾಕದಿರಲಿ<br /> ದೋಣಿಯಲಿ ಕುಳಿತ ನಾವು ರೈಲಿನ ವೇಗದೊಂದಿದೆ ಸ್ಪರ್ಧೆ ಮಾಡಲಾರೆವು<br /> ನೀರ ಮೇಲಣ ಪಯಣಿಸುವ ಕನಸು ಕಾಣಲು <br /> ಹೆದರುವ ರೈಲಿನ ಬಗ್ಗೆ ನಮಗೆ ಕನಿಕರವಿದೆ..<br /> **<br /> <br /> ಬೆಟ್ಟವನೇರಿ ನೆಲದಲ್ಲಿ ಓಡುವ ರೈಲು ನೋಡುವಾಗಲೆಲ್ಲಾ<br /> ನನ್ನ ಬಾಲ್ಯದ ಕೊಳಲಿಗೆ ಗಾಲಿ ಬಂದಂತೆಯೂ..<br /> ಗೆಳತಿಗೆ ಸಂದೇಶ ಕಳಿಸುವ ಕೊಳಲ ನಾದ <br /> ರಕ್ಕಸಿಯ ಧ್ವನಿಪೆಟ್ಟಿಗೆ ಸೇರಿ ಕೂದಲೆಳೆ ಮೈ ಆನೆಗಾತ್ರವಾದಂತೆ<br /> ಕಣ್ಣಿಗೆ ಕಟ್ಟಿ ತಲೆತಿರುಗುತ್ತಿತ್ತು<br /> ಸದ್ಯ ಬೆಟ್ಟದ ಪ್ರೀತಿಯ ಅಪ್ಪುಗೆಯಿಂದಾಗಿ ಬೀಳಲಿಲ್ಲವಷ್ಟೆ!<br /> **<br /> <br /> ನನ್ನ ಕನಸಿನ ಕ್ಯಾನ್ವಾಸಿನಲ್ಲಿ ಮೂಡಿಸಿದ ಚಿತ್ರ ಇದೇ ಎಂದಾದರೆ<br /> ಬೆನ್ನಿಗೆ ಕಟ್ಟಿದ ನೆನಪುಗಳ ಮೂಟೆಯಲ್ಲಿ ಹರಿದ ಮಾತುಗಳಿವೆ<br /> ನನ್ನ ದೇಶದ ಸಂಪತ್ತು ಕೊಳ್ಳೆಯಾದದ್ದೂ ಇದೇ ರೈಲಿನಲ್ಲಿ..<br /> ಇಷ್ಟು ವೇಗದ ಓಡಾಟದಲ್ಲಿ ಅದೆಷ್ಟು ಸಂಪತ್ತು ಕರಗಿ ಹೋಯಿತೋ <br /> ಭಾರತವ್ವನಿಗೂ ಲೆಕ್ಕ ಸಿಕ್ಕಂತಿಲ್ಲ..ಸಿಕ್ಕಿಬಿದ್ದ ಕಳ್ಳ ಜೀವಭಯದಿಂದ ಓಡುವಂತಿದೆ ಈ ರೈಲಿನ ವೇಗ<br /> **<br /> <br /> ದೇವರಿಗೆ ನೀರ ಗುಳ್ಳೆ ಹಳಿಯ ಮೇಲೆ ರೈಲಿನೋಟದ ಕನಸು ಬಿದ್ದು<br /> ಕಳವಳಗೊಂಡು ಮನುಷ್ಯನಾಗುವ ಕಸರತ್ತು ಮಾಡುತ್ತಿದೆ<br /> ದಟ್ಟ ಗಾಳಿಯ ತುದಿಗೆ ಕತ್ತಿಯ ಮೊನಚು ಬಂದದ್ದು <br /> ಕನಸಲ್ಲವೆಂದು ಬೆದರಿ ಪುಟ್ಟ ಮೊಲ ಓಡುತಿದೆ..<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>