<p>ಈ ಇದೇ ಮಣ್ಣು ನೆಲವನ್ನಗೆಯತೊಡಗಿದರೆ;<br /> ಸ್ವರ್ಣ ಖಚಿತ ಸಿಂಹಾಸನದ ಜೊತೆಜೊತೆಗೇ<br /> ಬತ್ತೀಸ ಪುತ್ಥಳಿಗಳು ತಡೆ ತಡೆದು ಹೇಳಿದ ಕತೆ-<br /> ಕೇಳ ಕೇಳುತ್ತಲೇ ಗುರಿಯಿಂದ ದೂರವಾದವರ ವ್ಯಥೆ.</p>.<p>ಈ ಇದೇ ಮಣ್ಣು ನೆಲವನ್ನು ಚಣಕಾಲ ದಿಟ್ಟಿಸಿದರೆ;<br /> ನೆಲದ ಮರೆಯ ನಿಧಾನವನ್ನನುಸರಿಸಿ<br /> ಪ್ರಭುವಾಗಿ ಬೆಳೆದ ಅಲ್ಲಮನ ಕಾಮಲತೆ<br /> ತಿರು ತಿರುಗಿ ಅನಾಥವಾಗುತ್ತಲೇ ಉಳಿದ ಭಾವ-ಗೀತೆ.</p>.<p>ಈ ಇದೇ ಮಣ್ಣು ನೆಲವನ್ನುತ್ತತೊಡಗಿದರೆ;<br /> ನೇಗಿಲ ಚೂಪಿಗೆ ಸಿಕ್ಕು ನರಳುವಳು ಸೀತೆ<br /> ಪುರುಷೋತ್ತಮನ ಮಡದಿಯಾದರೂ ಕುಲಟೆ<br /> ಅಗ್ನಿಪರೀಕ್ಷೆಗೆ ದಬ್ಬುವುದು ನಾಲಿಗೆಯ ತೀಟೆ.</p>.<p>ಈ ಇದೇ ಮಣ್ಣು ನೆಲವನ್ನಳೆಯತೊಡಗಿದರೆ;<br /> ಹೆಜ್ಜೆ ಹೆಜ್ಜೆಗೂ ತೊಡರುವ ವೀರಗಲ್ಲುಗಳು<br /> ಒಬ್ಬನ ಹೆಸರನ್ನಳಿಸಿ ಕೆತ್ತಿಸಿದ ಮತ್ತೊಬ್ಬನ ಫಲಕಗಳು <br /> ಆಚಂದ್ರಾರ್ಕ ಕಾಡುತ್ತಲೇ ಇರುವ ಶ್ರೇಷ್ಠತೆಯ ವ್ಯಸನಗಳು.<br /> ಈ ಇದೇ ಮಣ್ಣು ನೆಲವನ್ನಗೆದಗೆದು,<br /> ಸವೆದು ಮೊಂಡಾಗಿರುವ ಹಾರೆ, ಗುದ್ದಲಿ, ಸನಿಕೆ<br /> ಅರಗಿನರಮನೆಯಲ್ಲಿ ತಡೆಯಲಾರದ ಸೆಖೆ<br /> ಗಡುವು ಮೀರಿದರೂ, ಮುಂದುವರಿಯುವುದು ತನಿಖೆ!</p>.<p>ಈ ಇದೇ ಮಣ್ಣು ನೆಲದ ಪರಿಧಿಯೊಳಗೇ ಸುಳಿಸುಳಿದು,<br /> ಬಿಡದೇ ಬೆಂಬತ್ತಿರುವ ಪೂರ್ವ ಸೂರಿಗಳ ಬಿಕ್ಕುಗಳು<br /> ಸುಖದ ಉಷ್ಣದ ಜೊತೆಗೇ ಶೀತ ಮಾರುತದ ವಾಕ್ಕುಗಳು<br /> ಮಥುರೆಯ ದಬ್ಬಾಳಿಕೆಯಲ್ಲರಳಿದ ದ್ವಾರಕೆಯ ನಕಾಶೆಗಳು.</p>.<p>ಈ ಇದೇ ಮಣ್ಣು ನೆಲದ ಘಮವನ್ನಾಸ್ವಾದಿಸತೊಡಗಿದರೆ;<br /> ಪುಳಕ ಮೈಯಲ್ಲೆಲ್ಲ ಹರಡಿ, ಕನಸು ಕಾಮರಥಿ<br /> ತಡೆಯಿಂದಿಳಿದಿಳಿದು ಹೊರ ಚಿಮ್ಮುವ ಬಾಗೀರಥಿ <br /> ರಂಗು ರಂಗಿನುತ್ಸವಕೆ ಕಾಯ ಕರ್ಪೂರದಾರತಿ!<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ಇದೇ ಮಣ್ಣು ನೆಲವನ್ನಗೆಯತೊಡಗಿದರೆ;<br /> ಸ್ವರ್ಣ ಖಚಿತ ಸಿಂಹಾಸನದ ಜೊತೆಜೊತೆಗೇ<br /> ಬತ್ತೀಸ ಪುತ್ಥಳಿಗಳು ತಡೆ ತಡೆದು ಹೇಳಿದ ಕತೆ-<br /> ಕೇಳ ಕೇಳುತ್ತಲೇ ಗುರಿಯಿಂದ ದೂರವಾದವರ ವ್ಯಥೆ.</p>.<p>ಈ ಇದೇ ಮಣ್ಣು ನೆಲವನ್ನು ಚಣಕಾಲ ದಿಟ್ಟಿಸಿದರೆ;<br /> ನೆಲದ ಮರೆಯ ನಿಧಾನವನ್ನನುಸರಿಸಿ<br /> ಪ್ರಭುವಾಗಿ ಬೆಳೆದ ಅಲ್ಲಮನ ಕಾಮಲತೆ<br /> ತಿರು ತಿರುಗಿ ಅನಾಥವಾಗುತ್ತಲೇ ಉಳಿದ ಭಾವ-ಗೀತೆ.</p>.<p>ಈ ಇದೇ ಮಣ್ಣು ನೆಲವನ್ನುತ್ತತೊಡಗಿದರೆ;<br /> ನೇಗಿಲ ಚೂಪಿಗೆ ಸಿಕ್ಕು ನರಳುವಳು ಸೀತೆ<br /> ಪುರುಷೋತ್ತಮನ ಮಡದಿಯಾದರೂ ಕುಲಟೆ<br /> ಅಗ್ನಿಪರೀಕ್ಷೆಗೆ ದಬ್ಬುವುದು ನಾಲಿಗೆಯ ತೀಟೆ.</p>.<p>ಈ ಇದೇ ಮಣ್ಣು ನೆಲವನ್ನಳೆಯತೊಡಗಿದರೆ;<br /> ಹೆಜ್ಜೆ ಹೆಜ್ಜೆಗೂ ತೊಡರುವ ವೀರಗಲ್ಲುಗಳು<br /> ಒಬ್ಬನ ಹೆಸರನ್ನಳಿಸಿ ಕೆತ್ತಿಸಿದ ಮತ್ತೊಬ್ಬನ ಫಲಕಗಳು <br /> ಆಚಂದ್ರಾರ್ಕ ಕಾಡುತ್ತಲೇ ಇರುವ ಶ್ರೇಷ್ಠತೆಯ ವ್ಯಸನಗಳು.<br /> ಈ ಇದೇ ಮಣ್ಣು ನೆಲವನ್ನಗೆದಗೆದು,<br /> ಸವೆದು ಮೊಂಡಾಗಿರುವ ಹಾರೆ, ಗುದ್ದಲಿ, ಸನಿಕೆ<br /> ಅರಗಿನರಮನೆಯಲ್ಲಿ ತಡೆಯಲಾರದ ಸೆಖೆ<br /> ಗಡುವು ಮೀರಿದರೂ, ಮುಂದುವರಿಯುವುದು ತನಿಖೆ!</p>.<p>ಈ ಇದೇ ಮಣ್ಣು ನೆಲದ ಪರಿಧಿಯೊಳಗೇ ಸುಳಿಸುಳಿದು,<br /> ಬಿಡದೇ ಬೆಂಬತ್ತಿರುವ ಪೂರ್ವ ಸೂರಿಗಳ ಬಿಕ್ಕುಗಳು<br /> ಸುಖದ ಉಷ್ಣದ ಜೊತೆಗೇ ಶೀತ ಮಾರುತದ ವಾಕ್ಕುಗಳು<br /> ಮಥುರೆಯ ದಬ್ಬಾಳಿಕೆಯಲ್ಲರಳಿದ ದ್ವಾರಕೆಯ ನಕಾಶೆಗಳು.</p>.<p>ಈ ಇದೇ ಮಣ್ಣು ನೆಲದ ಘಮವನ್ನಾಸ್ವಾದಿಸತೊಡಗಿದರೆ;<br /> ಪುಳಕ ಮೈಯಲ್ಲೆಲ್ಲ ಹರಡಿ, ಕನಸು ಕಾಮರಥಿ<br /> ತಡೆಯಿಂದಿಳಿದಿಳಿದು ಹೊರ ಚಿಮ್ಮುವ ಬಾಗೀರಥಿ <br /> ರಂಗು ರಂಗಿನುತ್ಸವಕೆ ಕಾಯ ಕರ್ಪೂರದಾರತಿ!<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>