<p><strong>ಇಸ್ಲಾಮಾಬಾದ್ (ಪಿಟಿಐ): </strong>ಪಾಕಿಸ್ತಾನದಲ್ಲಿ ಮತ್ತೆ ಉಗ್ರರು ಅಟ್ಟಹಾಸ ಮೆರೆದಿದ್ದಾರೆ. ಕಮ್ರಾ ವಾಯುನೆಲೆಯ ಮೇಲೆ ಗುರುವಾರ ಬೆಳಗಿನ ಜಾವ ನಡೆದ ಆತ್ಮಹತ್ಯಾ ದಾಳಿಯಲ್ಲಿ 9 ಉಗ್ರರು ಹಾಗೂ ಭದ್ರತಾ ಸಿಬ್ಬಂದಿಯೊಬ್ಬರು ಮೃತಪಟ್ಟಿದ್ದಾರೆ.<br /> <br /> ಪಾಕಿಸ್ತಾನದ ಅಣ್ವಸ್ತ್ರಗಳು ಉಗ್ರರ ಕೈಸೇರುವ ಅಪಾಯ ಇದೆ ಎಂದು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಿಯೋನ್ ಪಾನೆಟ್ಟ ಆತಂಕ ವ್ಯಕ್ತಪಡಿಸಿದ ಬೆನ್ನಲ್ಲೇ ಈ ದಾಳಿ ನಡೆದಿದೆ. <br /> <br /> ಅಣ್ವಸ್ತ್ರ ಸಂಗ್ರಹ ಇದೆ ಎಂಬ ಕಾರಣಕ್ಕೆ ಉಗ್ರರು ದಾಳಿಗೆ ಕಮ್ರಾ ವಾಯುನೆಲೆಯನ್ನು ಆಯ್ಕೆ ಮಾಡಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ. ದಾಳಿ ವೇಳೆ ಕನಿಷ್ಠ ನೂರಕ್ಕೂ ಹೆಚ್ಚು ಅಣ್ವಸ್ತ್ರ ಸಿಡಿತಲೆಗಳು ಇಲ್ಲಿದ್ದವು ಎನ್ನಲಾಗಿದೆ.<br /> <br /> <strong>ಸೇನಾ ಉಡುಪಿನಲ್ಲಿದ್ದ ಉಗ್ರರು: </strong>ಇಸ್ಲಾಮಾಬಾದ್ನಿಂದ 40 ಕಿ.ಮೀ ದೂರದಲ್ಲಿರುವ ಪಂಜಾಬ್ ಪ್ರಾಂತ್ಯದ ಕಮ್ರಾ ವಾಯುನೆಲೆ ಪಾಕಿಸ್ತಾನದ ಪ್ರಮುಖ ಹಾಗೂ ದೊಡ್ಡ ವಾಯುನೆಲೆಗಳಲ್ಲಿ ಒಂದು. ಸೇನಾ ಸಮವಸ್ತ್ರದಲ್ಲಿದ್ದ ಉಗ್ರರು ಮೂರು ಸುತ್ತಿನ ಭಾರಿ ಭದ್ರತೆಯನ್ನು ಭೇದಿಸಿ ಒಳನುಗ್ಗಿ, ಅಮೆರಿಕ ನಿರ್ಮಿತ ಎಫ್-16 ಮತ್ತು ಚೀನಾ ನಿರ್ಮಿತ ಜೆಎಫ್-17 ಯುದ್ಧ ವಿಮಾನಗಳನ್ನು ಗುರಿಯಾಗಿಟ್ಟುಕೊಂಡು ಗ್ರೆನೇಡ್ ದಾಳಿ ನಡೆಸಿದ್ದಾರೆ. ಸದ್ಯದ ಮಾಹಿತಿಗಳ ಪ್ರಕಾರ ದಾಳಿಯಲ್ಲಿ ಒಂದು ಯುದ್ಧವಿಮಾನ ಧ್ವಂಸಗೊಂಡಿದ್ದು, ಇನ್ನೂ ಅನೇಕ ಯುದ್ಧವಿಮಾನಗಳಿಗೆ ಹಾನಿಯಾಗಿರುವ ಶಂಕೆ ಇದೆ. <br /> <br /> ಭಾರಿ ಪ್ರಮಾಣದ ಶಕ್ತಿಶಾಲಿ ಸ್ಫೋಟಕ ಮತ್ತು ಕ್ಷಿಪಣಿ ವಾಹಕಗಳನ್ನು ಹೊಂದಿದ್ದ ಉಗ್ರರನ್ನು ಹಿಮ್ಮೆಟ್ಟಿಸಲು ಭದ್ರತಾ ಸಿಬ್ಬಂದಿ ಪ್ರತಿದಾಳಿ ನಡೆಸಿದರು. ಕಾರ್ಯಾಚರಣೆಯ ನೇತೃತ್ವ ವಹಿಸಿದ್ದ ಹಿರಿಯ ಸೇನಾಧಿಕಾರಿ ಮೊಹಮ್ಮದ್ ಅಜಾಮ್ ಗುಂಡೇಟಿನಿಂದ ಗಾಯಗೊಂಡಿದ್ದಾರೆ. <br /> <br /> `ಸದ್ಯ ಪರಿಸ್ಥಿತಿ ನಿಯಂತ್ರಣದಲ್ಲಿದ್ದು, ವಾಯುನೆಲೆಯಲ್ಲಿ ಅಡಗಿರಬಹುದಾದ ಉಗ್ರರಿಗಾಗಿ ಶೋಧ ಮುಂದುವರಿದಿದೆ~ ಎಂದು ಸೇನಾ ವಕ್ತಾರರು ತಿಳಿಸಿದ್ದಾರೆ. <br /> <br /> ಕಮ್ರಾ ವಾಯುನೆಲೆಯಲ್ಲಿ ಅಮೆರಿಕ ನಿರ್ಮಿತ ಎಫ್-16 ಮತ್ತು ಚೀನಾ ನಿರ್ಮಿತ ಜೆಎಫ್-17 ಯುದ್ಧವಿಮಾನಗಳಿದ್ದವು. ಆದರೆ ಅವುಗಳ ನಿಖರವಾದ ಸಂಖ್ಯೆ ಮತ್ತು ಹಾನಿಗೊಳಗಾದ ವಿಮಾನಗಳ ಸಂಖ್ಯೆಯ ಬಗ್ಗೆ ಹೆಚ್ಚಿನ ಮಾಹಿತಿ ದೊರೆತಿಲ್ಲ. <br /> <br /> <strong>ದಾಳಿ ಹೊಣೆ: </strong> ನಿಷೇಧಿತ ತೆಹ್ರಿಕ್-ಎ-ತಾಲಿಬಾನ್ ಪಾಕಿಸ್ತಾನ ಘಟಕ ದಾಳಿಯ ಹೊಣೆ ಹೊತ್ತಿದ್ದು, ಅಲ್-ಖೈದಾ ಮುಖ್ಯಸ್ಥ ಒಸಾಮಾ ಬಿನ್ ಲಾಡೆನ್ ಮತ್ತು ತಾಲಿಬಾನ್ ಕಮಾಂಡರ್ ಬೈತುಲ್ಲಾ ಮೆಹಸೂದ್ ಹತ್ಯೆಗೆ ಪ್ರತೀಕಾರ ತೀರಿಸಿಕೊಂಡಿದ್ದಾಗಿ ಹೇಳಿಕೊಂಡಿದೆ. ಇಂಥ ಇನ್ನೂ ಅನೇಕ ದಾಳಿಗಳನ್ನು ನಡೆಸುವುದಾಗಿ ತಾಲಿಬಾನ್ ವಕ್ತಾರ ಇಸಾನುಲ್ಲಾ ಇಸಾನ್ ದೂರವಾಣಿ ಮೂಲಕ ಮಾಧ್ಯಮಗಳಿಗೆ ತಿಳಿಸಿದ್ದಾನೆ. <br /> <br /> <strong>ಇದು ಮೂರನೇ ದಾಳಿ:</strong> ಕಮ್ರಾ ವಾಯುನೆಲೆಯ ಮೇಲೆ ಗುರುವಾರ ನಡೆದಿರುವುದು ಮೂರನೇ ದಾಳಿ. ಈ ಹಿಂದೆ 2007ರಲ್ಲಿ ವಾಯುನೆಲೆಯ ದ್ವಾರದಲ್ಲಿದ್ದ ಬಸ್ ಮೇಲೆ ಆತ್ಮಹತ್ಯಾ ದಾಳಿ ನಡೆದಿತ್ತು. 2008ರಲ್ಲಿ ಕ್ಷಿಪಣಿ ದಾಳಿ ನಡೆಸಲಾಗಿತ್ತು. <br /> <br /> ಕಳೆದ ವರ್ಷ (2011) ಮೇ ತಿಂಗಳಲ್ಲಿ ಕರಾಚಿ ನೌಕಾನೆಲೆಯ ಮೇಲೆ ಉಗ್ರರು ದಾಳಿ ನಡೆಸಿದ್ದರು. 2009ರಲ್ಲಿ ರಾವಲ್ಪಿಂಡಿಯಲ್ಲಿರುವ ಸೇನಾ ಪ್ರಧಾನ ಕಚೇರಿಯ ಮೇಲೆ ದಾಳಿ ನಡೆದಿತ್ತು.<br /> <strong><br /> ಒಳಗಿನವರ ಕೈವಾಡ?: </strong>ಪಿಂಡ್ ಸುಲೇಮಾನ್ ಮಖಾನ್ ಗ್ರಾಮದಿಂದ ಉಗ್ರರು ಒಳನುಸುಳಿರಬಹುದು ಎಂದು ಶಂಕಿಸಲಾಗಿದ್ದು, ವಾಯುನೆಲೆ ಅಧಿಕಾರಿಗಳ ನೆರವು ದೊರೆತಿರುವ ಸಾಧ್ಯತೆಗಳಿವೆ ಎಂದು ದಾಳಿ ನಡೆದ ಕೆಲವೇ ಕ್ಷಣಗಳಲ್ಲಿ ಜಿಯೊ ಸುದ್ದಿವಾಹಿನಿ ವರದಿ ಮಾಡಿದೆ. <br /> <br /> <strong>ವಾರದ ಮೊದಲೇ ಸುಳಿವು!: </strong>ಭಯೋತ್ಪಾದನೆ ವಿರುದ್ಧ ಪಾಕಿಸ್ತಾನದ ಹೋರಾಟ ಮುಂದುವರೆಯಲಿದೆ ಎಂಬ ಸೇನಾ ಮುಖ್ಯಸ್ಥ ಜನರಲ್ ಅಶ್ಫಾಕ್ ಪರ್ವೇಜ್ ಕಯಾನಿ ಅವರ ಹೇಳಿಕೆ ಹೊರಬಿದ್ದ ಎರಡೇ ದಿನಗಳಲ್ಲಿ ದಾಳಿ ನಡೆದಿದೆ. <br /> <br /> `ಈದ್-ಉಲ್-ಫಿತ್ರ್ ಹಬ್ಬದ ಮೊದಲೇ ಪಂಜಾಬ್ ಪ್ರಾಂತ್ಯದಲ್ಲಿರುವ ಪಾಕಿಸ್ತಾನದ ವಾಯುನೆಲೆ ಮೇಲೆ `ತೆಹ್ರಿಕ್ -ಎ- ತಾಲಿಬಾನ್~ ಉಗ್ರರು ದಾಳಿ ನಡೆಸುವ ಸಾಧ್ಯತೆ ಇದೆ~ ಎಂದು ಗುಪ್ತಚರ ವರದಿಯನ್ನು ಆಧರಿಸಿ `ಎಕ್ಸ್ಪ್ರೆಸ್ ಟ್ರಿಬ್ಯೂನ್~ ಪತ್ರಿಕೆ ಇದೇ 10ರಂದು ವರದಿ ಪ್ರಕಟಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಸ್ಲಾಮಾಬಾದ್ (ಪಿಟಿಐ): </strong>ಪಾಕಿಸ್ತಾನದಲ್ಲಿ ಮತ್ತೆ ಉಗ್ರರು ಅಟ್ಟಹಾಸ ಮೆರೆದಿದ್ದಾರೆ. ಕಮ್ರಾ ವಾಯುನೆಲೆಯ ಮೇಲೆ ಗುರುವಾರ ಬೆಳಗಿನ ಜಾವ ನಡೆದ ಆತ್ಮಹತ್ಯಾ ದಾಳಿಯಲ್ಲಿ 9 ಉಗ್ರರು ಹಾಗೂ ಭದ್ರತಾ ಸಿಬ್ಬಂದಿಯೊಬ್ಬರು ಮೃತಪಟ್ಟಿದ್ದಾರೆ.<br /> <br /> ಪಾಕಿಸ್ತಾನದ ಅಣ್ವಸ್ತ್ರಗಳು ಉಗ್ರರ ಕೈಸೇರುವ ಅಪಾಯ ಇದೆ ಎಂದು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಿಯೋನ್ ಪಾನೆಟ್ಟ ಆತಂಕ ವ್ಯಕ್ತಪಡಿಸಿದ ಬೆನ್ನಲ್ಲೇ ಈ ದಾಳಿ ನಡೆದಿದೆ. <br /> <br /> ಅಣ್ವಸ್ತ್ರ ಸಂಗ್ರಹ ಇದೆ ಎಂಬ ಕಾರಣಕ್ಕೆ ಉಗ್ರರು ದಾಳಿಗೆ ಕಮ್ರಾ ವಾಯುನೆಲೆಯನ್ನು ಆಯ್ಕೆ ಮಾಡಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ. ದಾಳಿ ವೇಳೆ ಕನಿಷ್ಠ ನೂರಕ್ಕೂ ಹೆಚ್ಚು ಅಣ್ವಸ್ತ್ರ ಸಿಡಿತಲೆಗಳು ಇಲ್ಲಿದ್ದವು ಎನ್ನಲಾಗಿದೆ.<br /> <br /> <strong>ಸೇನಾ ಉಡುಪಿನಲ್ಲಿದ್ದ ಉಗ್ರರು: </strong>ಇಸ್ಲಾಮಾಬಾದ್ನಿಂದ 40 ಕಿ.ಮೀ ದೂರದಲ್ಲಿರುವ ಪಂಜಾಬ್ ಪ್ರಾಂತ್ಯದ ಕಮ್ರಾ ವಾಯುನೆಲೆ ಪಾಕಿಸ್ತಾನದ ಪ್ರಮುಖ ಹಾಗೂ ದೊಡ್ಡ ವಾಯುನೆಲೆಗಳಲ್ಲಿ ಒಂದು. ಸೇನಾ ಸಮವಸ್ತ್ರದಲ್ಲಿದ್ದ ಉಗ್ರರು ಮೂರು ಸುತ್ತಿನ ಭಾರಿ ಭದ್ರತೆಯನ್ನು ಭೇದಿಸಿ ಒಳನುಗ್ಗಿ, ಅಮೆರಿಕ ನಿರ್ಮಿತ ಎಫ್-16 ಮತ್ತು ಚೀನಾ ನಿರ್ಮಿತ ಜೆಎಫ್-17 ಯುದ್ಧ ವಿಮಾನಗಳನ್ನು ಗುರಿಯಾಗಿಟ್ಟುಕೊಂಡು ಗ್ರೆನೇಡ್ ದಾಳಿ ನಡೆಸಿದ್ದಾರೆ. ಸದ್ಯದ ಮಾಹಿತಿಗಳ ಪ್ರಕಾರ ದಾಳಿಯಲ್ಲಿ ಒಂದು ಯುದ್ಧವಿಮಾನ ಧ್ವಂಸಗೊಂಡಿದ್ದು, ಇನ್ನೂ ಅನೇಕ ಯುದ್ಧವಿಮಾನಗಳಿಗೆ ಹಾನಿಯಾಗಿರುವ ಶಂಕೆ ಇದೆ. <br /> <br /> ಭಾರಿ ಪ್ರಮಾಣದ ಶಕ್ತಿಶಾಲಿ ಸ್ಫೋಟಕ ಮತ್ತು ಕ್ಷಿಪಣಿ ವಾಹಕಗಳನ್ನು ಹೊಂದಿದ್ದ ಉಗ್ರರನ್ನು ಹಿಮ್ಮೆಟ್ಟಿಸಲು ಭದ್ರತಾ ಸಿಬ್ಬಂದಿ ಪ್ರತಿದಾಳಿ ನಡೆಸಿದರು. ಕಾರ್ಯಾಚರಣೆಯ ನೇತೃತ್ವ ವಹಿಸಿದ್ದ ಹಿರಿಯ ಸೇನಾಧಿಕಾರಿ ಮೊಹಮ್ಮದ್ ಅಜಾಮ್ ಗುಂಡೇಟಿನಿಂದ ಗಾಯಗೊಂಡಿದ್ದಾರೆ. <br /> <br /> `ಸದ್ಯ ಪರಿಸ್ಥಿತಿ ನಿಯಂತ್ರಣದಲ್ಲಿದ್ದು, ವಾಯುನೆಲೆಯಲ್ಲಿ ಅಡಗಿರಬಹುದಾದ ಉಗ್ರರಿಗಾಗಿ ಶೋಧ ಮುಂದುವರಿದಿದೆ~ ಎಂದು ಸೇನಾ ವಕ್ತಾರರು ತಿಳಿಸಿದ್ದಾರೆ. <br /> <br /> ಕಮ್ರಾ ವಾಯುನೆಲೆಯಲ್ಲಿ ಅಮೆರಿಕ ನಿರ್ಮಿತ ಎಫ್-16 ಮತ್ತು ಚೀನಾ ನಿರ್ಮಿತ ಜೆಎಫ್-17 ಯುದ್ಧವಿಮಾನಗಳಿದ್ದವು. ಆದರೆ ಅವುಗಳ ನಿಖರವಾದ ಸಂಖ್ಯೆ ಮತ್ತು ಹಾನಿಗೊಳಗಾದ ವಿಮಾನಗಳ ಸಂಖ್ಯೆಯ ಬಗ್ಗೆ ಹೆಚ್ಚಿನ ಮಾಹಿತಿ ದೊರೆತಿಲ್ಲ. <br /> <br /> <strong>ದಾಳಿ ಹೊಣೆ: </strong> ನಿಷೇಧಿತ ತೆಹ್ರಿಕ್-ಎ-ತಾಲಿಬಾನ್ ಪಾಕಿಸ್ತಾನ ಘಟಕ ದಾಳಿಯ ಹೊಣೆ ಹೊತ್ತಿದ್ದು, ಅಲ್-ಖೈದಾ ಮುಖ್ಯಸ್ಥ ಒಸಾಮಾ ಬಿನ್ ಲಾಡೆನ್ ಮತ್ತು ತಾಲಿಬಾನ್ ಕಮಾಂಡರ್ ಬೈತುಲ್ಲಾ ಮೆಹಸೂದ್ ಹತ್ಯೆಗೆ ಪ್ರತೀಕಾರ ತೀರಿಸಿಕೊಂಡಿದ್ದಾಗಿ ಹೇಳಿಕೊಂಡಿದೆ. ಇಂಥ ಇನ್ನೂ ಅನೇಕ ದಾಳಿಗಳನ್ನು ನಡೆಸುವುದಾಗಿ ತಾಲಿಬಾನ್ ವಕ್ತಾರ ಇಸಾನುಲ್ಲಾ ಇಸಾನ್ ದೂರವಾಣಿ ಮೂಲಕ ಮಾಧ್ಯಮಗಳಿಗೆ ತಿಳಿಸಿದ್ದಾನೆ. <br /> <br /> <strong>ಇದು ಮೂರನೇ ದಾಳಿ:</strong> ಕಮ್ರಾ ವಾಯುನೆಲೆಯ ಮೇಲೆ ಗುರುವಾರ ನಡೆದಿರುವುದು ಮೂರನೇ ದಾಳಿ. ಈ ಹಿಂದೆ 2007ರಲ್ಲಿ ವಾಯುನೆಲೆಯ ದ್ವಾರದಲ್ಲಿದ್ದ ಬಸ್ ಮೇಲೆ ಆತ್ಮಹತ್ಯಾ ದಾಳಿ ನಡೆದಿತ್ತು. 2008ರಲ್ಲಿ ಕ್ಷಿಪಣಿ ದಾಳಿ ನಡೆಸಲಾಗಿತ್ತು. <br /> <br /> ಕಳೆದ ವರ್ಷ (2011) ಮೇ ತಿಂಗಳಲ್ಲಿ ಕರಾಚಿ ನೌಕಾನೆಲೆಯ ಮೇಲೆ ಉಗ್ರರು ದಾಳಿ ನಡೆಸಿದ್ದರು. 2009ರಲ್ಲಿ ರಾವಲ್ಪಿಂಡಿಯಲ್ಲಿರುವ ಸೇನಾ ಪ್ರಧಾನ ಕಚೇರಿಯ ಮೇಲೆ ದಾಳಿ ನಡೆದಿತ್ತು.<br /> <strong><br /> ಒಳಗಿನವರ ಕೈವಾಡ?: </strong>ಪಿಂಡ್ ಸುಲೇಮಾನ್ ಮಖಾನ್ ಗ್ರಾಮದಿಂದ ಉಗ್ರರು ಒಳನುಸುಳಿರಬಹುದು ಎಂದು ಶಂಕಿಸಲಾಗಿದ್ದು, ವಾಯುನೆಲೆ ಅಧಿಕಾರಿಗಳ ನೆರವು ದೊರೆತಿರುವ ಸಾಧ್ಯತೆಗಳಿವೆ ಎಂದು ದಾಳಿ ನಡೆದ ಕೆಲವೇ ಕ್ಷಣಗಳಲ್ಲಿ ಜಿಯೊ ಸುದ್ದಿವಾಹಿನಿ ವರದಿ ಮಾಡಿದೆ. <br /> <br /> <strong>ವಾರದ ಮೊದಲೇ ಸುಳಿವು!: </strong>ಭಯೋತ್ಪಾದನೆ ವಿರುದ್ಧ ಪಾಕಿಸ್ತಾನದ ಹೋರಾಟ ಮುಂದುವರೆಯಲಿದೆ ಎಂಬ ಸೇನಾ ಮುಖ್ಯಸ್ಥ ಜನರಲ್ ಅಶ್ಫಾಕ್ ಪರ್ವೇಜ್ ಕಯಾನಿ ಅವರ ಹೇಳಿಕೆ ಹೊರಬಿದ್ದ ಎರಡೇ ದಿನಗಳಲ್ಲಿ ದಾಳಿ ನಡೆದಿದೆ. <br /> <br /> `ಈದ್-ಉಲ್-ಫಿತ್ರ್ ಹಬ್ಬದ ಮೊದಲೇ ಪಂಜಾಬ್ ಪ್ರಾಂತ್ಯದಲ್ಲಿರುವ ಪಾಕಿಸ್ತಾನದ ವಾಯುನೆಲೆ ಮೇಲೆ `ತೆಹ್ರಿಕ್ -ಎ- ತಾಲಿಬಾನ್~ ಉಗ್ರರು ದಾಳಿ ನಡೆಸುವ ಸಾಧ್ಯತೆ ಇದೆ~ ಎಂದು ಗುಪ್ತಚರ ವರದಿಯನ್ನು ಆಧರಿಸಿ `ಎಕ್ಸ್ಪ್ರೆಸ್ ಟ್ರಿಬ್ಯೂನ್~ ಪತ್ರಿಕೆ ಇದೇ 10ರಂದು ವರದಿ ಪ್ರಕಟಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
