ಪಿಎನ್‌ಬಿ, ಎಸ್‌ಬಿಐ ಬಡ್ಡಿ ಪರಿಷ್ಕರಣೆ

ನವದೆಹಲಿ (ಪಿಟಿಐ): ಭಾರತೀಯ ಸ್ಟೇಟ್ ಬ್ಯಾಂಕ್ ಮತ್ತು ಪಂಜಾಬ್ ನ್ಯಾಷನಲ್  ಬ್ಯಾಂಕ್ (ಪಿಎನ್‌ಬಿ) ಸ್ಥಿರ ಠೇವಣಿ ಬಡ್ಡಿ ದರ ಪರಿಷ್ಕರಿಸಿವೆ.



`ಎಸ್‌ಬಿಐ~ ಐದು ವರ್ಷಗಳ ಸ್ಥಿರ ಠೇವಣಿ ಬಡ್ಡಿ ದರವನ್ನು ಶೇ 0.25ರಷ್ಟು ಕಡಿಮೆ ಮಾಡುವ ಮೂಲಕ ಶೇ 8.50ಕ್ಕೆ ತಗ್ಗಿಸಿದೆ. `ಪಿಎನ್‌ಬಿ~  ಕೂಡ ಒಂದು ವರ್ಷದ ಠೇವಣಿ ಬಡ್ಡಿ ದರವನ್ನು ಶೇ 0.25ರಷ್ಟು ತಗ್ಗಿಸಿದ್ದು ಶೇ 9ಕ್ಕೆ ತಂದಿದೆ. ಪರಿಷ್ಕೃತ ದರಗಳು ಆಗಸ್ಟ್ 7ರಿಂದ ಜಾರಿಗೆ ಬರಲಿವೆ.



ಗರಿಷ್ಠ ರೂ15 ಲಕ್ಷದಿಂದ ಕನಿಷ್ಠ ರೂ1 ಲಕ್ಷದೊಳಗಿನ 5ರಿಂದ 10 ವರ್ಷಗಳೊಳಗಿನ ಸ್ಥಿರ ಠೇವಣಿ ಬಡ್ಡಿ ದರ ಶೇ 0.5ರಷ್ಟು ಇಳಿಕೆಯಾಗಿದೆ ಎಂದು `ಎಸ್‌ಬಿಐ~ ತಿಳಿಸಿದೆ. ರೂ30 ಲಕ್ಷ ಮೊತ್ತದವರೆಗಿನ ಗೃಹ ಸಾಲ ಬಡ್ಡಿ ದರವನ್ನು `ಎಸ್‌ಬಿಐ~ ಶೇ 10.50ರಿಂದ ಶೇ 10.25ಕ್ಕೆ ತಗ್ಗಿಸಿದೆ.