ಮಂಗಳವಾರ, ಸೆಪ್ಟೆಂಬರ್ 29, 2020
21 °C

ಪಿತೃತ್ವ ವಿವಾದ: ಕಡೆಗೂ ಸೋತ ಎನ್.ಡಿ. ತಿವಾರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪಿತೃತ್ವ ವಿವಾದ: ಕಡೆಗೂ ಸೋತ ಎನ್.ಡಿ. ತಿವಾರಿ

ನವದೆಹಲಿ: ಖ್ಯಾತ ಕಾಂಗ್ರೆಸ್ ರಾಜಕಾರಣಿ ಎನ್.ಡಿ. ತಿವಾರಿ ಅವರು ಪಿತೃತ್ವ ವಿವಾದದಲ್ಲಿ ಕಡೆಗೂ ಸೋಲು ಅನುಭವಿಸಿದ್ದಾರೆ. ತಿವಾರಿ ಅವರು ರೋಹಿತ್ ಶೇಖರ್ ಅವರ ತಂದೆ ಎಂಬುದಾಗಿ ದೆಹಲಿ ಹೈಕೋರ್ಟ್ ಶುಕ್ರವಾರ ತೀರ್ಪು ನೀಡಿದೆ.



ಶೇಖರ್ ಅವರ ಕೋರಿಕೆ ಮೇರೆಗೆ ನಡೆದ ಡಿಎನ್ಎ ಪರೀಕ್ಷೆಯ ವರದಿಯನ್ನು ಅನುಸರಿಸಿ ನ್ಯಾಯಾಲಯ ಈ ತೀರ್ಪು ನೀಡಿತು.



ಡಿಎನ್ ಎ ಪರೀಕ್ಷೆಗೆ ತಿವಾರಿ ತೀವ್ರ ವಿರೋಧ ವ್ಯಕ್ತ ಪಡಿಸಿದ್ದರು. ಆದರೆ ನ್ಯಾಯಾಲಯದ ಆದೇಶದ ಮೇರೆಗೆ ತಿವಾರಿ ಅವರ ಡಿಎನ್ ಎ ಪರೀಕ್ಷೆ ನಡೆದು ವರದಿಯನ್ನು ಮೊಹರಾದ ಲಕೋಟೆಯಲ್ಲಿ ನ್ಯಾಯಾಲಯಕ್ಕೆ ನೀಡಲಾಗಿತ್ತು.



ಈ ಲಕೋಟೆಯನ್ನು ನ್ಯಾಯಾಲಯದಲ್ಲಿ ಬಹಿರಂಗವಾಗಿ ತೆರೆದು ಓದಬಾರದು ಎಂದು ತಿವಾರಿ ನ್ಯಾಯಾಲಯಕ್ಕೆ ಮಾಡಿದ್ದ ಮನವಿಯನ್ನು ಶುಕ್ರವಾರ ಬೆಳಗ್ಗೆ ದೆಹಲಿ ನ್ಯಾಯಾಲಯ ತಿರಸ್ಕರಿಸಿತ್ತು.



ತಾನು ಎನ್ ಡಿ ತಿವಾರಿ ಅವರ ಪುತ್ರ ಎಂಬುದಾಗಿ ಪ್ರತಿಪಾದಿಸಿದ್ದ ಶೇಖರ್ ಪಟ್ಟು ಹಿಡಿದು ತಿವಾರಿ ಅವರ ಡಿಎನ್ಎ ಪರೀಕ್ಷೆ ನಡೆಯಬೇಕು ಎಂದು ಕೋರಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.