ಪುಟ್ಟ ಕಂದನ ಕ್ರಿಕೆಟ್ ಪ್ರೇಮ...!

`ಸಚಿನ್ ತೆಂಡೂಲ್ಕರ್, ಮಹೇಂದ್ರ ಸಿಂಗ್ ದೋನಿ ಅವರ ಬ್ಯಾಟಿಂಗ್ ಅಂದ್ರೆ ತುಂಬಾ ಇಷ್ಟ. ನಾನು ಅವರಂತೆ ಆಗುತ್ತೇನೆ~ ಎಂದು ಪುಟ್ಟ ಬಾಲಕ ಆರ್ಯ ಎನ್. ಮುದ್ದು ಮುದ್ದಾಗಿ ಹೇಳುತ್ತಿದ್ದ. ಆತನ ವಯಸ್ಸು ಕೇವಲ ಐದು ವರ್ಷ...!

. ಎಳೆಯ ವಯಸ್ಸು. ಸಾಧಿಸುವ ಹುಮ್ಮಸ್ಸು. ಸಾಕಷ್ಟು ಕನಸುಗಳನ್ನು ಹೊತ್ತ ಆ ಚಿಕ್ಕ ಬಾಲಕನಲ್ಲಿ ಎಲ್ಲರಿ ಗಿಂತಲೂ ಭಿನ್ನವಾದದ್ದನ್ನು ಸಾಧಿಸುವ ಛಲವಿದೆ. ಅದಕ್ಕಾಗಿ ತಕ್ಕ ಪ್ರಯತ್ನ ವಿದೆ. ಆರ್ಯ ನಿತ್ಯ ಎರಡು-ಮೂರು ಗಂಟೆ ಅಭ್ಯಾಸ ಮಾಡುವುದು. ಭಾರತ ತಂಡದ ಕ್ರಿಕೆಟಿಗರ ಹಾಗೆ ಸಮವಸ್ತ್ರ ತೊಟ್ಟು, ಹೆಲ್ಮೆಟ್, ಪ್ಯಾಡ್ ಕಟ್ಟುವು ದನ್ನು ಈತ ರೂಢಿಮಾಡಿಕೊಂಡಿ ರುವುದು ಇದಕ್ಕೆ ಸಾಕ್ಷಿ.

. ಮುಂದೊಂದು ದಿನ ಭಾರತ ತಂಡವನ್ನು ಪ್ರತಿನಿಧಿಸಬೇಕು ಎನ್ನುವ ಆಸೆ ಹೊತ್ತಿರುವ ಆರ್ಯ, ತೊದಲು ನುಡಿಗಳಲ್ಲಿ ತನ್ನ ಕನಸನ್ನು `ಪ್ರಜಾವಾಣಿ~ ಎದುರು ಹಂಚಿಕೊಂಡಿದ್ದಾನೆ.

. `ಮನೆಯಲ್ಲಿ ದಿನವೂ ಕ್ರಿಕೆಟ್ ನೋಡುತ್ತೇನೆ. ಸಚಿನ್ ಆಟವೆಂದರೆ ತುಂಬಾ ಇಷ್ಟ. ಆವರಂತೆಯೇ ಆಗಬೇಕು ಎನ್ನುವ ಆಸೆ. ಅದಕ್ಕೆ ನಮ್ಮ ತಂದೆ ನಾಗರಾಜ್ ಹಾಗೂ ಕೋಚ್ಗಳ ಬೆಂಬಲವಿದೆ. ಅದಕ್ಕಾಗಿ ಬೆಳಿಗ್ಗೆ 5 ಗಂಟೆಗೆ ಎದ್ದು ಕ್ರೀಡಾಂಗಣಕ್ಕೆ ಹೋಗುತ್ತೇನೆ. ಎರಡರಿಂದ ಮೂರು ಗಂಟೆ ಅಭ್ಯಾಸ ನಡೆಸುತ್ತೇನೆ. ಭವಿಷ್ಯ ದಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸ ಬೇಕು~ ಎನ್ನುವ ತನ್ನ ಕನಸನ್ನು ಪುಟ್ಟ ಬಾಲಕ ಎಳೆ ಎಳೆಯಾಗಿ ಹೇಳಿದ.

. `ಹತ್ತು ತಿಂಗಳ ಹಿಂದೆ ಆರಂಭವಾದ `ಸ್ಪಂಪ್ಸ್~ ಕ್ರಿಕೆಟ್ ಅಕಾಡೆಮಿಯಲ್ಲಿ ಒಂಬತ್ತು ತಿಂಗಳಿಂದ ತರಬೇತಿ ಪಡೆಯುತ್ತಿರುವ ಆರ್ಯ ಆಲ್ರೌಂಡರ್ ಆಟಗಾರ. ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ಕ್ಷೇತ್ರಗಳಲ್ಲೂ ಚುರುಕಾದ ಪ್ರದರ್ಶನ ನೀಡುತ್ತಾನೆ~ ಎನ್ನುತ್ತಾರೆ ಆತನ ಮೂವರು ಕೋಚ್ಗಳಲ್ಲಿ ಒಬ್ಬರಾದ ರಮೇಶ್.

. `ಆರ್ಯ ಇನ್ನೂ ಚಿಕ್ಕವನು ನಿಜ. ಆದರೆ ಬುದ್ದಿ ಮಾತ್ರ ತುಂಬಾ ಚುರುಕಾಗಿದೆ. ಹೇಳಿದ್ದನ್ನು ಚಾಚು ತಪ್ಪದೇ ಪಾಲಿಸುತ್ತಾನೆ. ಹೊಸ ವಿಷಯಗಳನ್ನು ಬೇಗನೇ ಅರಿತುಕೊಳ್ಳುತ್ತಾನೆ~ ಎಂದು ರಮೇಶ್ ವಿವರಿಸಿದರು.

. ಇತ್ತೀಚಿಗೆ ನಡೆದ ಕ್ರಿಕೆಟ್ ಟೂರ್ನಿಯೊಂದರಲ್ಲಿ 13 ವರ್ಷದೊಳಗಿನವರ ವಿಭಾಗದಲ್ಲಿ ಆರ್ಯ ಮೊದಲ ಪಂದ್ಯ ಆಡಿದ್ದಾನೆ. ವಿಶೇಷವೆಂದರೆ, ಮೊದಲ ಪಂದ್ಯದಲ್ಲಿ ಒಂದು ವಿಕೆಟ್ ಪಡೆದಿದ್ದಾನೆ. ಅಷ್ಟೇ ಅಲ್ಲ ನೋಡುಗರ ಪಾಲಿಗೆ ಆಕರ್ಷಣೆಯ ಕೇಂದ್ರಬಿಂದುವಾಗಿದ್ದಾನೆ. `ಆರು ವರ್ಷದ ಮುಶೀರ್ ಖಾನ್ ಕಳೆದ ತಿಂಗಳು ಮುಂಬೈಯಲ್ಲಿ ಪ್ರಥಮ ಪಂದ್ಯವನ್ನಾಡುವ ಮೂಲಕ ದಾಖಲೆ ಮಾಡಿದ್ದ. ಈಗ ಆ ಬಾಲಕನಿಗಿಂತಲೂ ಕಡಿಮೆ ವಯಸ್ಸಿನ ಆರ್ಯ ದಾಖಲೆ ಮಾಡಿದ್ದಾನೆ~ ಎನ್ನುವುದು ಕೋಚ್ ವಿಶ್ಲೇಷಣೆ.

. ಪ್ಯಾಡ್ ಕಟ್ಟಿ ಕ್ರೀಡಾಂಗಣಕ್ಕಿಳಿ ಯುವ ಆರ್ಯ, ಲೆದರ್ ಬೌಲ್ನಲ್ಲಿಯೇ ನಿತ್ಯದ ಅಭ್ಯಾಸ ನಡೆಸುತ್ತಾನೆ. ಬೆಂಗಳೂರಿನ ಎಂಬೆಸಿ ಪಬ್ಲಿಕ್ ಶಾಲೆಯಲ್ಲಿ ಯುಕೆಜಿ ಓದುತ್ತಿರುವ ಈ ಪುಟ್ಟ ಬಾಲಕನ ಪ್ರತಿಭೆಗೆ ತಂದೆ ನಾಗರಾಜ್ ಬೆಂಬಲ ನೀಡುತ್ತಿದ್ದಾರೆ. ಬರಿಗಾಲಿನಿಂದಲೇ ಓಡುವುದು ಕಷ್ಟವಾಗಿರುವಾಗ ಪ್ಯಾಡ್ ಕಟ್ಟಿಕೊಂಡು ಚಿಕ್ಕ ವಯಸ್ಸಿನಲ್ಲಿಯೇ ಓಡುವುದು ಸವಾಲಿನ ಕೆಲಸವೇ ಸರಿ.

. `ಎರಡು ವರ್ಷದ ಮಗುವಾಗಿದ್ದಾಗ ಪ್ಲಾಸ್ಟಿಕ್ ಬ್ಯಾಟಿನಿಂದ ಆಡುತ್ತಿದ್ದ. ಮಕ್ಕಳು ದೈಹಿಕವಾಗಿ ಬಲಿಷ್ಠರಾಗಿರಲು, ಕ್ರೀಡೆ ಅಗತ್ಯ ಎನ್ನುವ ಕಾರಣಕ್ಕೆ ಕ್ರಿಕೆಟ್ ಆಡಲು ರೂಢಿ ಮಾಡಿಸಿದೆ. ಇಲ್ಲಿ ಉತ್ತಮ ಸಾಧನೆ ಮಾಡುತ್ತಿದ್ದಾನೆ~ ಎಂದು ನಾಗರಾಜ್ ಸಂತಸ ವ್ಯಕ್ತಪಡಿಸಿದರು.

. ಕೇವಲ ಶಾಲೆ, ಓದು, ಮನರಂಜನೆ ಅಬ್ಬರದಲ್ಲಿ ತಬ್ಬಿಬ್ಬುಗೊಳ್ಳುವುದರಲ್ಲಿ ಬಾಲ್ಯ ಕಳೆದು ಹೋಗುವ ಬದಲು, ಹೀಗೆ ಸಾಧನೆಯ ಹಾದಿಯಲ್ಲಿ ಸಾಗುವುದು ಭವಿಷ್ಯದ ದೃಷ್ಟಿಯಿಂದ ಒಳ್ಳೆಯದು. ಗೆಲುವಿನಡೆಗೆ ಪುಟ್ಟ ಪುಟ್ಟ ಹೆಜ್ಜೆಗಳನ್ನು ಹಾಕುತ್ತಿರುವ ಆರ್ಯನ ಹೆಜ್ಜೆಗಳು ಮುಂದಿನ ದಿನಗಳಲ್ಲಿ ದೊಡ್ಡವಾಗಲಿ...!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುಟ್ಟ ಕಂದನ ಕ್ರಿಕೆಟ್ ಪ್ರೇಮ...!

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಚಿನಕುರುಳಿ Cartoon: 07 ಜುಲೈ 2025

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

RSA vs ZIM Test | ಮಲ್ಡರ್‌ ಅಜೇಯ 367 ‘ಡಿಕ್ಲೇರ್’: ಲಾರಾ ದಾಖಲೆ ಸುರಕ್ಷಿತ

ಲೈಂಗಿಕ ದೌರ್ಜನ್ಯ; ಆರ್‌ಸಿಬಿ ಆಟಗಾರ ಯಶ್ ದಯಾಳ್ ವಿರುದ್ಧ ಎಫ್‌ಐಆರ್

ನೋಂದಣಿಯಾಗದ ಕೋಚ್‌ಗಳಿಗೆ ಭಾರತ ಅಥ್ಲೆಟಿಕ್ಸ್‌ ಫೆಡರೇಷನ್‌ ಕಡಿವಾಣ

ಪುರುಷರ ಡಬಲ್ಸ್‌ ಟೆನಿಸ್: ಯುಕಿ– ಗ್ಯಾಲವೆ ಜೋಡಿಗೆ ನಿರಾಸೆ

ಫುಟ್ಬಾಲ್‌ ಆಟಗಾರ ಸ್ಟೀಫನ್‌ ನಿಧನ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಚಿನಕುರುಳಿ Cartoon: 07 ಜುಲೈ 2025

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

RSA vs ZIM Test | ಮಲ್ಡರ್‌ ಅಜೇಯ 367 ‘ಡಿಕ್ಲೇರ್’: ಲಾರಾ ದಾಖಲೆ ಸುರಕ್ಷಿತ