ಪುಣೆಯಲ್ಲಿ ಸರಣಿ ಸ್ಪೋಟ, ಒಬ್ಬ ವ್ಯಕ್ತಿಗೆ ಗಾಯ

ಪುಣೆ (ಪಿಟಿಐ): ಪುಣೆ ನಗರಿಯಲ್ಲಿ ಬುಧವಾರ ಸಂಜೆ 4 ಕಡೆ ಕಡಿಮೆ ತೀವ್ರತೆಯ ಸರಣಿ ಸ್ಪೋಟಗಳು ಸಂಭವಿಸಿದ್ದು, ಒಬ್ಬ ವ್ಯಕ್ತಿಗೆ ಗಾಯವಾಗಿದೆ.



ಇಲ್ಲಿನ ಜನನಿಬಿಡ ಜಂಗ್ಲಿ ಮಹಾರಾಜ ರಸ್ತೆಯಲ್ಲಿ ಒಟ್ಟು 4 ಕಡೆ ಸರಣಿ ಸ್ಪೋಟಗಳು ಸಂಭವಿಸಿವೆ. ಆದರೆ ಇವು ಕಡಿಮೆ ತೀವ್ರತೆಯವು ಎಂದು ವರದಿಗಳು ತಿಳಿಸಿವೆ.



ಒಬ್ಬ ವ್ಯಕ್ತಿಗೆ ಮಾತ್ರ ಗಾಯಗಳಾದ ಬಗ್ಗೆ ವರದಿಯಾಗಿದೆ. ಸ್ಥಳಕ್ಕೆ ಮಹಾರಾಷ್ಟ್ರದ ಭಯೋತ್ಪಾದನಾ ನಿಗ್ರಹ ಪಡೆ ಹಾಗೂ ಪೊಲೀಸರು ದೌಡಾಯಿಸಿದ್ದು, ಪರಿಶೀಲನೆ ನಡೆಸಿದ್ದಾರೆ.

ಇದೊಂದು ಭಯೋತ್ಪಾದನಾ ಕೃತ್ಯ ಎಂಬ ಶಂಕೆ ಮೂಡಿದ್ದು, ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ.