ಪ್ರೇಮಿಸಿ ವಿವಾಹವಾದ ಯುವಕನ ಹತ್ಯೆ

ನವದೆಹಲಿ(ಪಿಟಿಐ): ಉತ್ತರ ಪ್ರದೇಶದ ಬುಲಂದ್ಶಹರ್ನಲ್ಲಿ ಇತ್ತೀಚೆಗೆ ವಿವಾಹ ವಿರೋಧಿಸಿ ಯುವಕನನ್ನು ಹತ್ಯೆ ಮಾಡಿದ ಪ್ರಕರಣವನ್ನು `ದುರದೃಷ್ಟಕರ' ಎಂದು ಬಣ್ಣಿಸಿರುವ ಕೇಂದ್ರ ಸರ್ಕಾರ, ಪ್ರಕರಣದ ವರದಿ ನೀಡುವಂತೆ ಉತ್ತರ ಪ್ರದೇಶ ಸರ್ಕಾರವನ್ನು ಕೇಳಿದೆ.

. ಸಂಸತ್ ಭವನದ ಹೊರಗೆ ಸುದ್ದಿಗಾರರೊಂದಿಗೆ ಮಾತನಾಡಿದ ಗೃಹ ಖಾತೆ ರಾಜ್ಯ ಸಚಿವ ಆರ್.ಪಿ.ಎನ್.ಸಿಂಗ್ ಅವರು `ಸರ್ಕಾರ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ಇಂತಹ ಪ್ರಕರಣಗಳ ತಡೆಗೆ ಸಂವಿಧಾನಕ್ಕೆ ತಿದ್ದುಪಡಿ ತರಲು ಪ್ರಯತ್ನಿಸುತ್ತಿದೆ' ಎಂದು ಹೇಳಿದರು.

. ವಿಭಿನ್ನ `ಬಿರಾದಾರಿ'ಗೆ ಸೇರಿದವನನ್ನು ವಿವಾಹವಾಗಿದ್ದಕ್ಕೆ ಹತ್ಯೆಗೊಳಗಾದ ಅಬ್ದುಲ್ ಹಕಿಂ ಅವರ ಪತ್ನಿ ಮೆಹ್ವಿಷ್, ತನ್ನ ಪತಿಯನ್ನು ತನ್ನ ಕುಟುಂಬದ ಸದಸ್ಯರೇ ಹತ್ಯೆ ಮಾಡಿದ್ದಾರೆ ಎಂದು ಪೊಲೀಸರಿಗೆ ತಿಳಿಸಿದ್ದಾರೆ.

. ಆದರೆ ಪೊಲೀಸರ ಪ್ರಕಾರ, ಇದು ಅಂತರ್ ಜಾತಿ ವಿವಾಹ ವಿರೋಧಿಸಿದವರು ಮಾಡಿದ ಕೊಲೆಯಲ್ಲ. ಏಕೆಂದರೆ ಕೊಲೆಗೆ ಸಂಬಂಧಿಸಿದಂತೆ ಎಫ್ಐಆರ್ನಲ್ಲಿ ಯಾರ ಹೆಸರೂ ನಮೂದಾಗಿಲ್ಲ.

. ಘಟನೆ ಹಿನ್ನೆಲೆ: ಉತ್ತರ ಪ್ರದೇಶದ ಬಲಂದ್ಶಹರ್ ಜಿಲ್ಲೆಯ ಮೆಹ್ವಿಷ್ ಹಾಗೂ ಅಬ್ದುಲ್ ಹಕಿಂ ಎಂಬುವವರು 2010ರಲ್ಲಿ ವಿವಾಹವಾಗಿದ್ದರು. ಮೆಹ್ವಿಷ್ ಮತ್ತು ಹಕಿಂ ಇಬ್ಬರೂ ವಿಭಿನ್ನ `ಬಿರಾದಾರಿ' ಕುಟುಂಬಗಳಿಗೆ ಸೇರಿದವರು. ಹೀಗಾಗಿ ಇವರ ವಿವಾಹಕ್ಕೆ ಇಬ್ಬರ ಕುಟುಂಬದ ಸದಸ್ಯರ ವಿರೋಧವಿತ್ತು.

. ಬೇರೆ `ಬಿರಾದಾರಿ'ಗೆ ಸೇರಿದ ಹುಡುಗಿಯನ್ನು ವಿವಾಹವಾದರೆ ಹಕಿಂನನ್ನು ಕೊಲ್ಲುವುದಾಗಿ ಗ್ರಾಮದ `ಜಾತಿ ಪಂಚಾಯಿತಿ'ಯವರು ಬೆದರಿಕೆ ಹಾಕಿದ್ದರು. ಇದಕ್ಕೆ ಹೆದರಿದ ಜೋಡಿ ಮನೆಯಿಂದ ಓಡಿ ಬಂದು ಅಲಿಗಡದ ನ್ಯಾಯಾಲಯದಲ್ಲಿ ಮದುವೆಯಾಗಿ, ನಂತರ ದೆಹಲಿಯಲ್ಲಿ ವಾಸವಿದ್ದರು. ಇಷ್ಟೆಲ್ಲ ನಡೆದ ಮೇಲೂ ಸೂಕ್ತ ಸಮಯದಲ್ಲಿ ಈ ದಂಪತಿಗೆ `ಸಾವಿನ ಶಿಕ್ಷೆ' ನೀಡುವುದಾಗಿ ಜಾತಿ ಪಂಚಾಯಿತಿಯ ನಾಯಕರು ಪುನರುಚ್ಚರಿಸಿದ್ದರು.

. ಕೆಲವು ತಿಂಗಳಗಳ ಹಿಂದೆ ಬಾಲಿವುಡ್ ನಟ ಅಮೀರ್ ಖಾನ್ ವಾಹಿನಿಯೊಂದರಲ್ಲಿ ನಡೆಸಿಕೊಟ್ಟ ರಿಯಾಲಿಟಿ ಷೋ `ಸತ್ಯಮೇವ ಜಯತೇ'ಯಲ್ಲಿ ಈ ಹಕಿಂ ದಂಪತಿ ಪಾಲ್ಗೊಂಡು, ಅಂತರ್ಜಾತಿ/ ಅಂತರ್ ಧರ್ಮೀಯ ವಿವಾಹ ಹಾಗೂ ಅದನ್ನು ವಿರೋಧಿಸಿ ನಡೆಯುತ್ತಿರುವ ಹತ್ಯೆಗಳು, ಜಾತಿ ಪಂಚಾಯಿತಿಗಳ ದೌರ್ಜನ್ಯದ ವಿರುದ್ಧ ದನಿ ಎತ್ತಿದ್ದರು.

. ಕೆಲವು ತಿಂಗಳಗಳ ಹಿಂದೆ ಹಕಿಂ-ಮೆಹ್ವಿಷ್ ದಂಪತಿ ಹಳ್ಳಿಗೆ ಹಿಂದಿರುಗಿದ್ದರು. ದಂಪತಿ ತಮಗೆ ಹತ್ಯೆಯ ಬೆದರಿಕೆ ಇದೆ ಎಂದು 48 ಬಾರಿ ಜಿಲ್ಲಾ ಹಿರಿಯ ಪೊಲೀಸ್ ಅಧಿಕಾರಿಗಳಿಗೆ ಅರ್ಜಿ ಸಲ್ಲಿಸಿದ್ದರು. ಆದರೆ ಪೊಲೀಸರು ಅದನ್ನು ತಿರಸ್ಕರಿಸ್ದ್ದಿದರು.

. `ಕಳೆದ ಗುರುವಾರ ನನ್ನ ಗಂಡ ಔಷಧದ ತರುವ ಸಲುವಾಗಿ ಅಂಗಡಿಗೆ ಹೋದಾಗ ನನ್ನ ಸೋದರ ಸಂಬಂಧಿಗಳು ಆತ ಮೇಲೆ ಎರಗಿದರು. ಸಲ್ಮಾನ್, ಹಕಿಂ ಮೇಲೆ ಗುಂಡು ಹಾರಿಸಿ ಕೊಂದ' ಎಂದು ಮೆಹ್ವಿಷ್ ಹೇಳಿದ್ದಾರೆ.

. `ಈಗ ನನ್ನ ಮತ್ತು ನನ್ನ ಮಗಳನ್ನೂ ಕೊಲ್ಲಲು ಜಾತಿ ಪಂಚಾಯಿತಿಯವರು ಆದೇಶ ಹೊರಡಿಸಿದ್ದಾರೆ' ಎಂದು ಮೆಹ್ವಿಷ್ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೇಮಿಸಿ ವಿವಾಹವಾದ ಯುವಕನ ಹತ್ಯೆ

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

WI vs AUS | ಸ್ಟಾರ್ಕ್‌ಗೆ 100ನೇ ಟೆಸ್ಟ್: 12 ವರ್ಷದ ಬಳಿಕ ಲಯನ್ ಕೈಬಿಟ್ಟ ಆಸಿಸ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ