ಬಡವರಿಗೆ 209 ಮನೆ ವಿತರಣೆ

ಮಹದೇವಪುರ: ಕೊಳಚೆ ಅಭಿವೃದ್ಧಿ ಮಂಡಳಿ ವತಿಯಿಂದ ಮಹದೇವಪುರ ಕ್ಷೇತ್ರದ ಸಾದರಮಂಗಲ ಹಾಗೂ ವರ್ತೂರು ಗ್ರಾಮದ 209 ಬಡ ಫಲಾನುಭವಿಗಳಿಗೆ ಮನೆಗಳನ್ನು ಈಚೆಗೆ ವಿತರಿಸಲಾಯಿತು.



ಸಮಾರಂಭದಲ್ಲಿ ಸಚಿವ ಅರವಿಂದ ಲಿಂಬಾವಳಿ ಮಾತನಾಡಿ, `ಈಗಾಗಲೇ ಕ್ಷೇತ್ರದಲ್ಲಿ ಗುರುತಿಸಿರುವ ಕೊಳೆಗೇರಿಗಳ ಮನೆಗಳಿಗೆ ಹಕ್ಕುಪತ್ರಗಳನ್ನು ವಿತರಿಸ ಲಾಗಿದೆ~ ಎಂದು ತಿಳಿಸಿದರು.



`ಸದ್ಯ ಉಚಿತವಾಗಿ ಕಟ್ಟಿದ ಮನೆಗಳನ್ನು ಹಂಚುವ ಕಾರ್ಯವನ್ನು ಕೈಗೊಳ್ಳಲಾಗಿದೆ. ಫಲಾನುಭವಿಗಳ ಆಯ್ಕೆಯನ್ನು ಪಾರದರ್ಶಕತೆಯಿಂದ ಮಾಡಲಾಗಿದೆ. ಅರ್ಹರಿಗೆ ಮಾತ್ರ ಮನೆಗಳನ್ನು ನೀಡಲಾಗಿದೆ~ ಎಂದು ಅವರು ತಿಳಿಸಿದರ.



ಸಾದರಮಂಗಲ ಗ್ರಾಮದಲ್ಲಿ 82 ಮನೆಗಳನ್ನು ಹಾಗೂ ವರ್ತೂರು ಗ್ರಾಮದಲ್ಲಿ  ನಿರ್ಮಿಸಲಾದ 127 ಮನೆಗಳ ಕೀಲಿ ಕೈಗಳನ್ನು ಫಲಾನುಭವಿಗಳಿಗೆ ಇದೇ ವೇಳೆ ವಿತರಿಸಲಾಯಿತು.