ಮಂಗಳವಾರ, ಮೇ 11, 2021
26 °C

`ಬಿಎಂಟಿಸಿ ದರ ಏರಿಕೆ ಅವೈಜ್ಞಾನಿಕ'

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೃಷ್ಣರಾಜಪುರ: `ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯು ಹಿರಿಯ ಪ್ರಯಾಣಿಕರ ಬಸ್‌ಪಾಸಿನ ದರ ಏರಿಸುವ ಮೂಲಕ ಕೆಳ-ಮಧ್ಯಮ ಹಾಗೂ ಹಿರಿಯ ನಾಗರಿಕರ ಮೇಲೆ ಗದಾಪ್ರಹಾರ ಎಸಗಿದೆ. ದರ ಏರಿಕೆಯನ್ನು ಸರ್ಕಾರ ಪುನರ್ ಪರಿಶೀಲಿಸಬೇಕು' ಎಂದು ಹಿರಿಯ ನಾಗರಿಕರ ಸಂಘಟನೆ ಒತ್ತಾಯಿಸಿದೆ.



`ಮಾಸಿಕ ದರವನ್ನು ಒಂದು ನೂರು ರೂಪಾಯಿಗೆ, ಹಿರಿಯರ ಪಾಸಿನ ದರವನ್ನು 90 ರೂಪಾಯಿಗೆ ಏರಿಸಲಾಗಿದೆ. ದಿನದ ಪಾಸುಗಳ ದರದಲ್ಲೂ ಗಣನೀಯ ಏರಿಕೆಯಾಗಿದೆ' ಎಂದು ಸಂಘಟನಾ ಕಾರ್ಯದರ್ಶಿ ಸೋಮಶೇಖರ್ ದೂರಿದರು.



`ಹೊಸ ಬಸ್‌ಗಳನ್ನು ಗುತ್ತಿಗೆ ಆಧಾರದಲ್ಲಿ ಖಾಸಗಿಯವರಿಗೆ ವಹಿಸಲಾಗಿದೆ. ಸಮರ್ಪಕ ಆಸನ ವ್ಯವಸ್ಥೆ ಇಲ್ಲದ, ಬಾಗಿಲು ಸರಿಯಿರದ, ಬಣ್ಣ ಬಳಿದ ಹಳೆಯ ಬಸ್‌ಗಳನ್ನು ಹೊರವಲಯಕ್ಕೆ ಓಡಿಸುತ್ತಿದ್ದಾರೆ. ವ್ಯವಸ್ಥೆಯನ್ನು ಸರಿಪಡಿಸುವ ಬದಲು ಪ್ರಯಾಣಿಕರ ಮೇಲೆ ಹೊರೆ ಹಸ್ತಾಂತರಿಸಲಾಗುತ್ತಿದೆ' ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.