ಬೆಳೆ ಸಂಗತಿ–23

ಮನಿಪ್ಲ್ಯಾಂಟ್‌ಗೆ ಬಿಳಿಹುಳು

ಮನಿಪ್ಲ್ಯಾಂಟ್‌ ಗಿಡಕ್ಕೆ ರಸ ಹೀರುವ ಬಿಳಿಹುಳು ಬಾಧೆ ಪರಿಹಾರಕ್ಕೆ ಬೇವಿನೆಣ್ಣೆ ಸೋಪು ಉತ್ತಮ ಔಷಧ. ಸೋಪನ್ನು 10 ಗ್ರಾಂನಂತೆ ಕತ್ತರಿಸಿ ಅದನ್ನು ಒಂದು ಲೀಟರ್‌ ನೀರಿನಲ್ಲಿ ಕರಗಿಸಿ 15 ದಿನಕ್ಕೊಮ್ಮೆ ಸಿಂಪಡಿಸುತ್ತಿರಿ.



***

ಬೀನ್ಸ್‌ ಎಲೆಗಳಿಗೆ ಕೀಟ

ಬೀನ್ಸ್‌ ಎಲೆಗಳಿಗೆ ಕೀಟಗಳ ಕಾಟ ಇದ್ದರೆ 100 ಗ್ರಾಂ ಬಾರ್‌ ಸೋಪನ್ನು 4 ಲೀಟರ್‌ ನೀರಿನಲ್ಲಿ ಕರಗಿಸಿ.  ಎರಡು ಲೀಟರ್‌ ಹರಳೆಣ್ಣೆ ಮತ್ತು ಬೇವಿನ ಎಣ್ಣೆ ಹಾಗೂ 200 ಲೀಟರ್ ನೀರು ಬೆರೆಸಿ. ವಾರಕ್ಕೊಮ್ಮೆ ಎಲೆಗಳಿಗೆ ಸಿಂಪಡಿಸಿ.



***

ಚಿಕ್ಕು ಗಿಡಕ್ಕೆ ಬೆಳಕು

ಚಿಕ್ಕು ಗಿಡ ಚೆನ್ನಾಗಿ ಬೆಳೆಯಬೇಕೆಂದರೆ ಅದಕ್ಕೆ ಪ್ರತಿದಿನ 8–10 ಗಂಟೆ ಸೂರ್ಯನ ಬೆಳಕು ಅವಶ್ಯಕ. ಗಿಡದಲ್ಲಿ ಹೂವು ಬಿಟ್ಟು ಉದುರಿ ಹೋಗುತ್ತಿದ್ದರೆ 20 ಕೆ.ಜಿ. ಕಟ್ಟಿಗೆ ಬೂದಿ ಮತ್ತು 100 ಕೆ.ಜಿ. ಹಸಿರೆಲೆ ಗೊಬ್ಬರ ಒದಗಿಸಿ.