<p><strong>ಲಂಡನ್ (ಪಿಟಿಐ): </strong>ಅಭಿವೃದ್ಧಿ ಹೊಂದುತ್ತಿರುವ ಭಾರತಕ್ಕೆ ಮೂರು ವರ್ಷಗಳ ನಂತರ ಆರ್ಥಿಕ ನೆರವು ಸ್ಥಗಿತಗೊಳಿಸಲು ಬ್ರಿಟನ್ ಚಿಂತಿಸುತ್ತಿದೆ.<br /> <br /> ಭಾರತ ಆರ್ಥಿಕವಾಗಿ ಸದೃಢವಾಗುತ್ತಿರುವುದರಿಂದ ಹಾಗೂ ಬಡತನ ನಿರ್ಮೂಲನೆಗಾಗಿ ಸ್ಥಳೀಯವಾಗಿ ಹಮ್ಮಿಕೊಂಡ ಯೋಜನೆಗಳು ಪರಿಣಾಮಕಾರಿಯಾಗುತ್ತಿರುವುದರಿಂದ ಆ ದೇಶಕ್ಕೆ ವಾರ್ಷಿಕವಾಗಿ ನೀಡುತ್ತಿರುವ 160 ಕೋಟಿ ಪೌಂಡ್ ನೆರವನ್ನು ನಿಲ್ಲಿಸಲಾಗುತ್ತದೆ ಎಂದು ಬ್ರಿಟನ್ನ ಅಂತರರಾಷ್ಟ್ರೀಯ ಅಭಿವೃದ್ಧಿ ಕಾರ್ಯದರ್ಶಿ ಆಂಡ್ರ್ಯೂ ಮಿಚೆಲ್ `ದಿ ಸಂಡೆ ಟೈಮ್ಸ~ ಪತ್ರಿಕೆಗೆ ತಿಳಿಸಿದ್ದಾರೆ. <br /> <br /> `ನಾವು ಅವರ ಜತೆ ಕೊನೆಯ ಹೆಜ್ಜೆ ಇಡುತ್ತಿದ್ದೇವೆ~ ಎಂದು ಆಂಡ್ರ್ಯೂ ಅವರು ಹೇಳಿದ್ದಾರೆ. <br /> ಸದ್ಯಕ್ಕೆ ಬ್ರಿಟನ್ ಸರ್ಕಾರ, ಭಾರತಕ್ಕೆ 2015ರವರೆಗೆ ನೆರವು ನೀಡುವುದಾಗಿ ಬಹಿರಂಗವಾಗಿ ಹೇಳಿಕೊಂಡಿದೆ.<br /> <br /> ಬ್ರಿಟನ್ ಸರ್ಕಾರದ ಆಡಳಿತದ ಕುರಿತಾಗಿ ನಡೆಸಿದ ಸಮೀಕ್ಷೆಯಲ್ಲಿ ಶೇ 69ರಷ್ಟು ಜನ ಭಾರತಕ್ಕೆ ನೆರವು ನಿಲ್ಲಿಸಬೇಕು ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. <br /> <br /> ಸ್ವತಂತ್ರವಾಗಿ ಬಾಹ್ಯಾಕಾಶ ಯೋಜನೆಗಳನ್ನು ಕೈಗೊಳ್ಳುತ್ತಿರುವ, ಬಡತನ ನಿರ್ಮೂಲನೆಗಾಗಿ ವಾರ್ಷಿಕ 7000 ಪೌಂಡ್ಗಳಷ್ಟು ಹಣ ಮೀಸಲಿಡುವ ಭಾರತಕ್ಕೆ ನೆರವು ನೀಡುವ ಅಗತ್ಯವಿಲ್ಲ ಎಂದು ಬ್ರಿಟನ್ ನಾಗರಿಕರು ಈ ಸಮೀಕ್ಷೆಯಲ್ಲಿ ಹೇಳಿದ್ದಾರೆ.<br /> <br /> ಬ್ರಿಟನ್ ಬೆಂಬಲಿತ ಐರೋಪ್ಯ ಯುದ್ಧ ವಿಮಾನ ಕಂಪೆನಿಯೊಂದು ಭಾರತೀಯ ಸೇನೆಗೆ ವಿಮಾನ ಪೂರೈಸುವ ಬಹುಕೋಟಿ ಒಪ್ಪಂದ ಮಾಡಿಕೊಳ್ಳಲು ವಿಫಲವಾದ ನಂತರ ಅಲ್ಲಿ ಭಾರತದ ವಿರುದ್ಧ ಅಸಹನೆಯ ದನಿಗಳು ಹೆಚ್ಚಾಗಿ ಕೇಳಿಬರುತ್ತಿವೆ. <br /> <br /> 2015ಕ್ಕಿಂತ ಮೊದಲೇ ಆರ್ಥಿಕ ನೆರವು ಸ್ಥಗಿತಗೊಳಿಸಿದಲ್ಲಿ ಅದು ರಾಜತಾಂತ್ರಿಕ ಬಿಕ್ಕಟ್ಟಿಗೆ ಕಾರಣವಾಗಬಹುದು ಎಂಬ ಆತಂಕವೂ ಬ್ರಿಟನ್ ಅಧಿಕಾರಿಗಳಲ್ಲಿ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ): </strong>ಅಭಿವೃದ್ಧಿ ಹೊಂದುತ್ತಿರುವ ಭಾರತಕ್ಕೆ ಮೂರು ವರ್ಷಗಳ ನಂತರ ಆರ್ಥಿಕ ನೆರವು ಸ್ಥಗಿತಗೊಳಿಸಲು ಬ್ರಿಟನ್ ಚಿಂತಿಸುತ್ತಿದೆ.<br /> <br /> ಭಾರತ ಆರ್ಥಿಕವಾಗಿ ಸದೃಢವಾಗುತ್ತಿರುವುದರಿಂದ ಹಾಗೂ ಬಡತನ ನಿರ್ಮೂಲನೆಗಾಗಿ ಸ್ಥಳೀಯವಾಗಿ ಹಮ್ಮಿಕೊಂಡ ಯೋಜನೆಗಳು ಪರಿಣಾಮಕಾರಿಯಾಗುತ್ತಿರುವುದರಿಂದ ಆ ದೇಶಕ್ಕೆ ವಾರ್ಷಿಕವಾಗಿ ನೀಡುತ್ತಿರುವ 160 ಕೋಟಿ ಪೌಂಡ್ ನೆರವನ್ನು ನಿಲ್ಲಿಸಲಾಗುತ್ತದೆ ಎಂದು ಬ್ರಿಟನ್ನ ಅಂತರರಾಷ್ಟ್ರೀಯ ಅಭಿವೃದ್ಧಿ ಕಾರ್ಯದರ್ಶಿ ಆಂಡ್ರ್ಯೂ ಮಿಚೆಲ್ `ದಿ ಸಂಡೆ ಟೈಮ್ಸ~ ಪತ್ರಿಕೆಗೆ ತಿಳಿಸಿದ್ದಾರೆ. <br /> <br /> `ನಾವು ಅವರ ಜತೆ ಕೊನೆಯ ಹೆಜ್ಜೆ ಇಡುತ್ತಿದ್ದೇವೆ~ ಎಂದು ಆಂಡ್ರ್ಯೂ ಅವರು ಹೇಳಿದ್ದಾರೆ. <br /> ಸದ್ಯಕ್ಕೆ ಬ್ರಿಟನ್ ಸರ್ಕಾರ, ಭಾರತಕ್ಕೆ 2015ರವರೆಗೆ ನೆರವು ನೀಡುವುದಾಗಿ ಬಹಿರಂಗವಾಗಿ ಹೇಳಿಕೊಂಡಿದೆ.<br /> <br /> ಬ್ರಿಟನ್ ಸರ್ಕಾರದ ಆಡಳಿತದ ಕುರಿತಾಗಿ ನಡೆಸಿದ ಸಮೀಕ್ಷೆಯಲ್ಲಿ ಶೇ 69ರಷ್ಟು ಜನ ಭಾರತಕ್ಕೆ ನೆರವು ನಿಲ್ಲಿಸಬೇಕು ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. <br /> <br /> ಸ್ವತಂತ್ರವಾಗಿ ಬಾಹ್ಯಾಕಾಶ ಯೋಜನೆಗಳನ್ನು ಕೈಗೊಳ್ಳುತ್ತಿರುವ, ಬಡತನ ನಿರ್ಮೂಲನೆಗಾಗಿ ವಾರ್ಷಿಕ 7000 ಪೌಂಡ್ಗಳಷ್ಟು ಹಣ ಮೀಸಲಿಡುವ ಭಾರತಕ್ಕೆ ನೆರವು ನೀಡುವ ಅಗತ್ಯವಿಲ್ಲ ಎಂದು ಬ್ರಿಟನ್ ನಾಗರಿಕರು ಈ ಸಮೀಕ್ಷೆಯಲ್ಲಿ ಹೇಳಿದ್ದಾರೆ.<br /> <br /> ಬ್ರಿಟನ್ ಬೆಂಬಲಿತ ಐರೋಪ್ಯ ಯುದ್ಧ ವಿಮಾನ ಕಂಪೆನಿಯೊಂದು ಭಾರತೀಯ ಸೇನೆಗೆ ವಿಮಾನ ಪೂರೈಸುವ ಬಹುಕೋಟಿ ಒಪ್ಪಂದ ಮಾಡಿಕೊಳ್ಳಲು ವಿಫಲವಾದ ನಂತರ ಅಲ್ಲಿ ಭಾರತದ ವಿರುದ್ಧ ಅಸಹನೆಯ ದನಿಗಳು ಹೆಚ್ಚಾಗಿ ಕೇಳಿಬರುತ್ತಿವೆ. <br /> <br /> 2015ಕ್ಕಿಂತ ಮೊದಲೇ ಆರ್ಥಿಕ ನೆರವು ಸ್ಥಗಿತಗೊಳಿಸಿದಲ್ಲಿ ಅದು ರಾಜತಾಂತ್ರಿಕ ಬಿಕ್ಕಟ್ಟಿಗೆ ಕಾರಣವಾಗಬಹುದು ಎಂಬ ಆತಂಕವೂ ಬ್ರಿಟನ್ ಅಧಿಕಾರಿಗಳಲ್ಲಿ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
