ಬುಧವಾರ, ಮೇ 12, 2021
18 °C

ಮಕಾವ್ ಹಾದಿಯತ್ತ ದೀಪಿಕಾ ಚಿತ್ತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬಾಲಿವುಡ್ ಅಂಗಳದಲ್ಲಿ ಮಿಂಚುತ್ತಿರುವ ಕನ್ನಡದ ಪ್ರತಿಭೆ ದೀಪಿಕಾ ಪಡುಕೋಣೆ ಈಗ ಮತ್ತಷ್ಟು ಸಂತಸದಲ್ಲಿದ್ದಾರೆ. `ಯೇ ಜವಾನಿ ಹೈ ದಿವಾನಿ' ಚಿತ್ರ ಗೆದ್ದ ಬೆನ್ನಲ್ಲೇ ಅವರ ಪ್ರತಿಭೆಗೆ ಈಗ ಮತ್ತೊಂದು ವೇದಿಕೆ ಸಜ್ಜಾಗಿದೆ. ಮಕಾವ್‌ನಲ್ಲಿ ನಡೆಯಲಿರುವ ಅಂತರರಾಷ್ಟ್ರೀಯ ಭಾರತೀಯ ಸಿನಿಮಾ ಅಕಾಡೆಮಿ (ಐಐಎಫ್‌ಎ)ಯ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ದೀಪಿಕಾ ಕಾರ್ಯಕ್ರಮವೊಂದನ್ನು ನೀಡಲಿದ್ದಾರೆ.



`ಅಂಗ್ರೇಜಿ ಬೀಟ್ಸ್', `ತುಮ್ ಹಿ ಹೋ ಬಂಧು' ಹಾಗೂ ಇತ್ತೀಚಿನ `ಬಲಮ್ ಪಿಚ್ಕಾರಿ' ಗೀತೆಗಳಿಗೆ ಈಗಾಗಲೇ ನೃತ್ಯಾಭ್ಯಾಸ ಆರಂಭಿಸಿದ್ದಾರಂತೆ. `ಈ ಬಾರಿಯ ಐಐಎಫ್‌ಎ ಕಾರ್ಯಕ್ರಮ ಕುರಿತು ಕುತೂಹಲ ಹೆಚ್ಚಾಗಿದೆ. ಮಕಾವ್‌ಗೆ ಇದು ನನ್ನ ಮೊದಲ ಭೇಟಿ. ಜತೆಗೆ ನನ್ನಿಷ್ಟದ ಹಾಡುಗಳಿಗೆ ಹೆಜ್ಜೆ ಹಾಕುವುದನ್ನು ಅಭಿಮಾನಿಗಳೂ ಒಪ್ಪುತ್ತಾರೆ ಎನ್ನುವ ವಿಶ್ವಾಸವಿದೆ' ಎಂದು ದೀಪಿಕಾ ನುಡಿದಿದ್ದಾರೆ.



ಜುಲೈ 6ರಿಂದ ಐಐಎಫ್‌ಎ ಪ್ರಶಸ್ತಿ ಪ್ರದಾನ ಸಮಾರಂಭದ 14ನೇ ಆವೃತ್ತಿ ಆರಂಭವಾಗಲಿದೆ. ಬಾಲಿವುಡ್‌ನ ಚಿತ್ತ ಈಗ ಮಕಾವ್‌ನತ್ತ ನೆಟ್ಟಿದೆ.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.