ಮುಂಗಾರಿನ ಸಿಂಗಾರಿ...

ಪ್ರಕೃತಿಯಲ್ಲಿ ವೈವಿಧ್ಯಮಯ  ಹೂವುಗಳಿವೆ. ಅವುಗಳಲ್ಲಿ ಮುಂಗಾರಿನ ಸಿಂಗಾರಿ ಎಂದು ಕರೆಯುವ ಸೀತೆದಂಡೆ ಪುಷ್ಪವೂಒಂದು. ಸಾಮಾನ್ಯವಾಗಿ ಈ ಸೀತೆದಂಡೆ  ಮಳೆಗಾಲದ ಆರಂಭದ ದಿನಗಳಲ್ಲಿ ಅರಳಿ ಕಂಗೊಳಿಸುತ್ತದೆ.



ಆರ್ಕಿಡ್ ಪ್ರಬೇಧಕ್ಕೆ ಸೇರಿದೆ ಎನ್ನಲಾದ ಈ ವಿಶಿಷ್ಟ ಹೂ ಸುಮಾರು 8-10 ದಿನಗಳವರೆಗೆ ನೈಜರೂಪದಿಂದ ಶೋಭಿಸುತ್ತಾ ಇರುವುದೇ ಸೀತೆದಂಡೆ ಹೂವಿನ ವಿಶೇಷ.



ಇಲ್ಲಿನ ಚಿತ್ರದಲ್ಲಿ ಕಾಣುವ ಮುಂಗಾರಿನ ಸಿಂಗಾರಿಯು ಯಲ್ಲಾಪುರ ತಾಲ್ಲೂಕಿನ ಚವತ್ತಿ-ಹೊಸ್ಮನೆಯ ನಿವೃತ್ತ ಮುಖ್ಯಶಿಕ್ಷಕ ವಿ.ಜಿ.ಭಟ್ಟರ ಮನೆ ಅಂಗಳದಲ್ಲಿರುವ ಚಿಕ್ಕು ಗಿಡದಲ್ಲಿ ಅರಳಿ ಶೋಭಿಸುತ್ತಿದೆ. ಅಲ್ಲಿ ಸುಮಾರು 14 ಸೀತೆದಂಡೆ ಹೂಗಳು ಒಮ್ಮೆಲೆಯೇ ಅರಳಿ ಎಲ್ಲರನ್ನು ಆಕರ್ಷಿಸಿತು.