ಮೊಟಕಾದ ಅಸ್ಸಾಂ ಸಿನಿಮಾ

ನವದೆಹಲಿ(ಪಿಟಿಐ): ಸಮಾಜವಾದಿ ಪಕ್ಷದ ಸಂಸದೆ ಜಯಾ ಬಚ್ಚನ್ ಅವರನ್ನು ಮೂದಲಿಸಿದ ಗೃಹ ಸಚಿವ ಸುಶೀಲ್ ಕುಮಾರ್ ಶಿಂಧೆ, ಸದಸ್ಯರ ಪ್ರತಿಭಟನೆಗೆ ಮಣಿದು ಕ್ಷಮೆಯಾಚಿಸಿದ ಘಟನೆ ಗುರುವಾರ ರಾಜ್ಯಸಭೆಯಲ್ಲಿ ನಡೆಯಿತು.

ಶಿಂಧೆ ಆಡಿದ ಹಗುರ ಮಾತಿಗೆ ರಾಜ್ಯಸಭೆಯ ಅನೇಕ ಸದಸ್ಯರು ತಿರುಗಿಬಿದ್ದರು. ಸಚಿವರು ಕ್ಷಮೆ ಕೋರಿ, ತಮ್ಮ ಮೂದಲಿಕೆ ಹಿಂದಕ್ಕೆ ಪಡೆಯಬೇಕು ಎಂದು ಒತ್ತಾಯಿಸಿದರು. ಪ್ರತಿಭಟನೆ ತೀವ್ರವಾದಾಗ ಶಿಂಧೆ ಅನಿವಾರ್ಯವಾಗಿ ಕ್ಷಮೆ ಕೋರಬೇಕಾಯಿತು.

ಅಸ್ಸಾಂ ಹಿಂಸಾಚಾರದ ಬಗ್ಗೆ ಗುರುವಾರ ನಡೆಯುತ್ತಿದ್ದ ಚರ್ಚೆಯ ಸಂದರ್ಭದಲ್ಲಿ ಶಿಂಧೆ ಮಾತನಾಡುತ್ತಿದ್ದರು. ಆಗ ಜಯಾ ಬಚ್ಚನ್ ಅವರು, `ಸಚಿವರು ಸದಸ್ಯರ ನಿರ್ದಿಷ್ಟ ಪ್ರಶ್ನೆಗಳಿಗೆ ಸಮರ್ಪಕವಾಗಿ ಉತ್ತರಿಸುತ್ತಿಲ್ಲ~ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ತಮಗೆ ಅಡಚಣೆ ಉಂಟುಮಾಡಿದ ಜಯಾ ಬಚ್ಚನ್ ಅವರಿಗೆ ಶಿಂಧೆ, `ಇದು ತುಂಬ ಗಂಭೀರ ವಿಷಯ. ಸಿನಿಮಾ ಅಲ್ಲ~ ಎಂದು ಹಂಗಿಸುವಂತಹ ಮಾತುಗಳನ್ನು ಆಡಿದರು. ಬಾಲಿವುಡ್ ನಟಿಯೂ ಆಗಿರುವ ಜಯಾ ಬಚ್ಚನ್, ಸಚಿವರ ಮಾತಿಗೆ ಬಲವಾಗಿ ಆಕ್ಷೇಪಿಸಿದರು. ಇದಕ್ಕೆ ಇತರ ಅನೇಕ ಸದಸ್ಯರೂ ದನಿಗೂಡಿಸಿದರು. ಆಗ ಸದನದಲ್ಲಿ ಹುಯಿಲು ಎದ್ದಿತು.

`ಜಯಾ ಬಚ್ಚನ್ ಶ್ರೇಷ್ಠ ನಟಿ. ಈ ಸದನದ ಸದಸ್ಯರು. ನೀವು (ಶಿಂಧೆ) ಗೃಹ ಸಚಿವರಾಗಿ ಅವರನ್ನು ಮೂದಲಿಸುವಂತಹ ಮಾತುಗಳನ್ನಾಡಿದ್ದು ಸರಿಯಲ್ಲ. ಕ್ಷಮೆ ಕೋರಿ, ಬಳಕೆ ಮಾಡಿದ ಪದ ಹಿಂದಕ್ಕೆ ಪಡೆಯಿರಿ~ ಎಂದು ಪ್ರತಿಪಕ್ಷದ ನಾಯಕ ಅರುಣ್ ಜೇಟ್ಲಿ ಒತ್ತಾಯಿಸಿದರು.

ಈ ಒತ್ತಾಯಕ್ಕೆ ಮೊದಲು ಮಣಿಯದ ಶಿಂಧೆ, `ನಾನು ಮಾತನಾಡುತ್ತಿದ್ದಾಗ ಜಯಾ ಅವರು ಮಧ್ಯೆ ಬಾಯಿ ಹಾಕಿದ್ದು ಸರಿಯಾದ ಕ್ರಮವಲ್ಲ~ ಎಂದು ತಮ್ಮ ಮಾತುಗಳನ್ನು ಸಮರ್ಥಿಸಿಕೊಳ್ಳಲು ನೋಡಿದರು. ಆಗ ಜೇಟ್ಲಿ, ಅಧ್ಯಕ್ಷರ ಪೀಠದಲ್ಲಿ ಆಸೀನರಾಗಿದ್ದ ತಾರಿಕ್ ಅನ್ವರ್ ಅವರನ್ನು ಮಧ್ಯ ಪ್ರವೇಶಿಸಲು ಕೋರಿ; ಸಚಿವರು ತಾವಾಡಿದ ಮಾತನ್ನು ಹಿಂದಕ್ಕೆ ಪಡೆಯದಿದ್ದರೆ, ಅದನ್ನು ಕಡತದಿಂದ ತೆಗೆದುಹಾಕಬೇಕು ಎಂದರು.

ನಂತರ ಶಿಂಧೆ, `ನನ್ನ ಮಾತುಗಳಿಂದ ಅವರಿಗೆ (ಜಯಾ ಬಚ್ಚನ್) ನೋವಾಗಿದ್ದರೆ ಕ್ಷಮೆ ಕೋರುವೆ. ಅವರು ನನ್ನ ತಂಗಿಯಂತೆ.ಬಚ್ಚನ್ ಅವರ ಕುಟುಂಬದ ಬಗ್ಗೆ ನನಗೆ ಅಪಾರ ಗೌರವ ಇದೆ~ ಎಂದರು. ಈ ಗದ್ದಲದಲ್ಲಿ, ಶಿಂಧೆ ಅವರು ಅಸ್ಸಾಂ ದಳ್ಳುರಿಯ ಕುರಿತು ನೀಡುತ್ತಿದ್ದ ಹೇಳಿಕೆಯನ್ನು ಅರ್ಧಕ್ಕೆ ನಿಲ್ಲಿಸಿಬಿಟ್ಟರು. ಇದರಿಂದ ಸದಸ್ಯರ ಅನೇಕ ಪ್ರಶ್ನೆಗಳಿಗೆ ಉತ್ತರವೇ ದೊರಕಲಿಲ್ಲ. `ಸಿನಿಮಾ~ ಅರ್ಧಕ್ಕೆ ಮೊಟಕುಗೊಂಡಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೊಟಕಾದ ಅಸ್ಸಾಂ ಸಿನಿಮಾ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ