<p><span style="color: #800000">ಮೊಬೈಲ್ಗಳಿಗೆ ಕಾಸ್ಪ್ರಸ್ಕಿ ಸುರಕ್ಷೆ</span></p>.<p>ಮೊಬೈಲ್ ಸುರಕ್ಷತಾ ತಂತ್ರಾಂಶಗಳನ್ನು ಅಭಿವೃದ್ಧಿ ಪಡಿಸುವ ರಷ್ಯಾ ಮೂಲದ ‘ಕಾಸ್ಪ್ರಸ್ಕಿ’ ಕಂಪೆನಿ ಹೊಸ ಮೊಬೈಲ್ ಸುರಕ್ಷತಾ ತಂತ್ರಾಂಶವನ್ನು ಬಿಡುಗಡೆ ಮಾಡಿದೆ. ಈ ತಂತ್ರಾಂಶವನ್ನು ಸ್ಮಾರ್ಟ್ಫೋನ್ ಮತ್ತು ‘ಜಿಪಿಆರ್ಎಸ್’ ಸೌಲಭ್ಯದ ಹ್ಯಾಂಡ್ಸೆಟ್ಗಳಲ್ಲಿ ಬಳಸಬಹುದಾಗಿದ್ದು, ದತ್ತಾಂಶ ಸುರಕ್ಷತೆ, ವೈರಸ್ ದಾಳಿ ತಡೆ ಮುಂತಾದ ಸೌಲಭ್ಯಗಳನ್ನು ಹೊಂದಿದೆ. <br /> <br /> ಸ್ಮಾರ್ಟ್ಫೋನ್ ಮಾರುಕಟ್ಟೆ ತೀವ್ರವಾಗಿ ಬೆಳೆಯುತ್ತಿದೆ. ಮೊಬೈಲ್ ಕಂಪ್ಯೂಟಿಂಗ್ ಜನಪ್ರಿಯತೆ ಹೆಚ್ಚುತ್ತಿರುವಂತೆ ಮಾಲ್ವೇರ್ ಮತ್ತು ವೈರಸ್ ದಾಳಿಯೂ ಹೆಚ್ಚುತ್ತಿದೆ. ಬಳಕೆದಾರರು ಮೊಬೈಲ್ನಲ್ಲಿ ಸಂರಕ್ಷಿಸಿ ಇಟ್ಟುಕೊಂಡಿರುವ ದತ್ತಾಂಶಗಳು ನಾಶವಾಗುತ್ತಿರುವ ಪ್ರಕರಣಗಳು ವರದಿಯಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ದತ್ತಾಂಶ ಸುರಕ್ಷತೆಗಾಗಿ ‘ಕಾಸ್ಪ್ರಸ್ಕಿ-9’ ತಂತ್ರಾಂಶ ಬಿಡುಗಡೆ ಮಾಡುತ್ತಿದ್ದೇವೆ ಎಂದು ಕಂಪೆನಿ ಹೇಳಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಈ ತಂತ್ರಾಂಶದ ಬೆಲೆ ್ಙ 599 ಎಂದು ಕಂಪೆನಿ ಹೇಳಿದೆ.<br /> <br /> ‘ಕಾಸ್ಪ್ರಸ್ಕಿ-9’ ದತ್ತಾಂಶ ಸುರಕ್ಷತೆ ಖಾತರಿ ನೀಡುತ್ತದೆ. ಸ್ಮಾರ್ಟ್ ಫೋನ್ಮಾರುಕಟ್ಟೆಯಲ್ಲಿ ಈ ತಂತ್ರಾಂಶಕ್ಕೆ ವಿಪುಲ ಬೇಡಿಕೆ ಇದ್ದು, ಈ ವರ್ಷಾಂತ್ಯಕ್ಕೆ ಒಂದು ಲಕ್ಷ ಘಟಕಗಳನ್ನು ಮಾರುವ ಯೋಜನೆ ಹೊಂದಿದ್ದೇವೆ ಎನ್ನುತ್ತಾರೆ ಕಂಪೆನಿಯ ಏಷ್ಯಾ-ಫೆಸಿಫಿಕ್ ವಲಯದ ಕಾರ್ಪೊರೇಟ್ ವ್ಯವಹಾರಗಳ ಮುಖ್ಯಸ್ಥೆ ಸೂಕ್ಲಿಂಗ್ ಗುನ್. <br /> <br /> ‘ಕಾಸ್ಪ್ರಸ್ಕಿ-9’ ಅನ್ನು ಸಿಂಬಿಯನ್, ಆಂಡ್ರಾಯ್ಡಾ ಮತ್ತು ಜಾವಾ ಕಾರ್ಯನಿರ್ವಹಣಾ ತಂತ್ರಾಂಶ ಹೊಂದಿರುವ ಮೊಬೈಲ್ಗಳಲ್ಲಿ ಬಳಸಬಹುದು. ಆದರೆ, ಆ್ಯಪಲ್ ಉಪಕರಣಗಳಲ್ಲಿ ಮಾತ್ರ ಇದು ಸದ್ಯ ತೆರೆದುಕೊಳ್ಳುವುದಿಲ್ಲ. ಐಪೋನ್ನಲ್ಲಿ ಈ ತಂತ್ರಾಂಶ ಬಳಕೆಯ ಕುರಿತು ‘ಆ್ಯಪಲ್’ ಜತೆ ಮಾತುಕತೆ ನಡೆಸುತ್ತಿದ್ದೇವೆ ಎನ್ನತ್ತಾರೆ ಗುನ್.<br /> <br /> ಸದ್ಯ ಮೊಬೈಲ್ ಸುರಕ್ಷತಾ ತಂತ್ರಾಂಶಗಳ ಮಾರುಕಟ್ಟೆ ರೂ 1,400 ಕೋಟಿಯಷ್ಟಿದ್ದು, ಇದು ವಾರ್ಷಿಕ ಶೇ 25ರಷ್ಟು ವೃದ್ಧಿಯಾಗುತ್ತಿದೆ.</p>.<p><span style="color: #800000">ಮೊಬೈಲ್ ಮಾರುಕಟ್ಟೆ ಪ್ರಗತಿ</span></p>.<p>ಜಾಗತಿಕ ಮೊಬೈಲ್ ಮಾರುಕಟ್ಟೆ ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಶೇ 19.8ರಷ್ಟು ವೃದ್ಧಿ ಕಾಣುವುದಾಗಿ ಇಂಟರ್ನ್ಯಾಷನಲ್ ಡೇಟಾ ಕಾರ್ಪೊರೇಷನ್ (ಐಡಿಸಿ) ಸಮೀಕ್ಷೆ ತಿಳಿಸಿದೆ. <br /> <br /> ಭಾರತ ಚೀನಾ ಸೇರಿದಂತೆ ಏಷ್ಯಾ ವಲಯದಲ್ಲಿ ಮೊಬೈಲ್ ಸ್ಮಾರ್ಟ್ಫೋನ್ ಮಾರುಕಟ್ಟೆ ಹೆಚ್ಚು ಪ್ರವರ್ಧಮಾನಕ್ಕೆ ಬರುತ್ತಿದ್ದು, ಮೊಬೈಲ್ ತಯಾರಿಕಾ ಕಂಪೆನಿಗಳು ಮತ್ತು ಮಾರಾಟಗಾರರ ಸಂಖ್ಯೆ 371.8 ಶತಕೊಟಿಗಳಿಗೆ ಏರಲಿದೆ ಎಂದಿದೆ ಈ ವರದಿ. <br /> <br /> ಜಪಾನನ್ನು ಹೊರತುಪಡಿಸಿದರೆ ಏಷ್ಯಾ-ಫೆಸಿಫಿಕ್ ವಲಯದಲ್ಲಿ ಸ್ಮಾರ್ಟ್ಫೋನ್ಗಳ ಬಳಕೆ ತೀವ್ರವಾಗಿ ಹೆಚ್ಚುತ್ತಿದೆ. ಮಧ್ಯಪ್ರಾಚ್ಯ ಮತ್ತು ಲ್ಯಾಟಿನ್ ಅಮೆರಿಕ ಭಾಗಗಳಲ್ಲೂ ಹೊಸ ಮಾರುಕಟ್ಟೆ ಅವಕಾಶಗಳು ಸೃಷ್ಟಿಯಾಗುತ್ತಿವೆ. ಈ ಹಿನ್ನೆಲೆಯಲ್ಲಿ 2011ನೇ ಸಾಲಿನ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಜಾಗತಿಕ ಮೊಬೈಲ್ ಮಾರುಕಟ್ಟೆ ದಾಖಲೆಯ ಪ್ರಗತಿಯನ್ನು ಕಾಣಲಿದೆ ಎಂದು ‘ಐಡಿಸಿ’ ಹೇಳಿದೆ. <br /> ಮೊಬೈಲ್ ತಯಾರಿಕಾ ಕಂಪೆನಿಗಳು ಎಲ್ಲ ವರ್ಗದ ಜನರಿಗೆ ಸುಲಭವಾಗಿ ಕೈಗೆಟುಕುವ ದರದಲ್ಲಿ ಸ್ಮಾರ್ಟ್ಫೋನ್ಗಳನ್ನು ಅಭಿವೃದ್ಧಿಪಡಿಸುತ್ತಿದ್ದಾರೆ. ಏಷ್ಯಾ-ಫೆಸಿಪಿಕ್ ವಲಯದಲ್ಲಿ ‘ಎಚ್ಟಿಸಿ’ ಕಂಪೆನಿ ಮುಂಚೂಣಿಯಲ್ಲಿದ್ದರೂ, ಹಲವು ಹೊಸ ಕಂಪೆನಿಗಳು ಹೊಸ ಮಾರುಕಟ್ಟೆ ಅವಕಾಶಗಳನ್ನು ಬಳಸಿಕೊಳ್ಳಲು ಮುಂದಾಗುತ್ತಿವೆ. <br /> <br /> ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಮೈಕ್ರೋಮ್ಯಾಕ್ಸ್, ಟಿಸಿಎಲ್-ಆಲ್ಕಾಟೆಲ್, ಹುವೈ, ರಿಮ್ ಕಂಪೆನಿಗಳ ಮಾರುಕಟ್ಟೆ ಗಣನೀಯ ಪ್ರಗತಿ ಕಂಡಿದ್ದು, ಹೊಸ ಹೊಸ ತಂತ್ರಜ್ಞಾನ ಸೌಲಭ್ಯಗಳಿರುವ ಹ್ಯಾಂಡ್ಸೆಟ್ಗಳು ಮಾರುಕಟ್ಟೆಗೆ ಬಿಡುಗಡೆಗೊಂಡಿವೆ. <br /> ಸ್ಮಾರ್ಟ್ಫೋನ್ಗಳ ಒತ್ತಡವನ್ನು ತಾಳಲಾರದೆ, ಸಾಂಪ್ರದಾಯಿಕ ಮತ್ತು ಕಿವರ್ಟಿ ಫೋನ್ಗಳಿಂದ ಹೊಸ ಟಚ್ಸ್ಕ್ರೀನ್ ಮೊಬೈಲ್ಗಳಿಗೆ ಪಲ್ಲಟವಾಗುತ್ತಿರುವವರ ಸಂಖ್ಯೆಯೂ ದುಪ್ಪಟ್ಟು ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಕಂಪೆನಿಗಳು ಹೊಸ ಸ್ಮಾರ್ಟ್ಫೋನ್ಮಾರುಕಟ್ಟೆ ಅವಕಾಶಗಳ ಕುರಿತು ಗಮನಹರಿಸುತ್ತಿದ್ದಾರೆ ಎಂದು ‘ಐಡಿಸಿ’ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><span style="color: #800000">ಮೊಬೈಲ್ಗಳಿಗೆ ಕಾಸ್ಪ್ರಸ್ಕಿ ಸುರಕ್ಷೆ</span></p>.<p>ಮೊಬೈಲ್ ಸುರಕ್ಷತಾ ತಂತ್ರಾಂಶಗಳನ್ನು ಅಭಿವೃದ್ಧಿ ಪಡಿಸುವ ರಷ್ಯಾ ಮೂಲದ ‘ಕಾಸ್ಪ್ರಸ್ಕಿ’ ಕಂಪೆನಿ ಹೊಸ ಮೊಬೈಲ್ ಸುರಕ್ಷತಾ ತಂತ್ರಾಂಶವನ್ನು ಬಿಡುಗಡೆ ಮಾಡಿದೆ. ಈ ತಂತ್ರಾಂಶವನ್ನು ಸ್ಮಾರ್ಟ್ಫೋನ್ ಮತ್ತು ‘ಜಿಪಿಆರ್ಎಸ್’ ಸೌಲಭ್ಯದ ಹ್ಯಾಂಡ್ಸೆಟ್ಗಳಲ್ಲಿ ಬಳಸಬಹುದಾಗಿದ್ದು, ದತ್ತಾಂಶ ಸುರಕ್ಷತೆ, ವೈರಸ್ ದಾಳಿ ತಡೆ ಮುಂತಾದ ಸೌಲಭ್ಯಗಳನ್ನು ಹೊಂದಿದೆ. <br /> <br /> ಸ್ಮಾರ್ಟ್ಫೋನ್ ಮಾರುಕಟ್ಟೆ ತೀವ್ರವಾಗಿ ಬೆಳೆಯುತ್ತಿದೆ. ಮೊಬೈಲ್ ಕಂಪ್ಯೂಟಿಂಗ್ ಜನಪ್ರಿಯತೆ ಹೆಚ್ಚುತ್ತಿರುವಂತೆ ಮಾಲ್ವೇರ್ ಮತ್ತು ವೈರಸ್ ದಾಳಿಯೂ ಹೆಚ್ಚುತ್ತಿದೆ. ಬಳಕೆದಾರರು ಮೊಬೈಲ್ನಲ್ಲಿ ಸಂರಕ್ಷಿಸಿ ಇಟ್ಟುಕೊಂಡಿರುವ ದತ್ತಾಂಶಗಳು ನಾಶವಾಗುತ್ತಿರುವ ಪ್ರಕರಣಗಳು ವರದಿಯಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ದತ್ತಾಂಶ ಸುರಕ್ಷತೆಗಾಗಿ ‘ಕಾಸ್ಪ್ರಸ್ಕಿ-9’ ತಂತ್ರಾಂಶ ಬಿಡುಗಡೆ ಮಾಡುತ್ತಿದ್ದೇವೆ ಎಂದು ಕಂಪೆನಿ ಹೇಳಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಈ ತಂತ್ರಾಂಶದ ಬೆಲೆ ್ಙ 599 ಎಂದು ಕಂಪೆನಿ ಹೇಳಿದೆ.<br /> <br /> ‘ಕಾಸ್ಪ್ರಸ್ಕಿ-9’ ದತ್ತಾಂಶ ಸುರಕ್ಷತೆ ಖಾತರಿ ನೀಡುತ್ತದೆ. ಸ್ಮಾರ್ಟ್ ಫೋನ್ಮಾರುಕಟ್ಟೆಯಲ್ಲಿ ಈ ತಂತ್ರಾಂಶಕ್ಕೆ ವಿಪುಲ ಬೇಡಿಕೆ ಇದ್ದು, ಈ ವರ್ಷಾಂತ್ಯಕ್ಕೆ ಒಂದು ಲಕ್ಷ ಘಟಕಗಳನ್ನು ಮಾರುವ ಯೋಜನೆ ಹೊಂದಿದ್ದೇವೆ ಎನ್ನುತ್ತಾರೆ ಕಂಪೆನಿಯ ಏಷ್ಯಾ-ಫೆಸಿಫಿಕ್ ವಲಯದ ಕಾರ್ಪೊರೇಟ್ ವ್ಯವಹಾರಗಳ ಮುಖ್ಯಸ್ಥೆ ಸೂಕ್ಲಿಂಗ್ ಗುನ್. <br /> <br /> ‘ಕಾಸ್ಪ್ರಸ್ಕಿ-9’ ಅನ್ನು ಸಿಂಬಿಯನ್, ಆಂಡ್ರಾಯ್ಡಾ ಮತ್ತು ಜಾವಾ ಕಾರ್ಯನಿರ್ವಹಣಾ ತಂತ್ರಾಂಶ ಹೊಂದಿರುವ ಮೊಬೈಲ್ಗಳಲ್ಲಿ ಬಳಸಬಹುದು. ಆದರೆ, ಆ್ಯಪಲ್ ಉಪಕರಣಗಳಲ್ಲಿ ಮಾತ್ರ ಇದು ಸದ್ಯ ತೆರೆದುಕೊಳ್ಳುವುದಿಲ್ಲ. ಐಪೋನ್ನಲ್ಲಿ ಈ ತಂತ್ರಾಂಶ ಬಳಕೆಯ ಕುರಿತು ‘ಆ್ಯಪಲ್’ ಜತೆ ಮಾತುಕತೆ ನಡೆಸುತ್ತಿದ್ದೇವೆ ಎನ್ನತ್ತಾರೆ ಗುನ್.<br /> <br /> ಸದ್ಯ ಮೊಬೈಲ್ ಸುರಕ್ಷತಾ ತಂತ್ರಾಂಶಗಳ ಮಾರುಕಟ್ಟೆ ರೂ 1,400 ಕೋಟಿಯಷ್ಟಿದ್ದು, ಇದು ವಾರ್ಷಿಕ ಶೇ 25ರಷ್ಟು ವೃದ್ಧಿಯಾಗುತ್ತಿದೆ.</p>.<p><span style="color: #800000">ಮೊಬೈಲ್ ಮಾರುಕಟ್ಟೆ ಪ್ರಗತಿ</span></p>.<p>ಜಾಗತಿಕ ಮೊಬೈಲ್ ಮಾರುಕಟ್ಟೆ ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಶೇ 19.8ರಷ್ಟು ವೃದ್ಧಿ ಕಾಣುವುದಾಗಿ ಇಂಟರ್ನ್ಯಾಷನಲ್ ಡೇಟಾ ಕಾರ್ಪೊರೇಷನ್ (ಐಡಿಸಿ) ಸಮೀಕ್ಷೆ ತಿಳಿಸಿದೆ. <br /> <br /> ಭಾರತ ಚೀನಾ ಸೇರಿದಂತೆ ಏಷ್ಯಾ ವಲಯದಲ್ಲಿ ಮೊಬೈಲ್ ಸ್ಮಾರ್ಟ್ಫೋನ್ ಮಾರುಕಟ್ಟೆ ಹೆಚ್ಚು ಪ್ರವರ್ಧಮಾನಕ್ಕೆ ಬರುತ್ತಿದ್ದು, ಮೊಬೈಲ್ ತಯಾರಿಕಾ ಕಂಪೆನಿಗಳು ಮತ್ತು ಮಾರಾಟಗಾರರ ಸಂಖ್ಯೆ 371.8 ಶತಕೊಟಿಗಳಿಗೆ ಏರಲಿದೆ ಎಂದಿದೆ ಈ ವರದಿ. <br /> <br /> ಜಪಾನನ್ನು ಹೊರತುಪಡಿಸಿದರೆ ಏಷ್ಯಾ-ಫೆಸಿಫಿಕ್ ವಲಯದಲ್ಲಿ ಸ್ಮಾರ್ಟ್ಫೋನ್ಗಳ ಬಳಕೆ ತೀವ್ರವಾಗಿ ಹೆಚ್ಚುತ್ತಿದೆ. ಮಧ್ಯಪ್ರಾಚ್ಯ ಮತ್ತು ಲ್ಯಾಟಿನ್ ಅಮೆರಿಕ ಭಾಗಗಳಲ್ಲೂ ಹೊಸ ಮಾರುಕಟ್ಟೆ ಅವಕಾಶಗಳು ಸೃಷ್ಟಿಯಾಗುತ್ತಿವೆ. ಈ ಹಿನ್ನೆಲೆಯಲ್ಲಿ 2011ನೇ ಸಾಲಿನ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಜಾಗತಿಕ ಮೊಬೈಲ್ ಮಾರುಕಟ್ಟೆ ದಾಖಲೆಯ ಪ್ರಗತಿಯನ್ನು ಕಾಣಲಿದೆ ಎಂದು ‘ಐಡಿಸಿ’ ಹೇಳಿದೆ. <br /> ಮೊಬೈಲ್ ತಯಾರಿಕಾ ಕಂಪೆನಿಗಳು ಎಲ್ಲ ವರ್ಗದ ಜನರಿಗೆ ಸುಲಭವಾಗಿ ಕೈಗೆಟುಕುವ ದರದಲ್ಲಿ ಸ್ಮಾರ್ಟ್ಫೋನ್ಗಳನ್ನು ಅಭಿವೃದ್ಧಿಪಡಿಸುತ್ತಿದ್ದಾರೆ. ಏಷ್ಯಾ-ಫೆಸಿಪಿಕ್ ವಲಯದಲ್ಲಿ ‘ಎಚ್ಟಿಸಿ’ ಕಂಪೆನಿ ಮುಂಚೂಣಿಯಲ್ಲಿದ್ದರೂ, ಹಲವು ಹೊಸ ಕಂಪೆನಿಗಳು ಹೊಸ ಮಾರುಕಟ್ಟೆ ಅವಕಾಶಗಳನ್ನು ಬಳಸಿಕೊಳ್ಳಲು ಮುಂದಾಗುತ್ತಿವೆ. <br /> <br /> ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಮೈಕ್ರೋಮ್ಯಾಕ್ಸ್, ಟಿಸಿಎಲ್-ಆಲ್ಕಾಟೆಲ್, ಹುವೈ, ರಿಮ್ ಕಂಪೆನಿಗಳ ಮಾರುಕಟ್ಟೆ ಗಣನೀಯ ಪ್ರಗತಿ ಕಂಡಿದ್ದು, ಹೊಸ ಹೊಸ ತಂತ್ರಜ್ಞಾನ ಸೌಲಭ್ಯಗಳಿರುವ ಹ್ಯಾಂಡ್ಸೆಟ್ಗಳು ಮಾರುಕಟ್ಟೆಗೆ ಬಿಡುಗಡೆಗೊಂಡಿವೆ. <br /> ಸ್ಮಾರ್ಟ್ಫೋನ್ಗಳ ಒತ್ತಡವನ್ನು ತಾಳಲಾರದೆ, ಸಾಂಪ್ರದಾಯಿಕ ಮತ್ತು ಕಿವರ್ಟಿ ಫೋನ್ಗಳಿಂದ ಹೊಸ ಟಚ್ಸ್ಕ್ರೀನ್ ಮೊಬೈಲ್ಗಳಿಗೆ ಪಲ್ಲಟವಾಗುತ್ತಿರುವವರ ಸಂಖ್ಯೆಯೂ ದುಪ್ಪಟ್ಟು ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಕಂಪೆನಿಗಳು ಹೊಸ ಸ್ಮಾರ್ಟ್ಫೋನ್ಮಾರುಕಟ್ಟೆ ಅವಕಾಶಗಳ ಕುರಿತು ಗಮನಹರಿಸುತ್ತಿದ್ದಾರೆ ಎಂದು ‘ಐಡಿಸಿ’ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
