ಶುಕ್ರವಾರ, ಮೇ 14, 2021
21 °C

ಯುವತಿ ಸಜೀವ ದಹನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಖನೌ(ಐಎಎನ್‌ಎಸ್): ಪ್ರೇಮ ವಿವಾಹಕ್ಕೆ ವಿರೋಧ ವ್ಯಕ್ತಪಡಿಸಿದ ಯುವಕನ ಪೋಷಕರು ಸಾರ್ವಜನಿಕರೆದುರೇ ಆತನ ಪ್ರೇಯಸಿಯನ್ನು ಸಜೀವ ದಹನ ಮಾಡಿದ ಬರ್ಬರ ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದೆ.



ಲಖನೌನಿಂದ 475 ಕಿ.ಮೀ. ದೂರದ ಕಾರಕ್ಹೋಲ್ ಗ್ರಾಮದ ಡಿಯೋರಿಯಾದಲ್ಲಿ ಈ ಘಟನೆ ನಡೆದಿದೆ. ಯುವತಿಯ ತಾಯಿ ಕೂಡ ಹಲ್ಲೆಗೆ ಒಳಗಾಗಿದ್ದಾರೆ.



ಮಂಜು ಎಂಬ ಯುವತಿ ತನ್ನ ಊರಿನವನೇ ಆದ ರಂಜಿತ್ ಎಂಬಾತನ್ನು ಪ್ರೀತಿಸುತ್ತ್ದ್ದಿದಳು. ಆದರೆ ಇದಕ್ಕೆ ಆತನ ಕುಟುಂಬದವರ ವಿರೋಧವಿತ್ತು. ವಿಷಯ ಪಂಚಾಯಿತಿ ಕಟ್ಟೆವರೆಗೂ ಹೋಯಿತು. ಇಬ್ಬರೂ ಪರಸ್ಪರ ಪ್ರೀತಿಸುತ್ತಿರುವುದರಿಂದ ಅವರಿಗೆ ವಿವಾಹವಾಗಲು ಬಿಡಬೇಕು ಎಂದು ಮಂಜು ತಾಯಿ ಬೇಡಿಕೊಂಡರು. ಇದರಿಂದ ಕೋಪಗೊಂಡ ರಂಜಿತ್ ತಂದೆ ಹಾಗೂ ಕುಟುಂಬದವರು ಮಂಜು ತಾಯಿ ಜ್ಞಾನವತಿ ಮೇಲೆ ಏಕಾಏಕಿ ಹಲ್ಲೆ ನಡೆಸಿದರು. ತಾಯಿ ನೆರವಿಗೆ ಧಾವಿಸಿದ ಮಂಜು ಮೇಲೆ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿದರು. ಆಸ್ಪತ್ರೆಗೆ ಕರೆದೊಯ್ಯುತ್ತಿದ್ದಾಗಲೇ ಆಕೆ ಮೃತಪಟ್ಟಳು.



 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.