ರಾಜಕಾರಣದ ಎರಡು ಮುಖಗಳು

7

ರಾಜಕಾರಣದ ಎರಡು ಮುಖಗಳು

Published:
Updated:

`ಕೃಷ್ಣಾ ಮೇಲ್ದಂಡೆ ಯೋಜನೆಯ ಕುರಿತು ಎಫ್‌ಐಆರ್ ದಾಖಲಿಸಿರುವುದರ ಹಿಂದೆ ಯಾರದೋ ಕೈವಾಡವಿದೆ, ಅವರ ಸಂಪೂರ್ಣ ಜಾತಕ ನನ್ನ ಕೈಯಲ್ಲಿದೆ, ಮುಂದೆ ಅವರಿಗೆ ಗಂಡಾಂತರ ಕಾದಿದೆ~ ಎಂದು ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹೇಳಿದ್ದು (ಪ್ರವಾ ಅ 27) ವರದಿಯಾಗಿದೆ.

 

ಆರೋಪಗಳ ಸಮಗ್ರ ತನಿಖೆಗೆ ಎಫ್.ಐ.ಆರ್. ದಾಖಲಾಗಿದೆ. ಆರೋಪಪಟ್ಟಿ ನ್ಯಾಯಾಲಯಕ್ಕೆ ಸಲ್ಲಿಸಲಾಗುತ್ತದೆ. ಅಲ್ಲಿ ಅಪರಾಧ ನಿರ್ಣಯವಾಗುತ್ತದೆ. ಅದಕ್ಕೇಕೆ ಕುಮಾರಸ್ವಾಮಿಯವರು ಹೀಗೆ  `ನನ್ನ ಸುದ್ದಿಗೆ ಬಂದರೆ ನಿನ್ನನ್ನು ಸುಮ್ಮನೆ ಬಿಡುವುದಿಲ್ಲ, ನೀನು ಸುಮ್ಮನಿದ್ದರೆ ನಾನೂ ಸುಮ್ಮನಿರುವೆ~ ಎಂಬ ಬ್ಲ್ಯಾಕ್‌ಮೇಲ್ ಹೇಳಿಕೆಯನ್ನು ಕೊಡುತ್ತಾರೋ ಅರ್ಥವಾಗದ ಸಂಗತಿ.



ರಾಜ್ಯಮಟ್ಟದ ರಾಜಕಾರಣದಲ್ಲಿ ಕುಮಾರಸ್ವಾಮಿಯವರಿಗೆ ಬಂಧನದಲ್ಲಿರುವವರು ಎದುರಾಳಿಗಳಾಗಿರಬಹುದು. ಆದರೆ ನಮ್ಮ ರಾಜ್ಯದ ಮತ್ತೋರ್ವ ಮಾಜಿ ಮುಖ್ಯಮಂತ್ರಿ ಎಸ್. ಬಂಗಾರಪ್ಪನವರಿಗೆ ತಂದೆ ಮಕ್ಕಳಿಬ್ಬರೂ ವಿಧಾನಸಭೆ, ಲೋಕಸಭಾ  ಚುನಾವಣಾ ಕ್ಷೇತ್ರದಲ್ಲಿಯೇ ಎದುರಾಳಿಗಳಾಗಿ, ನೇರಾನೇರ ಸೋಲಿನ ರುಚಿ ತೋರಿಸಿದ್ದರೂ  `ರಾಜಕೀಯವಾಗಿ ಟೀಕೆ ಟಿಪ್ಪಣಿಗಳು ಸಹಜ, ಅಂದಮಾತ್ರಕ್ಕೆ ಇಂದಿನ ಅವರ ಪರಿಸ್ಥಿತಿಗೆ ಸಂತಸಪಡುವ ಮನೋಭಾವ ನನ್ನದಲ್ಲ~ (ಪ್ರವಾ.ಅ.27)ಎಂದಿರುವುದು ನಿಜಕ್ಕೂ ಪ್ರಬುದ್ಧತೆ, ರಾಜಕಾರಣದ ಬದ್ಧತೆಯನ್ನು ತೋರಿಸುತ್ತದೆ. ಅರವತ್ತರ ನಂತರ ಅರಳು ಮರಳು ಆರಂಭ ಎನ್ನಲಾಗುತ್ತದೆ, 78 ರ ಇಳಿವಯಸ್ಸಿನಲ್ಲಿಯೂ ಇಂಥ ಸಾತ್ವಿಕ ಮನಃಸ್ಥಿತಿ ಹೊಂದಿರುವ ಹಿರಿಯ ರಾಜಕಾರಣಿಗೆ ಅಭಿನಂದನೆಗಳು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry