<p>ಕನ್ನಡ ಸಿನಿಮಾ ಮತ್ತು ಕಿರುತೆರೆ ಪ್ರೇಕ್ಷಕರಿಗೆ ರಾಧಾ ರಾಮಚಂದ್ರ ಅಪರಿಚಿತರಲ್ಲ. ಮನೆಮುರುಕಿ, ಜಗಳಗಂಟಿ, ಸೌಮ್ಯ ಸ್ವಭಾವದ ಅಜ್ಜಿ, ಬುದ್ಧಿಭ್ರಮಣೆಯಾದ ಹೆಣ್ಣು, ಕಡು ಬಡವ ಹೆಂಗಸು, ದರ್ಪ ತುಂಬಿದ ಶ್ರೀಮಂತ ಮಹಿಳೆ- ಹೀಗೆ ಅವರು ಕಾಣಿಸಿಕೊಂಡ ಪಾತ್ರಗಳು ಹಲವು.<br /> <br /> ಪೋಷಕ ಪಾತ್ರಗಳ ಮೂಲಕ ಹೆಸರಾದ ಅವರು ಇದುವರೆಗೂ 220ಕ್ಕೂ ಹೆಚ್ಚು ಧಾರಾವಾಹಿಗಳಲ್ಲಿ, 40ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದವರು.<br /> ಮಂಡ್ಯ ಜಿಲ್ಲೆಯ ತೈಲೂರಿನವರಾದ ರಾಧಾ ಕೆಇಬಿಯಲ್ಲಿ ಕೆಲಸ ಮಾಡುತ್ತಿದ್ದರು. ದನಿ ಚೆನ್ನಾಗಿದ್ದ ಕಾರಣ ಆಕಾಶವಾಣಿಯಲ್ಲಿ ನಿಲಯದ ಕಲಾವಿದೆಯಾಗಿ ಸೇರಿಕೊಂಡರು. <br /> <br /> ಆಕಾಶವಾಣಿಯಲ್ಲಿ ಇದ್ದಾಗ ರೇಡಿಯೊ ನಾಟಕಗಳು, ನೃತ್ಯ ರೂಪಕಗಳು, ಸಾಕ್ಷ್ಯಚಿತ್ರಗಳು, ಕಮರ್ಷಿಯಲ್ ಕಾರ್ಯಕ್ರಮಗಳಲ್ಲಿ ಮಾತ್ರವಲ್ಲದೇ ಸಾಕಷ್ಟು ಸಿನಿಮಾಗಳಿಗೆ, ಕ್ಯಾಸೆಟ್ಗಳಿಗೂ ದನಿ ನೀಡಿದರು. ಇಂದಿಗೂ ಪ್ರತೀ ಭಾನುವಾರ ಬರುವ ಬೆಳಗಿನ ವಿಜ್ಞಾನ ಕಾರ್ಯಕ್ರಮದಲ್ಲಿ ಅವರ ದನಿ ಕೇಳಬಹುದು.<br /> <br /> ರಂಗಭೂಮಿಯಲ್ಲಿ ಜಾಗ ಕಂಡುಕೊಂಡ ರಾಧಾ, `ಕಾಲ ಬದಲಾಯ್ತು~, `ಜೋಕುಮಾರಸ್ವಾಮಿ~, `ಮಾಯಾದ್ವೀಪ~, `ಶ್ರೀರಾಮಚರಿತೆ~, `ಸಿಂಡ್ರೆಲಾ~, `ತುಘಲಕ್~, `ಸಿರಿಸಂಪಿಗೆ~, `ಫಾದರ್~ ಹೀಗೆ ಹಲವು ನಾಟಕಗಳಲ್ಲಿ ನಟಿಸಿದರು. <br /> <br /> ಎನ್.ಎ.ಸೂರಿ ಅವರು ವೀಣಾ ಶಾಂತೇಶ್ವರ ಅವರ ಕತೆ ಆಧರಿಸಿದ `ನೆರಳು~ ಟಿಲಿಫಿಲ್ಮ್ನಲ್ಲಿ ನಟಿಸುವ ಅವಕಾಶ ಕಲ್ಪಿಸಿದರು. ಆ ಮೂಲಕ ರಾಧಾ ಕಿರುತೆರೆಗೆ ಕಾಲಿಟ್ಟರು. ನಂತರ 1988ರಲ್ಲಿ `ಬೆಳ್ಳಿಬೆಳಕು~ ಸಿನಿಮಾದಿಂದ ಬೆಳ್ಳಿತೆರೆಗೆ ಮುಂದಡಿ ಇಟ್ಟರು. <br /> <br /> `ಕರಡಿಪುರ~, `ಹಗಲುವೇಷ~, `ಜನಪದ~, `ಉಗ್ರಗಾಮಿ~, `ಏಕಲವ್ಯ~, `ಭೂಮಿತಾಯಿ~, `ಜನುಮದ ಜೋಡಿ~, `ಆಘಾತ~, `ಚಿನ್ನಾರಿ ಮುತ್ತ~, `ಕೊಟ್ರೇಶಿ ಕನಸು~, `ಶಿವಸೈನ್ಯ~, `ಜನುಮದ ಜೋಡಿ~, `ದ್ವೀಪ~ ಹೀಗೆ ಅವರು ನಟಿಸಿದ ಸಿನಿಮಾಗಳ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ.<br /> <br /> ಪ್ರಭಾಕರ್, ತಾರಾ, ರಾಘವೇಂದ್ರ ರಾಜ್ಕುಮಾರ್, ಶಿವರಾಜ್ಕುಮಾರ್, ವಿಷ್ಣುವರ್ಧನ್, ಅಂಬರೀಷ್, ಅನಂತನಾಗ್, ಶಂಕರ್ನಾಗ್ ಹೀಗೆ ಕನ್ನಡದ ಪ್ರಮುಖ ನಟರೊಂದಿಗೆ ನಟಿಸಿರುವ ರಾಧಾಗೆ ಡಾ.ರಾಜ್ಕುಮಾರ್ ಅವರೊಂದಿಗೆ ನಟಿಸಲು ಆಗಲಿಲ್ಲ ಎಂಬ ಕೊರಗು ಇದೆ.<br /> <br /> `ಆಕಸ್ಮಿಕ ಸಿನಿಮಾದಲ್ಲಿ ನಟಿಸಬೇಕಿತ್ತು. ಮಗನ ಮದುವೆ ಸಮಯದಲ್ಲಿ ಡೇಟ್ ಇದ್ದ ಕಾರಣ ಅಣ್ಣಾವ್ರೊಂದಿಗೆ ನಟಿಸಲು ಸಾಧ್ಯವಾಗಲಿಲ್ಲ~ ಎಂದು ನೊಂದುಕೊಳ್ಳುವ ರಾಧಾ ಅವರಿಗೆ ಪುಟ್ಟಣ ಕಣಗಾಲ್ ನಿರ್ದೇಶನದಲ್ಲಿ ಕೆಲಸ ಮಾಡುವಾಸೆಯೂ ಕೈಗೂಡಲಿಲ್ಲ ಎಂಬ ನೋವಿದೆ.<br /> <br /> ಆಟೋ ಡ್ರೈವರ್ಗಳು, ಕೂಲಿ ಮಾಡುವವರು ತಮ್ಮನ್ನು ಗುರುತಿಸಿದಾಗ ಆಗುವಷ್ಟೇ ಸಂತೋಷ ಅಮೆರಿಕದ ಕನ್ನಡಿಗರು ಗುರುತಿಸಿದಾಗ ಆಗಿತ್ತು ಎನ್ನುವ ಅವರು ಸದ್ಯ `ಕುಂಕುಮಾಂಕಿತೆ~, `ಜೀವನ ಸತ್ಯ~, `ಕಲ್ಯಾಣಿ~, `ಒಂದಾನೊಂದು ಕಾಲದಲ್ಲಿ ಮೂಕಾಂಬಿಕೆ~, `ಶುಭಮಂಗಳ~, `ಹೃದಯಸಾಕ್ಷಿ~ ಧಾರಾವಾಹಿಗಳಲ್ಲಿ ನಟಿಸುತ್ತಿದ್ದಾರೆ.<br /> <br /> ಹಿಂದಿಯ `ಮಾಲ್ಗುಡಿ ಡೇಸ್~, `ಸನ್ ಸ್ಮರಣ್~ ಅಲ್ಲದೇ ಕನ್ನಡದಲ್ಲಿ ಅವರು ನಟಿಸಿದ ಧಾರಾವಾಹಿಗಳಲ್ಲಿ ಪ್ರಮುಖವಾದವು `ಲಾಲಿ~, `ಬೆಳದಿಂಗಳಾಗಿ ಬಾ~, `ಅಭಿಮಾನ~, `ಮನೆಮಗಳು~, `ಪ್ರೇರಣಾ~, `ಸಾಧನೆ~, `ನಿರ್ಜೀವ~, `ಅರ್ಧಸತ್ಯ~, `ಮುಸ್ಸಂಜೆ~ ಮುಂತಾದವು. <br /> <br /> ಸಿನಿಮಾ ಮತ್ತು ಕಿರುತೆರೆಯಿಂದ ಸಾಕಷ್ಟು ಅವಕಾಶಗಳು ಬರುತ್ತಿವೆ. ಈ ಅವಕಾಶಗಳಿಂದ ತಾವು ತೃಪ್ತರಾಗಿದ್ದು, ತಮ್ಮ ಇಬ್ಬರು ಗಂಡು ಮಕ್ಕಳನ್ನು ಡಾಕ್ಟರ್, ಎಂಜಿನಿಯರ್ ಓದಿಸಿರುವುದಾಗಿ ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ ರಾಧಾ.<br /> <br /> ಯಾವುದೇ ಹಿನ್ನೆಲೆ, ಅನುಭವ, ತರಬೇತಿ ಇಲ್ಲದೇ ತಮಗೆ ಒಳ್ಳೆಯ ಅವಕಾಶಗಳು ಸಿಕ್ಕವು. ಎಲೆಮರೆಕಾಯಿಯಂಥ ತಮ್ಮನ್ನು ಜನ ಗುರುತಿಸಿದರಷ್ಟೇ ಸಾಕು ಎನ್ನುವ ಅವರು ಬಿಡುವಿನ ಸಮಯದಲ್ಲಿ ಅಡುಗೆ, ತೋಟಗಾರಿಕೆ, ಪ್ರವಾಸವನ್ನು ಎಂಜಾಯ್ ಮಾಡುತ್ತಾರಂತೆ.<br /> <br /> ಅಂದಹಾಗೆ ಮುಖದಲ್ಲಿ ಅಂಥ ಸುಕ್ಕುಗಳು ಇಲ್ಲವಾದರೂ ತಲೆ ತುಂಬ ಬಿಳಿ ಕೂದಲು ಬಿಟ್ಟುಕೊಂಡಿರುವ ರಾಧಾ ಅವರನ್ನು ಈ ಬಗ್ಗೆ ಕೇಳಿದರೆ, `ಇಂದಿನ ಧಾರಾವಾಹಿಗಳಲ್ಲಿ 30 ವರ್ಷದ ಹುಡುಗಿಯರೆಲ್ಲಾ ಅಮ್ಮನ ಪಾತ್ರ ನಿರ್ವಹಿಸುತ್ತಿದ್ದಾರೆ. <br /> <br /> ಅದರಿಂದ ನನಗೆ ಅಜ್ಜಿಯ ಪಾತ್ರವೇ ಕಟ್ಟಿಟ್ಟ ಬುತ್ತಿ. ಅದರಿಂದ ಬಿಳಿ ಕೂದಲು ಬಿಟ್ಟುಕೊಂಡಿರುವೆ. ಸದ್ಯ ನಾನು ನಟಿಸುತ್ತಿರುವ ಧಾರಾವಾಹಿಗಳು ಮುಗಿದ ನಂತರ ಕೂದಲ ಬಣ್ಣ ಬದಲಿಸುವ ಯೋಚನೆ ಇದೆ~ ಎಂದು ಮುಗುಳ್ನಗುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕನ್ನಡ ಸಿನಿಮಾ ಮತ್ತು ಕಿರುತೆರೆ ಪ್ರೇಕ್ಷಕರಿಗೆ ರಾಧಾ ರಾಮಚಂದ್ರ ಅಪರಿಚಿತರಲ್ಲ. ಮನೆಮುರುಕಿ, ಜಗಳಗಂಟಿ, ಸೌಮ್ಯ ಸ್ವಭಾವದ ಅಜ್ಜಿ, ಬುದ್ಧಿಭ್ರಮಣೆಯಾದ ಹೆಣ್ಣು, ಕಡು ಬಡವ ಹೆಂಗಸು, ದರ್ಪ ತುಂಬಿದ ಶ್ರೀಮಂತ ಮಹಿಳೆ- ಹೀಗೆ ಅವರು ಕಾಣಿಸಿಕೊಂಡ ಪಾತ್ರಗಳು ಹಲವು.<br /> <br /> ಪೋಷಕ ಪಾತ್ರಗಳ ಮೂಲಕ ಹೆಸರಾದ ಅವರು ಇದುವರೆಗೂ 220ಕ್ಕೂ ಹೆಚ್ಚು ಧಾರಾವಾಹಿಗಳಲ್ಲಿ, 40ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದವರು.<br /> ಮಂಡ್ಯ ಜಿಲ್ಲೆಯ ತೈಲೂರಿನವರಾದ ರಾಧಾ ಕೆಇಬಿಯಲ್ಲಿ ಕೆಲಸ ಮಾಡುತ್ತಿದ್ದರು. ದನಿ ಚೆನ್ನಾಗಿದ್ದ ಕಾರಣ ಆಕಾಶವಾಣಿಯಲ್ಲಿ ನಿಲಯದ ಕಲಾವಿದೆಯಾಗಿ ಸೇರಿಕೊಂಡರು. <br /> <br /> ಆಕಾಶವಾಣಿಯಲ್ಲಿ ಇದ್ದಾಗ ರೇಡಿಯೊ ನಾಟಕಗಳು, ನೃತ್ಯ ರೂಪಕಗಳು, ಸಾಕ್ಷ್ಯಚಿತ್ರಗಳು, ಕಮರ್ಷಿಯಲ್ ಕಾರ್ಯಕ್ರಮಗಳಲ್ಲಿ ಮಾತ್ರವಲ್ಲದೇ ಸಾಕಷ್ಟು ಸಿನಿಮಾಗಳಿಗೆ, ಕ್ಯಾಸೆಟ್ಗಳಿಗೂ ದನಿ ನೀಡಿದರು. ಇಂದಿಗೂ ಪ್ರತೀ ಭಾನುವಾರ ಬರುವ ಬೆಳಗಿನ ವಿಜ್ಞಾನ ಕಾರ್ಯಕ್ರಮದಲ್ಲಿ ಅವರ ದನಿ ಕೇಳಬಹುದು.<br /> <br /> ರಂಗಭೂಮಿಯಲ್ಲಿ ಜಾಗ ಕಂಡುಕೊಂಡ ರಾಧಾ, `ಕಾಲ ಬದಲಾಯ್ತು~, `ಜೋಕುಮಾರಸ್ವಾಮಿ~, `ಮಾಯಾದ್ವೀಪ~, `ಶ್ರೀರಾಮಚರಿತೆ~, `ಸಿಂಡ್ರೆಲಾ~, `ತುಘಲಕ್~, `ಸಿರಿಸಂಪಿಗೆ~, `ಫಾದರ್~ ಹೀಗೆ ಹಲವು ನಾಟಕಗಳಲ್ಲಿ ನಟಿಸಿದರು. <br /> <br /> ಎನ್.ಎ.ಸೂರಿ ಅವರು ವೀಣಾ ಶಾಂತೇಶ್ವರ ಅವರ ಕತೆ ಆಧರಿಸಿದ `ನೆರಳು~ ಟಿಲಿಫಿಲ್ಮ್ನಲ್ಲಿ ನಟಿಸುವ ಅವಕಾಶ ಕಲ್ಪಿಸಿದರು. ಆ ಮೂಲಕ ರಾಧಾ ಕಿರುತೆರೆಗೆ ಕಾಲಿಟ್ಟರು. ನಂತರ 1988ರಲ್ಲಿ `ಬೆಳ್ಳಿಬೆಳಕು~ ಸಿನಿಮಾದಿಂದ ಬೆಳ್ಳಿತೆರೆಗೆ ಮುಂದಡಿ ಇಟ್ಟರು. <br /> <br /> `ಕರಡಿಪುರ~, `ಹಗಲುವೇಷ~, `ಜನಪದ~, `ಉಗ್ರಗಾಮಿ~, `ಏಕಲವ್ಯ~, `ಭೂಮಿತಾಯಿ~, `ಜನುಮದ ಜೋಡಿ~, `ಆಘಾತ~, `ಚಿನ್ನಾರಿ ಮುತ್ತ~, `ಕೊಟ್ರೇಶಿ ಕನಸು~, `ಶಿವಸೈನ್ಯ~, `ಜನುಮದ ಜೋಡಿ~, `ದ್ವೀಪ~ ಹೀಗೆ ಅವರು ನಟಿಸಿದ ಸಿನಿಮಾಗಳ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ.<br /> <br /> ಪ್ರಭಾಕರ್, ತಾರಾ, ರಾಘವೇಂದ್ರ ರಾಜ್ಕುಮಾರ್, ಶಿವರಾಜ್ಕುಮಾರ್, ವಿಷ್ಣುವರ್ಧನ್, ಅಂಬರೀಷ್, ಅನಂತನಾಗ್, ಶಂಕರ್ನಾಗ್ ಹೀಗೆ ಕನ್ನಡದ ಪ್ರಮುಖ ನಟರೊಂದಿಗೆ ನಟಿಸಿರುವ ರಾಧಾಗೆ ಡಾ.ರಾಜ್ಕುಮಾರ್ ಅವರೊಂದಿಗೆ ನಟಿಸಲು ಆಗಲಿಲ್ಲ ಎಂಬ ಕೊರಗು ಇದೆ.<br /> <br /> `ಆಕಸ್ಮಿಕ ಸಿನಿಮಾದಲ್ಲಿ ನಟಿಸಬೇಕಿತ್ತು. ಮಗನ ಮದುವೆ ಸಮಯದಲ್ಲಿ ಡೇಟ್ ಇದ್ದ ಕಾರಣ ಅಣ್ಣಾವ್ರೊಂದಿಗೆ ನಟಿಸಲು ಸಾಧ್ಯವಾಗಲಿಲ್ಲ~ ಎಂದು ನೊಂದುಕೊಳ್ಳುವ ರಾಧಾ ಅವರಿಗೆ ಪುಟ್ಟಣ ಕಣಗಾಲ್ ನಿರ್ದೇಶನದಲ್ಲಿ ಕೆಲಸ ಮಾಡುವಾಸೆಯೂ ಕೈಗೂಡಲಿಲ್ಲ ಎಂಬ ನೋವಿದೆ.<br /> <br /> ಆಟೋ ಡ್ರೈವರ್ಗಳು, ಕೂಲಿ ಮಾಡುವವರು ತಮ್ಮನ್ನು ಗುರುತಿಸಿದಾಗ ಆಗುವಷ್ಟೇ ಸಂತೋಷ ಅಮೆರಿಕದ ಕನ್ನಡಿಗರು ಗುರುತಿಸಿದಾಗ ಆಗಿತ್ತು ಎನ್ನುವ ಅವರು ಸದ್ಯ `ಕುಂಕುಮಾಂಕಿತೆ~, `ಜೀವನ ಸತ್ಯ~, `ಕಲ್ಯಾಣಿ~, `ಒಂದಾನೊಂದು ಕಾಲದಲ್ಲಿ ಮೂಕಾಂಬಿಕೆ~, `ಶುಭಮಂಗಳ~, `ಹೃದಯಸಾಕ್ಷಿ~ ಧಾರಾವಾಹಿಗಳಲ್ಲಿ ನಟಿಸುತ್ತಿದ್ದಾರೆ.<br /> <br /> ಹಿಂದಿಯ `ಮಾಲ್ಗುಡಿ ಡೇಸ್~, `ಸನ್ ಸ್ಮರಣ್~ ಅಲ್ಲದೇ ಕನ್ನಡದಲ್ಲಿ ಅವರು ನಟಿಸಿದ ಧಾರಾವಾಹಿಗಳಲ್ಲಿ ಪ್ರಮುಖವಾದವು `ಲಾಲಿ~, `ಬೆಳದಿಂಗಳಾಗಿ ಬಾ~, `ಅಭಿಮಾನ~, `ಮನೆಮಗಳು~, `ಪ್ರೇರಣಾ~, `ಸಾಧನೆ~, `ನಿರ್ಜೀವ~, `ಅರ್ಧಸತ್ಯ~, `ಮುಸ್ಸಂಜೆ~ ಮುಂತಾದವು. <br /> <br /> ಸಿನಿಮಾ ಮತ್ತು ಕಿರುತೆರೆಯಿಂದ ಸಾಕಷ್ಟು ಅವಕಾಶಗಳು ಬರುತ್ತಿವೆ. ಈ ಅವಕಾಶಗಳಿಂದ ತಾವು ತೃಪ್ತರಾಗಿದ್ದು, ತಮ್ಮ ಇಬ್ಬರು ಗಂಡು ಮಕ್ಕಳನ್ನು ಡಾಕ್ಟರ್, ಎಂಜಿನಿಯರ್ ಓದಿಸಿರುವುದಾಗಿ ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ ರಾಧಾ.<br /> <br /> ಯಾವುದೇ ಹಿನ್ನೆಲೆ, ಅನುಭವ, ತರಬೇತಿ ಇಲ್ಲದೇ ತಮಗೆ ಒಳ್ಳೆಯ ಅವಕಾಶಗಳು ಸಿಕ್ಕವು. ಎಲೆಮರೆಕಾಯಿಯಂಥ ತಮ್ಮನ್ನು ಜನ ಗುರುತಿಸಿದರಷ್ಟೇ ಸಾಕು ಎನ್ನುವ ಅವರು ಬಿಡುವಿನ ಸಮಯದಲ್ಲಿ ಅಡುಗೆ, ತೋಟಗಾರಿಕೆ, ಪ್ರವಾಸವನ್ನು ಎಂಜಾಯ್ ಮಾಡುತ್ತಾರಂತೆ.<br /> <br /> ಅಂದಹಾಗೆ ಮುಖದಲ್ಲಿ ಅಂಥ ಸುಕ್ಕುಗಳು ಇಲ್ಲವಾದರೂ ತಲೆ ತುಂಬ ಬಿಳಿ ಕೂದಲು ಬಿಟ್ಟುಕೊಂಡಿರುವ ರಾಧಾ ಅವರನ್ನು ಈ ಬಗ್ಗೆ ಕೇಳಿದರೆ, `ಇಂದಿನ ಧಾರಾವಾಹಿಗಳಲ್ಲಿ 30 ವರ್ಷದ ಹುಡುಗಿಯರೆಲ್ಲಾ ಅಮ್ಮನ ಪಾತ್ರ ನಿರ್ವಹಿಸುತ್ತಿದ್ದಾರೆ. <br /> <br /> ಅದರಿಂದ ನನಗೆ ಅಜ್ಜಿಯ ಪಾತ್ರವೇ ಕಟ್ಟಿಟ್ಟ ಬುತ್ತಿ. ಅದರಿಂದ ಬಿಳಿ ಕೂದಲು ಬಿಟ್ಟುಕೊಂಡಿರುವೆ. ಸದ್ಯ ನಾನು ನಟಿಸುತ್ತಿರುವ ಧಾರಾವಾಹಿಗಳು ಮುಗಿದ ನಂತರ ಕೂದಲ ಬಣ್ಣ ಬದಲಿಸುವ ಯೋಚನೆ ಇದೆ~ ಎಂದು ಮುಗುಳ್ನಗುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
