ರಾಷ್ಟ್ರೀಯ ರಕ್ಷಣಾ ಮಂಡಳಿ ಸ್ಥಾಪಿಸಲು ಕೇಂದ್ರದ ಯೋಚನೆ

ಸೋಮವಾರ, 5-11-1962



ರಾಷ್ಟ್ರೀಯ ರಕ್ಷಣಾ ಮಂಡಳಿ ಸ್ಥಾಪಿಸಲು ಕೇಂದ್ರದ ಯೋಚನೆ

ನವದೆಹಲಿ, ನ. 4- ರಾಷ್ಟ್ರೀಯ ರಕ್ಷಣಾ ಮಂಡಳಿಯೊಂದನ್ನು ರಚಿಸಲು ಕೇಂದ್ರ ಸರ್ಕಾರ ಆಲೋಚಿಸಿದೆಯೆಂದು ಪ್ರಧಾನಿ ನೆಹರು ಇಂದು ಪ್ರಕಟಿಸಿದರು.



ಈ ಮಂಡಳಿಯಲ್ಲಿ ಕೇಂದ್ರ ಸಂಪುಟದ ಜರೂರು ಸಮಿತಿ, ಭೂ, ಜಲ, ವಾಯು ಸೇನೆಯ ಮಹಾದಂಡ ನಾಯಕರುಗಳು, ಕೆಲವು ನಿವೃತ್ತ ಸೇನಾಧಿಕಾರಿಗಳು, ಕೆಲವು ರಾಜ್ಯದ ಮುಖ್ಯಮಂತ್ರಿಗಳು, ಮತ್ತು ಕೆಲವು ಜನ ಗಣ್ಯ ನಾಗರಿಕರನ್ನು ಸೇರಿಸಲಾಗುವುದೆಂದು ನೆಹರು ವಿವರಿಸಿದರು.



ಸಂಧಾನಕ್ಕೆ ಚೀಣ ಸಿದ್ಧ ಎಂದು ಚೌ

ಪ್ಯಾರಿಸ್, ನ. 4- “ಭಾರತ-ಚೀಣ ಗಡಿ ವಿವಾದವನ್ನು ಶಾಂತಿಯುತವಾಗಿ ಪರಿಹರಿಸುವ ಯತ್ನವನ್ನು ಚೀಣಾ ಸರ್ಕಾರ ಕೈ ಬಿಟ್ಟಿಲ್ಲ. ಸಂಧಾನದ ಮೂಲಕ ಸೌಹಾರ್ದಯುತವಾಗಿ ಇತ್ಯರ್ಥಗೊಳಿಸಲು ಚೀಣ ಸಿದ್ಧವಿದೆ” ಎಂದು ಪ್ರಧಾನಿ ಚೌ ಎನ್-ಲಾಯ್ ಹೇಳಿದರೆಂದು ನವ ಚೀಣ ವಾರ್ತಾ ಸಂಸ್ಥೆ ಇಂದು ಇಲ್ಲಿಗೆ ಕಳಿಸಿದ ವರದಿಯಲ್ಲಿ ತಿಳಿಸಿದೆ.