ಲವಲವಿಕೆಯಿಂದ ಇದ್ದ ಸಂಪಂಗಿ...

ಬೆಂಗಳೂರು: ಲಂಚ ಪ್ರಕರಣದಲ್ಲಿ ಶಿಕ್ಷೆಗೆ ಗುರಿಯಾಗಿ ನಗರದ ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದಲ್ಲಿರುವ ಶಾಸಕ ವೈ.ಸಂಪಂಗಿ ಅವರು ಸೋಮವಾರ ಇಡೀ ದಿನ ಲವಲವಿಕೆಯಿಂದಿದ್ದರು ಎಂದು ಜೈಲಿನ ಅಧಿಕಾರಿಗಳು ಹೇಳಿದ್ದಾರೆ.



ಬೆಳಿಗ್ಗೆ ಬೇಗನೆ ಎಚ್ಚರಗೊಂಡ ಅವರು ಕಾರಾಗೃಹದ ಆವರಣದಲ್ಲಿ ಕೆಲ ಕಾಲ ವಾಯುವಿಹಾರ ಮಾಡಿದರು. ಬಳಿಕ ಉಪಾಹಾರ ಸೇವಿಸಿ ಹಲವು ದಿನಪತ್ರಿಕೆಗಳನ್ನು ಓದಿದರು. ಅಲ್ಲದೇ, ಸಹ ಕೈದಿಗಳು ಹಾಗೂ ಜೈಲಿನ ಸಿಬ್ಬಂದಿ ಜತೆ ಮಾತುಕತೆ ನಡೆಸಿದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

 

ಸಂಪಂಗಿ ಅವರ ಪತ್ನಿ ರೇಣುಕಾ, ಪುತ್ರ ಪ್ರವೀಣ್ ಮತ್ತು ಕಾನೂನು ಸಲಹೆಗಾರರು ಅವರನ್ನು ಭೇಟಿ ಮಾಡಿದ್ದರು ಎಂದು ಅಧಿಕಾರಿಗಳು ಮಾಹಿತಿ  ನೀಡಿದ್ದಾರೆ.