ವರುಣ ದೇವತೆಗೆ ಮಾಧುರಿ ದೀಕ್ಷಿತ್ ಪ್ರಾರ್ಥನೆ: ಛಕ್ ಧುಮ್ ಧುಮ್ ಹಾಡು

ಪುಣೆ (ಪಿಟಿಐ): ನೀರಿನ ಅಭಾವದಿಂದ ಕಂಗೆಟ್ಟಿರುವ ನಗರದಲ್ಲಿ ಹೆಚ್ಚು ಮಳೆ ಸುರಿಸುವಂತೆ ಕೋರಿ ವರುಣ ದೇವತೆಗೆ ಸೋಮವಾರ ಪ್ರಾರ್ಥನೆ ಸಲ್ಲಿಸಿದ ಪುಣೆ ಮಂದಿಯ ಜೊತೆಗೂಡಿದ ಖ್ಯಾತ ಬಾಲಿವುಡ್ ನಟಿ ಮಾಧುರಿ ದೀಕ್ಷಿತ್  ತಾವು ನಟಿಸಿದ ~ದಿಲ್ ತೊ ಪಾಗಲ್ ಹೈ~ ಚಿತ್ರದ ಮಳೆಹಾಡಿನ ಕೆಲವು ಸಾಲುಗಳನ್ನು ಹಾಡಿ ಮಳೆಗಾಗಿ ಪ್ರಾರ್ಥನೆ ಮಾಡಿದರು.



ಮಾಧುರಿ ದೀಕ್ಷಿತ್ ಅವರು ಚಲನಚಿತ್ರದ ~ಕೋಯಿ ಲಡ್ಕಿ ಹೈ, ಜಬ್ ವೊ ಹಂಸ್ತಿ ಹೈ, ಬಾರಿಶ್ ಹೋತಿ ಹೈ...ಛಕ್ ಧುಮ್ ಧುಮ್...~ ಹಾಡನ್ನು ಹಾಡಿದರು. ಮಾಧುರಿ ಪತಿ ಡಾ. ಶ್ರೀರಾಮ್ ನೇನೆ ಪ್ರೇಕ್ಷಕಕ ಮಧ್ಯೆ ಕುಳಿತು ಮಾಧುರಿ ಹಾಡನ್ನು ಆಲಿಸಿದರು.