ವಸತಿ ಶಾಲೆಯ 35 ವಿದ್ಯಾರ್ಥಿಗಳು ಅಸ್ವಸ್ಥ

ಅಥಣಿ:  ತಾಲ್ಲೂಕಿನ ಮುರಗುಂಡಿ ಗ್ರಾಮದ ಮೊರಾರ್ಜಿ ಮತ್ತು ರಾಣಿ ಚೆನ್ನಮ್ಮ ವಸತಿ ಶಾಲೆಯಲ್ಲಿ ಶುಕ್ರವಾರ ಬೆಳಿಗ್ಗೆ ಉಪಾಹಾರ ಸೇವಿಸಿದ 35ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಅಸ್ವಸ್ಥಗೊಂಡ ಘಟನೆ ನಡೆದಿದೆ.



ಚಿತ್ರಾನ್ನ ಸೇವಿಸಿದ 475 ಮಕ್ಕಳಲ್ಲಿ ಸುಮಾರು 35 ವಿದ್ಯಾರ್ಥಿಗಳಿಗೆ ಹೊಟ್ಟೆ ನೋವು ಕಾಣಿಸಿಕೊಂಡಿದ್ದರಿಂದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ವಿಷಾಹಾರ ಸೇವನೆಯಿಂದ ಹೀಗಾಗಿರಬಹುದೆಂದು ಡಾ. ಪುಷ್ಪಲತಾ ಸುಣ್ಣದಕಲ್ಲ ಮತ್ತು ಡಾ. ಜಗದೀಶ ನುಚ್ಚಿನ ಶಂಕೆ ವ್ಯಕ್ತಪಡಿಸಿದ್ದಾರೆ.



`ರಾತ್ರಿ ಉಳಿದ ಮತ್ತು ಬೆಳಿಗ್ಗೆ ತಯಾರಿಸಿದ ಅರೆ ಬೆಂದ ಅನ್ನವನ್ನು ಕೂಡಿಸಿ ತಯಾರಿಸಲಾಗಿದ್ದ ಚಿತ್ರಾನ್ನ ಸೇವಿಸಿದ ಮೇಲೆ ವಿದ್ಯಾರ್ಥಿಗಳಿಗೆ ತೀವ್ರ ಹೊಟ್ಟೆ ನೋವು ಕಾಣಿಸಿಕೊಂಡಿತ್ತು. ಈ ಬಗ್ಗೆ ತಿಳಿಸಿದರೂ ನಿರ್ಲ ಕ್ಷಿಸಿದ್ದರಿಂದ ಮಕ್ಕಳು ನರಳುವಂತಾಯಿತು' ಎಂದು  ಪಾಲಕರು ದೂರಿದ್ದಾರೆ.