<p><strong>ಲಂಡನ್ (ಪಿಟಿಐ): </strong>ವಿಶ್ವಾಸಪೂರ್ಣ ಆಟವಾಡಿದ ಮಹೇಶ್ ಭೂಪತಿ ಹಾಗೂ ರೋಹನ್ ಬೋಪಣ್ಣಗೆ ವಿಂಬಲ್ಡನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ಮೊದಲ ಸುತ್ತಿನಲ್ಲಿ ಯಶಸ್ಸು ಸಿಕ್ಕಿತು.<br /> <br /> ಬುಧವಾರ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ಭಾರತದ ಜೋಡಿಯು 6-0, 7-6 (1), 6-2ರಲ್ಲಿ ಉರುಗ್ವೆಯ ಮಾರ್ಸೆಲ್ ಫೆಲ್ಡರ್ ಹಾಗೂ ಟ್ಯುನಿಷಿಯಾದ ಮಾಲೆಕ್ ಜಾಜೀರಿ ವಿರುದ್ಧ ಗೆಲುವು ಸಾಧಿಸಿ, ಎರಡನೇ ಸುತ್ತಿಗೆ ಕಾಲಿಟ್ಟಿತು.<br /> <br /> ಏಳನೇ ಶ್ರೇಯಾಂಕ ಹೊಂದಿರುವ ಭೂಪತಿ ಮತ್ತು ಬೋಪಣ್ಣ ಅವರು ಒಂದು ತಾಸು 36 ನಿಮಿಷಗಳ ಈ ಹಣಾಹಣಿಯ ಪ್ರಥಮ ಸೆಟ್ನಲ್ಲಿ ಸುಲಭವಾಗಿ ಗೆದ್ದರು. ಎದುರಾಳಿಗಳಿಗೆ ಒಂದು ಗೇಮ್ ಕೂಡ ಬಿಟ್ಟುಕೊಡಲಿಲ್ಲ. ಆದರೆ ನಂತರದ ಸೆಟ್ನಲ್ಲಿ ಫೆಲ್ಡರ್ ಹಾಗೂ ಜಾಜೀರ್ ಪ್ರಬಲ ಪೈಪೋಟಿ ನಡೆಸಿದರು. ಆದರೂ ನಿರಾಸೆಯೇನು ಕಾಡಲಿಲ್ಲ.<br /> <br /> ಕೊನೆಯ ಸೆಟ್ನಲ್ಲಿ ಸಾಕಷ್ಟು ಹೊಂದಾಣಿಕೆಯಿಂದ ಹೋರಾಡಿದ ಮಹೇಶ್-ರೋಹನ್ಗೆ ಗೆಲುವಿನ ಹಾದಿ ಕಷ್ಟದ್ದೆನಿಸಲಿಲ್ಲ. ಎದುರಾಳಿಗಳು ಎರಡು ಗೇಮ್ ಗೆದ್ದರೂ, ಪಂದ್ಯದ ಮೇಲಿನ ಬಿಗಿ ಹಿಡಿತವನ್ನು ಭಾರತದ ಜೋಡಿ ಸಡಿಲಗೊಳಿಸಲಿಲ್ಲ.<br /> <br /> ಲಂಡನ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಪುರುಷರ ಡಬಲ್ಸ್ನಲ್ಲಿ ಜೊತೆಯಾಗಿ ಆಡುವ ಅವಕಾಶ ಪಡೆದಿರುವ ಬೋಪಣ್ಣ ಹಾಗೂ ಭೂಪತಿಗೆ ಈ ಟೂರ್ನಿ ಅಭ್ಯಾಸದ ವೇದಿಕೆಯಾಗಿದೆ. ಇಲ್ಲಿ ಪ್ರಶಸ್ತಿ ಗೆಲ್ಲುವ ಮಟ್ಟವನ್ನು ಮುಟ್ಟುವ ಮೂಲಕ ಒಲಿಂಪಿಕ್ಗೆ ಮುನ್ನ ವಿಶ್ವಾಸ ಹೆಚ್ಚಿಸಿಕೊಳ್ಳಬೇಕು. <br /> <br /> ಇಲ್ಲಿ ಎರಡನೇ ಸುತ್ತಿನ ಪಂದ್ಯದಲ್ಲಿ ಭಾರತದ ಜೋಡಿಗೆ ಯಾರು ಎದುರಾಗುತ್ತಾರೆನ್ನುವುದು ಇನ್ನೂ ನಿರ್ಧಾರವಾಗಿಲ್ಲ. ರಷ್ಯಾದ ಮಿಖೈಲ್ ಎಲ್ಗಿನಿ-ಉಜ್ಬೇಕಿಸ್ತಾನದ ಡೆನಿಸ್ ಐಸ್ಟೊಮಿನ್ ಹಾಗೂ ಸ್ಪೇನ್ನವರಾದ ಪಾಬ್ಲೊ ಆ್ಯಂಡುಜಾರ್-ಗುಲಿರ್ಮೊ ಗಾರ್ಸಿಯಾ ನಡುವಣ ಪಂದ್ಯದಲ್ಲಿ ಗೆಲ್ಲುವ ಜೋಡಿ ಎದುರಾಳಿ ಆಗಲಿದೆ.<br /> <br /> <strong>ಇವಾನೊವಿಕ್ಗೆ ಜಯ: </strong>ಹದಿನಾಲ್ಕನೇ ಶ್ರೇಯಾಂಕ ಹೊಂದಿರುವ ಸರ್ಬಿಯಾದ ಅನಾ ಇವಾನೊವಿಕ್ ಅವರು ಮಹಿಳೆಯರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ವಿಜಯ ಸಾಧಿಸಿ, ಮುಂದಿನ ಸುತ್ತಿನಲ್ಲಿ ಉಕ್ರೇನ್ನ ಕ್ಯಾಥರಿನಾ ಬೊದಾರೆಂಕೊ ವಿರುದ್ಧ ಹೋರಾಡಲು ಸಜ್ಜಾಗಿದ್ದಾರೆ.<br /> <br /> ಆಕರ್ಷಕ ಆಟದಿಂದ ಗಮನ ಸೆಳೆದ ಅನಾ ಎರಡನೇ ಸೆಟ್ನಲ್ಲಿ ನಿರಾಸೆ ಹೊಂದಿದರೂ 6-3, 3-6, 6-3ರಲ್ಲಿ ಸ್ಪೇನ್ನ ಜೋಸ್ ಮಾರ್ಟಿನೇಜ್ ಸಾಂಚೇಜ್ ವಿರುದ್ಧ ಗೆಲುವು ಸಾಧಿಸಿದರು. ಇನ್ನೊಂದು ಪಂದ್ಯದಲ್ಲಿ ಕ್ಯಾಥರಿನಾ 5-7, 6-3, 6-3ರಲ್ಲಿ ಜಪಾನ್ನ ಕಿಮಿಕೊ ಡೇಟ್ ಕ್ರುಮ್ ಎದುರು ಜಯಿಸಿದರು.<br /> <br /> <strong>ಮುರ್ರೆಗೆ ಶರಣಾದ ನಿಕೊಲಯ್:</strong> ನಾಲ್ಕನೇ ಶ್ರೇಯಾಂಕದ ಆಟಗಾರ ಇಂಗ್ಲೆಂಡ್ನ ಆ್ಯಂಡಿ ಮರ್ರೆಗೆ ಮೊದಲ ಸುತ್ತಿನ ಪಂದ್ಯವು ಕಷ್ಟದ್ದಾಗಲೇ ಇಲ್ಲ. ಅವರು 6-1, 6-1, 6-4ರಲ್ಲಿ ರಷ್ಯಾದ ನಿಕೊಲಯ್ ಡವಿಡೆಂಕೊ ವಿರುದ್ಧ ಗೆದ್ದು ಎರಡನೇ ಸುತ್ತಿಗೆ ರಹದಾರಿ ಪಡೆದರು. <br /> <br /> ಸ್ಪೇನ್ನ ಟೆನಿಸ್ ತಾರೆ ಏಳನೇ ಶ್ರೇಯಾಂಕದ ಡೇವಿಡ್ ಫೆರೆರ್ 7-6 (7-5), 6-4, 6-4ರಲ್ಲಿ ಜರ್ಮನಿಯ ಡಸ್ಟಿನ್ ಬ್ರೌನ್ ಅವರನ್ನು ಪರಾಭವಗೊಳಿಸಿದರು. ಅರ್ಜೆಂಟೀನಾದ ಜುವಾನ್ ಮಾರ್ಟಿನ್ ಡೆಲ್ ಪಾಟ್ರೊ ಅವರು 6-4, 3-6, 7-6 (7-3), 7-5ರಲ್ಲಿ ಹಾಲೆಂಡ್ನ ರಾಬಿನ್ ಹಾಸ್ ಎದುರು ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ): </strong>ವಿಶ್ವಾಸಪೂರ್ಣ ಆಟವಾಡಿದ ಮಹೇಶ್ ಭೂಪತಿ ಹಾಗೂ ರೋಹನ್ ಬೋಪಣ್ಣಗೆ ವಿಂಬಲ್ಡನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ಮೊದಲ ಸುತ್ತಿನಲ್ಲಿ ಯಶಸ್ಸು ಸಿಕ್ಕಿತು.<br /> <br /> ಬುಧವಾರ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ಭಾರತದ ಜೋಡಿಯು 6-0, 7-6 (1), 6-2ರಲ್ಲಿ ಉರುಗ್ವೆಯ ಮಾರ್ಸೆಲ್ ಫೆಲ್ಡರ್ ಹಾಗೂ ಟ್ಯುನಿಷಿಯಾದ ಮಾಲೆಕ್ ಜಾಜೀರಿ ವಿರುದ್ಧ ಗೆಲುವು ಸಾಧಿಸಿ, ಎರಡನೇ ಸುತ್ತಿಗೆ ಕಾಲಿಟ್ಟಿತು.<br /> <br /> ಏಳನೇ ಶ್ರೇಯಾಂಕ ಹೊಂದಿರುವ ಭೂಪತಿ ಮತ್ತು ಬೋಪಣ್ಣ ಅವರು ಒಂದು ತಾಸು 36 ನಿಮಿಷಗಳ ಈ ಹಣಾಹಣಿಯ ಪ್ರಥಮ ಸೆಟ್ನಲ್ಲಿ ಸುಲಭವಾಗಿ ಗೆದ್ದರು. ಎದುರಾಳಿಗಳಿಗೆ ಒಂದು ಗೇಮ್ ಕೂಡ ಬಿಟ್ಟುಕೊಡಲಿಲ್ಲ. ಆದರೆ ನಂತರದ ಸೆಟ್ನಲ್ಲಿ ಫೆಲ್ಡರ್ ಹಾಗೂ ಜಾಜೀರ್ ಪ್ರಬಲ ಪೈಪೋಟಿ ನಡೆಸಿದರು. ಆದರೂ ನಿರಾಸೆಯೇನು ಕಾಡಲಿಲ್ಲ.<br /> <br /> ಕೊನೆಯ ಸೆಟ್ನಲ್ಲಿ ಸಾಕಷ್ಟು ಹೊಂದಾಣಿಕೆಯಿಂದ ಹೋರಾಡಿದ ಮಹೇಶ್-ರೋಹನ್ಗೆ ಗೆಲುವಿನ ಹಾದಿ ಕಷ್ಟದ್ದೆನಿಸಲಿಲ್ಲ. ಎದುರಾಳಿಗಳು ಎರಡು ಗೇಮ್ ಗೆದ್ದರೂ, ಪಂದ್ಯದ ಮೇಲಿನ ಬಿಗಿ ಹಿಡಿತವನ್ನು ಭಾರತದ ಜೋಡಿ ಸಡಿಲಗೊಳಿಸಲಿಲ್ಲ.<br /> <br /> ಲಂಡನ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಪುರುಷರ ಡಬಲ್ಸ್ನಲ್ಲಿ ಜೊತೆಯಾಗಿ ಆಡುವ ಅವಕಾಶ ಪಡೆದಿರುವ ಬೋಪಣ್ಣ ಹಾಗೂ ಭೂಪತಿಗೆ ಈ ಟೂರ್ನಿ ಅಭ್ಯಾಸದ ವೇದಿಕೆಯಾಗಿದೆ. ಇಲ್ಲಿ ಪ್ರಶಸ್ತಿ ಗೆಲ್ಲುವ ಮಟ್ಟವನ್ನು ಮುಟ್ಟುವ ಮೂಲಕ ಒಲಿಂಪಿಕ್ಗೆ ಮುನ್ನ ವಿಶ್ವಾಸ ಹೆಚ್ಚಿಸಿಕೊಳ್ಳಬೇಕು. <br /> <br /> ಇಲ್ಲಿ ಎರಡನೇ ಸುತ್ತಿನ ಪಂದ್ಯದಲ್ಲಿ ಭಾರತದ ಜೋಡಿಗೆ ಯಾರು ಎದುರಾಗುತ್ತಾರೆನ್ನುವುದು ಇನ್ನೂ ನಿರ್ಧಾರವಾಗಿಲ್ಲ. ರಷ್ಯಾದ ಮಿಖೈಲ್ ಎಲ್ಗಿನಿ-ಉಜ್ಬೇಕಿಸ್ತಾನದ ಡೆನಿಸ್ ಐಸ್ಟೊಮಿನ್ ಹಾಗೂ ಸ್ಪೇನ್ನವರಾದ ಪಾಬ್ಲೊ ಆ್ಯಂಡುಜಾರ್-ಗುಲಿರ್ಮೊ ಗಾರ್ಸಿಯಾ ನಡುವಣ ಪಂದ್ಯದಲ್ಲಿ ಗೆಲ್ಲುವ ಜೋಡಿ ಎದುರಾಳಿ ಆಗಲಿದೆ.<br /> <br /> <strong>ಇವಾನೊವಿಕ್ಗೆ ಜಯ: </strong>ಹದಿನಾಲ್ಕನೇ ಶ್ರೇಯಾಂಕ ಹೊಂದಿರುವ ಸರ್ಬಿಯಾದ ಅನಾ ಇವಾನೊವಿಕ್ ಅವರು ಮಹಿಳೆಯರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ವಿಜಯ ಸಾಧಿಸಿ, ಮುಂದಿನ ಸುತ್ತಿನಲ್ಲಿ ಉಕ್ರೇನ್ನ ಕ್ಯಾಥರಿನಾ ಬೊದಾರೆಂಕೊ ವಿರುದ್ಧ ಹೋರಾಡಲು ಸಜ್ಜಾಗಿದ್ದಾರೆ.<br /> <br /> ಆಕರ್ಷಕ ಆಟದಿಂದ ಗಮನ ಸೆಳೆದ ಅನಾ ಎರಡನೇ ಸೆಟ್ನಲ್ಲಿ ನಿರಾಸೆ ಹೊಂದಿದರೂ 6-3, 3-6, 6-3ರಲ್ಲಿ ಸ್ಪೇನ್ನ ಜೋಸ್ ಮಾರ್ಟಿನೇಜ್ ಸಾಂಚೇಜ್ ವಿರುದ್ಧ ಗೆಲುವು ಸಾಧಿಸಿದರು. ಇನ್ನೊಂದು ಪಂದ್ಯದಲ್ಲಿ ಕ್ಯಾಥರಿನಾ 5-7, 6-3, 6-3ರಲ್ಲಿ ಜಪಾನ್ನ ಕಿಮಿಕೊ ಡೇಟ್ ಕ್ರುಮ್ ಎದುರು ಜಯಿಸಿದರು.<br /> <br /> <strong>ಮುರ್ರೆಗೆ ಶರಣಾದ ನಿಕೊಲಯ್:</strong> ನಾಲ್ಕನೇ ಶ್ರೇಯಾಂಕದ ಆಟಗಾರ ಇಂಗ್ಲೆಂಡ್ನ ಆ್ಯಂಡಿ ಮರ್ರೆಗೆ ಮೊದಲ ಸುತ್ತಿನ ಪಂದ್ಯವು ಕಷ್ಟದ್ದಾಗಲೇ ಇಲ್ಲ. ಅವರು 6-1, 6-1, 6-4ರಲ್ಲಿ ರಷ್ಯಾದ ನಿಕೊಲಯ್ ಡವಿಡೆಂಕೊ ವಿರುದ್ಧ ಗೆದ್ದು ಎರಡನೇ ಸುತ್ತಿಗೆ ರಹದಾರಿ ಪಡೆದರು. <br /> <br /> ಸ್ಪೇನ್ನ ಟೆನಿಸ್ ತಾರೆ ಏಳನೇ ಶ್ರೇಯಾಂಕದ ಡೇವಿಡ್ ಫೆರೆರ್ 7-6 (7-5), 6-4, 6-4ರಲ್ಲಿ ಜರ್ಮನಿಯ ಡಸ್ಟಿನ್ ಬ್ರೌನ್ ಅವರನ್ನು ಪರಾಭವಗೊಳಿಸಿದರು. ಅರ್ಜೆಂಟೀನಾದ ಜುವಾನ್ ಮಾರ್ಟಿನ್ ಡೆಲ್ ಪಾಟ್ರೊ ಅವರು 6-4, 3-6, 7-6 (7-3), 7-5ರಲ್ಲಿ ಹಾಲೆಂಡ್ನ ರಾಬಿನ್ ಹಾಸ್ ಎದುರು ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
