<p><strong>ನವದೆಹಲಿ (ಪಿಟಿಐ): </strong>ಯಾತ್ರಾರ್ಥಿಗಳೊಂದಿಗೆ ಸರ್ಕಾರಿ ವೆಚ್ಚದಲ್ಲಿ ಅಧಿಕಾರಿಗಳನ್ನು ಹಜ್ಗೆ ಕಳುಹಿಸುವ ಸರ್ಕಾರದ ಕ್ರಮವನ್ನು `ಧಾರ್ಮಿಕ ದುರಾಚರಣೆ~ ಎಂದು ಸುಪ್ರೀಂಕೋರ್ಟ್ ಚಾಟಿ ಬೀಸಿದೆ.<br /> <br /> `ಇದೆಂತಹ ಆಚರಣೆ? ಇದರಿಂದ ರಾಜಕೀಯ ಲಾಭ ಇರಬಹುದು. ಆದರೆ ಧಾರ್ಮಿಕವಾಗಿ ಇದು ದುರಾಚರಣೆ. ಇದು ವಾಸ್ತವವಾಗಿ ಹಜ್ ಯಾತ್ರೆಯೇ ಅಲ್ಲ~ ಎಂದು ಆಫ್ತಾಬ್ ಆಲಂ ಮತ್ತು ರಂಜನಾ ಪ್ರಕಾಶ್ ದೇಸಾಯಿ ಅವರನ್ನೊಳಗೊಂಡ ನ್ಯಾಯಪೀಠ ಕಟುವಾಗಿ ಖಂಡಿಸಿತು.<br /> <br /> 11,000 ಯಾತ್ರಾರ್ಥಿಗಳ ಪೈಕಿ 800 ಯಾತ್ರಾರ್ಥಿಗಳನ್ನು ಆಯ್ದು `ಅತಿಗಣ್ಯ ವ್ಯಕ್ತಿ~ ಪಟ್ಟಿಯಡಿ ಕೋಟಾ ನಿಗದಿ ಮಾಡಿ ಹಜ್ಗೆ ಕಳುಹಿಸಲು ವಿದೇಶಾಂಗ ಸಚಿವಾಲಯಕ್ಕೆ ನಿರ್ದೇಶನ ನೀಡಿ ಬಾಂಬೆ ಹೈಕೋರ್ಟ್ ಆದೇಶ ಪ್ರಕಟಿಸಿತ್ತು.<br /> <br /> ಇದರ ವಿರುದ್ದ ಸಲ್ಲಿಸಿದ್ದ ಮೇಲ್ಮನವಿ ವಿಚಾರಣೆ ವೇಳೆ ಪೀಠ ಹೀಗೆ ಹೇಳಿತು. ಈ ಮುನ್ನ ಪೀಠ ಅ.10ರಂದು ಹೈಕೋರ್ಟ್ ಆದೇಶಕ್ಕೆ ತಡೆಯಾಜ್ಞೆ ವಿಧಿಸಿತ್ತು.ಮಂಗಳವಾರ ತಡೆಯಾಜ್ಞೆ ವಿಸ್ತರಿಸಿದ ವೇಳೆ ನ್ಯಾಯಾಲಯ, ಸರ್ಕಾರಿ ವೆಚ್ಚದಲ್ಲಿ ಅತಿಗಣ್ಯರ ಪಟ್ಟಿಯಡಿ ಅಧಿಕಾರಿಗಳು ಯಾತ್ರೆಗೆ ತೆರಳುತ್ತಿರುವುದಕ್ಕೆ ಅಸಮಾಧಾನ ವ್ಯಕ್ತಪಡಿಸಿತು.<br /> <br /> ಸರ್ಕಾರ ಮುಂದಿನ ವರ್ಷ ಹಜ್ ಯಾತ್ರೆಗೆ ನೂತನ ನೀತಿ ಜಾರಿಗೊಳಸಬೇಕು. ನ್ಯಾಯಾಲಯ ಇದರ ಮೇಲ್ವಿಚಾರಣೆ ನೋಡಿಕೊಳ್ಳಲಿದೆ ಎಂದು ಅಟಾರ್ನಿ ಜನರಲ್ ಜಿ.ಇ.ವಹನ್ವತಿ ಮತ್ತು ವಕೀಲ ಹ್ಯಾರಿಸ್ ಬೀರನ್ ಅವರಿಗೆ ಪೀಠ ತಿಳಿಸಿತು.<br /> <br /> ಸರ್ಕಾರ ನೂತನ ನೀತಿ ಸಿದ್ಧಪಡಿಸುವವರೆಗೆ ವಿಚಾರಣೆಯನ್ನು ಬಾಕಿ ಉಳಿಸಲು ಕೂಡ ನ್ಯಾಯಮೂರ್ತಿಗಳು ನಿರ್ಧರಿಸಿದರು.`ಹಿಂದೆ ತಮ್ಮ ಜವಾಬ್ದಾರಿಗಳೆಲ್ಲ ಮುಗಿದ ಮೇಲೆ ಯಾತ್ರಾರ್ಥಿಗಳು ಸ್ವಂತ ವೆಚ್ಚದಲ್ಲಿ ಹಜ್ ಯಾತ್ರೆಗೆ ತೆರಳುತ್ತಿದ್ದರು. ಆದರೆ ಈಗ ಸರ್ಕಾರ, ಅಧಿಕಾರಿಗಳ ಯಾತ್ರೆಗೂ ನಿಧಿ ನೆರವು ನೀಡುತ್ತಿದೆ. ಇದು ಕೆಟ್ಟ ಧಾರ್ಮಿಕ ಪದ್ಧತಿ~ ಎಂದು ಅಫ್ತಾಬ್ ಅಲಂ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಯಾತ್ರಾರ್ಥಿಗಳೊಂದಿಗೆ ಸರ್ಕಾರಿ ವೆಚ್ಚದಲ್ಲಿ ಅಧಿಕಾರಿಗಳನ್ನು ಹಜ್ಗೆ ಕಳುಹಿಸುವ ಸರ್ಕಾರದ ಕ್ರಮವನ್ನು `ಧಾರ್ಮಿಕ ದುರಾಚರಣೆ~ ಎಂದು ಸುಪ್ರೀಂಕೋರ್ಟ್ ಚಾಟಿ ಬೀಸಿದೆ.<br /> <br /> `ಇದೆಂತಹ ಆಚರಣೆ? ಇದರಿಂದ ರಾಜಕೀಯ ಲಾಭ ಇರಬಹುದು. ಆದರೆ ಧಾರ್ಮಿಕವಾಗಿ ಇದು ದುರಾಚರಣೆ. ಇದು ವಾಸ್ತವವಾಗಿ ಹಜ್ ಯಾತ್ರೆಯೇ ಅಲ್ಲ~ ಎಂದು ಆಫ್ತಾಬ್ ಆಲಂ ಮತ್ತು ರಂಜನಾ ಪ್ರಕಾಶ್ ದೇಸಾಯಿ ಅವರನ್ನೊಳಗೊಂಡ ನ್ಯಾಯಪೀಠ ಕಟುವಾಗಿ ಖಂಡಿಸಿತು.<br /> <br /> 11,000 ಯಾತ್ರಾರ್ಥಿಗಳ ಪೈಕಿ 800 ಯಾತ್ರಾರ್ಥಿಗಳನ್ನು ಆಯ್ದು `ಅತಿಗಣ್ಯ ವ್ಯಕ್ತಿ~ ಪಟ್ಟಿಯಡಿ ಕೋಟಾ ನಿಗದಿ ಮಾಡಿ ಹಜ್ಗೆ ಕಳುಹಿಸಲು ವಿದೇಶಾಂಗ ಸಚಿವಾಲಯಕ್ಕೆ ನಿರ್ದೇಶನ ನೀಡಿ ಬಾಂಬೆ ಹೈಕೋರ್ಟ್ ಆದೇಶ ಪ್ರಕಟಿಸಿತ್ತು.<br /> <br /> ಇದರ ವಿರುದ್ದ ಸಲ್ಲಿಸಿದ್ದ ಮೇಲ್ಮನವಿ ವಿಚಾರಣೆ ವೇಳೆ ಪೀಠ ಹೀಗೆ ಹೇಳಿತು. ಈ ಮುನ್ನ ಪೀಠ ಅ.10ರಂದು ಹೈಕೋರ್ಟ್ ಆದೇಶಕ್ಕೆ ತಡೆಯಾಜ್ಞೆ ವಿಧಿಸಿತ್ತು.ಮಂಗಳವಾರ ತಡೆಯಾಜ್ಞೆ ವಿಸ್ತರಿಸಿದ ವೇಳೆ ನ್ಯಾಯಾಲಯ, ಸರ್ಕಾರಿ ವೆಚ್ಚದಲ್ಲಿ ಅತಿಗಣ್ಯರ ಪಟ್ಟಿಯಡಿ ಅಧಿಕಾರಿಗಳು ಯಾತ್ರೆಗೆ ತೆರಳುತ್ತಿರುವುದಕ್ಕೆ ಅಸಮಾಧಾನ ವ್ಯಕ್ತಪಡಿಸಿತು.<br /> <br /> ಸರ್ಕಾರ ಮುಂದಿನ ವರ್ಷ ಹಜ್ ಯಾತ್ರೆಗೆ ನೂತನ ನೀತಿ ಜಾರಿಗೊಳಸಬೇಕು. ನ್ಯಾಯಾಲಯ ಇದರ ಮೇಲ್ವಿಚಾರಣೆ ನೋಡಿಕೊಳ್ಳಲಿದೆ ಎಂದು ಅಟಾರ್ನಿ ಜನರಲ್ ಜಿ.ಇ.ವಹನ್ವತಿ ಮತ್ತು ವಕೀಲ ಹ್ಯಾರಿಸ್ ಬೀರನ್ ಅವರಿಗೆ ಪೀಠ ತಿಳಿಸಿತು.<br /> <br /> ಸರ್ಕಾರ ನೂತನ ನೀತಿ ಸಿದ್ಧಪಡಿಸುವವರೆಗೆ ವಿಚಾರಣೆಯನ್ನು ಬಾಕಿ ಉಳಿಸಲು ಕೂಡ ನ್ಯಾಯಮೂರ್ತಿಗಳು ನಿರ್ಧರಿಸಿದರು.`ಹಿಂದೆ ತಮ್ಮ ಜವಾಬ್ದಾರಿಗಳೆಲ್ಲ ಮುಗಿದ ಮೇಲೆ ಯಾತ್ರಾರ್ಥಿಗಳು ಸ್ವಂತ ವೆಚ್ಚದಲ್ಲಿ ಹಜ್ ಯಾತ್ರೆಗೆ ತೆರಳುತ್ತಿದ್ದರು. ಆದರೆ ಈಗ ಸರ್ಕಾರ, ಅಧಿಕಾರಿಗಳ ಯಾತ್ರೆಗೂ ನಿಧಿ ನೆರವು ನೀಡುತ್ತಿದೆ. ಇದು ಕೆಟ್ಟ ಧಾರ್ಮಿಕ ಪದ್ಧತಿ~ ಎಂದು ಅಫ್ತಾಬ್ ಅಲಂ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
