ಶುಕ್ರವಾರ, ಮೇ 14, 2021
35 °C

ವಿಮಾನದಲ್ಲಿ ಹಾವು: ತುರ್ತು ಭೂಸ್ಪರ್ಶ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮೆಲ್ಬರ್ನ್ (ಪಿಟಿಐ) :  ನಿಲ್ದಾಣದಿಂದ ಹಾರಾಟ ಆರಂಭಿಸಿದ ವಿಮಾನದ ಡಾಷ್ ಬೋರ್ಡ್ ಮೇಲೆ ಹಾವೊಂದು ಕಾಣಿಸಿಕೊಂಡ ಕಾರಣ ಪೈಲಟ್ ವಿಮಾನವನ್ನು ತುರ್ತು ಭೂಸ್ಪರ್ಶ ಮಾಡಿದ ಘಟನೆ ಆಸ್ಟ್ರೇಲಿಯಾದಲ್ಲಿ ನಡೆದಿದೆ.



ಡಾರ್ವಿನ್‌ನಿಂದ ಉತ್ತರ ಕೇಂದ್ರಾಡಳಿತದ ಪಟ್ಟಣವೊಂದಕ್ಕೆ ಹೊರಟಿದ್ದ ವಿಮಾನ ಹಾರಾಟ ಆರಂಭಿಸಿ ಸುಮಾರು ಇಪ್ಪತ್ತು ನಿಮಿಷಗಳ ನಂತರ ಡ್ಯಾಷ್ ಬೋರ್ಡ್‌ನಿಂದ ಹಾವೊಂದು ಹೊರ ಬರಲು ಯತ್ನಿಸುತ್ತಿತ್ತು.



ಇದನ್ನು ಕಂಡ ಪೈಲಟ್ ಬ್ಲೆನ್ನೆರ್ ಹಸ್ಸೆಟ್ಟೆ ಗಾಬರಿಯಿಂದ ನಿಯಂತ್ರಣ ಕೊಠಡಿಗೆ ಮಾಹಿತಿ ನೀಡಿದ. ಆದರೆ ಮಾಹಿತಿ ನೀಡಿ ಮಾತನಾಡುವ ಬಟನ್ (ಗುಂಡಿ) ಮೇಲೆ ಹಾವು ಹರಿದಾಡುತ್ತಿತ್ತು. ಹಾಗಾಗಿ ಪೈಲಟ್ ನಿಯಂತ್ರಣ ಕೊಠಡಿಗೆ ಸರಿಯಾಗಿ ಮಾಹಿತಿ ನೀಡಲು ಸಾಧ್ಯವಾಗಲಿಲ್ಲ.



ನಂತರ ಪೈಲಟ್ ವಿಮಾನವನ್ನು ತುರ್ತು ಭೂಸ್ಪರ್ಶ ಮಾಡಿದ. ತಾಂತ್ರಿಕ ಸಿಬ್ಬಂದಿ ಮತ್ತು ಹಾವು ಹಿಡಿಯುವ ವ್ಯಕ್ತಿಯನ್ನು ಕರೆಸಿ ವಿಮಾನದಲ್ಲಿ ತಪಾಸಣೆ ಮಾಡಲಾಯಿತಾದರೂ ಹಾವು ಕಾಣಿಸಿಕೊಳ್ಳಲಿಲ್ಲ. ಹಾವು ಪತ್ತೆಯಾಗುವವರೆಗೆ ವಿಮಾನ ಹಾರಾಟವನ್ನು ತಡೆಹಿಡಿಯಲಾಗಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.