ವಿಶ್ವದಾಖಲೆ ಬರೆದ ಸಾನಿಯಾ–ಹಿಂಗಿಸ್‌

ಸಿಡ್ನಿ (ಪಿಟಿಐ/ಐಎಎನ್ಎಸ್): ಭಾರತದ ಸಾನಿಯಾ ಮಿರ್ಜಾ ಮತ್ತು ಸ್ವಿಟ್ಜರ್ಲೆಂಡ್ನ ಮಾರ್ಟಿನಾ ಹಿಂಗಿಸ್ ಗುರುವಾರ ಡಬಲ್ಸ್ ವಿಭಾಗದಲ್ಲಿ ಸತತ 29ನೇ ಪಂದ್ಯ ಗೆಲ್ಲುವ ಮೂಲಕ ವಿಶ್ವ ದಾಖಲೆ ಬರೆದರು.

ಇಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಎ ಸಿಡ್ನಿ ಇಂಟರ್ನ್ಯಾಷನಲ್ ಟೆನಿಸ್ ಟೂರ್ನಿಯ ಸೆಮಿಫೈನಲ್ನಲ್ಲಿ ಅಗ್ರ ಶ್ರೇಯಾಂಕದ ಸಾನಿಯಾ ಮತ್ತು ಮಾರ್ಟಿನಾ 4–6, 6–3, 10–8ರಲ್ಲಿ ರುಮೇನಿಯಾದ ರಲುಕಾ ಒಲಾರು ಮತ್ತು ಕಜಕಸ್ತಾನದ ಯರೋಸ್ಲಾವಾ ಶ್ವೇಡೋವಾ ಅವರನ್ನು ಪರಾಭವ ಗೊಳಿಸಿದರು.

ಇದರೊಂದಿಗೆ ಪುಯೆರ್ಟೊ ರಿಕಾನ್ನ ಜಿಜಿ ಫರ್ನಾಂಡೀಸ್ ಮತ್ತು ಬೆಲಾರಸ್ನ ನತಾಶಾ ಜ್ವೆರೆವಾ ಅವರ ಹೆಸರಿನಲ್ಲಿದ್ದ 22 ವರ್ಷಗಳ ಹಳೆಯ ವಿಶ್ವದಾಖಲೆಯನ್ನು ಮೀರಿ ನಿಂತರು.

ಜಿಜಿ ಮತ್ತು ಜ್ವೆರೆವಾ 1994ರಲ್ಲಿ ಸತತ 28 ಪಂದ್ಯಗಳಲ್ಲಿ ಗೆಲುವು ಗಳಿ ಸಿದ್ದು ಇದುವರೆಗಿನ ದಾಖಲೆಯಾಗಿತ್ತು. ವಿಶ್ವ ಕ್ರಮಾಂಕಪಟ್ಟಿಯಲ್ಲಿ ಅಗ್ರಸ್ಥಾನ ಹೊಂದಿರುವ ಸಾನಿಯಾ ಮತ್ತು ಮಾರ್ಟಿನಾ ಅವರಿಂದ ಆರಂಭಿಕ ಸೆಟ್ನಲ್ಲಿ ನಿರೀಕ್ಷಿತ ಸಾಮರ್ಥ್ಯ ಮೂಡಿಬರಲಿಲ್ಲ. ಮನಮೋಹಕ ಆಟ ಆಡಿದ ಒಲಾರು ಮತ್ತು ಶ್ವೆಡೋವಾ ಸತತವಾಗಿ ಗೇಮ್ ಗೆದ್ದು ಮುನ್ನಡೆ ಗಳಿಸಿದರು. ಇದರಿಂದ ಒತ್ತಡಕ್ಕೆ ಒಳಗಾದಂತೆ ಕಂಡ ಸಾನಿಯಾ ಮತ್ತು ಮಾರ್ಟಿನಾ ಸ್ವಯಂಕೃತ ತಪ್ಪುಗಳನ್ನು ಮಾಡಿ ಸೆಟ್ ಕೈಚೆಲ್ಲಿದರು.

ಆರಂಭಿಕ ಸೆಟ್ನಲ್ಲಿ ಎದುರಾದ ಸೋಲಿನಿಂದ ಭಾರತ–ಸ್ವಿಸ್ ಜೋಡಿ ಎದೆಗುಂದಲಿಲ್ಲ. ಬದಲಾಗಿ ಎರಡನೇ ಸೆಟ್ನಲ್ಲಿ ಗುಣಮಟ್ಟದ ಆಟಕ್ಕೆ ಒತ್ತು ನೀಡಿತು. ಶರವೇಗದ ಸರ್ವ್ ಹಾಗೂ ಬಲಿಷ್ಠ ಸ್ಮ್ಯಾಷ್ಗಳ ಮೂಲಕ ಎರಡು ಬಾರಿ ಎದುರಾಳಿಗಳ ಸರ್ವ್ ಮುರಿದ ಅವರು ಸುಲಭವಾಗಿ ಸೆಟ್ ಜಯಿಸಿದರು.

ಹೀಗಾಗಿ ಮೂರನೇ ಹಾಗೂ ನಿರ್ಣಾಯಕ ಸೆಟ್ ಕುತೂಹಲದ ಗಣಿ ಎನಿಸಿತ್ತು. ಮುಖ್ಯವಾಗಿ ಭಾರತ–ಸ್ವಿಸ್ ಜೋಡಿಗೆ ಈ ಸೆಟ್ ಮಹತ್ವದ್ದೆನಿಸಿತ್ತು. ಹೀಗಾಗಿ ಅಲ್ಪ ಒತ್ತಡದೊಂದಿಗೆ ಕಣ ಕ್ಕಿಳಿದ ಸಾನಿಯಾ ಮತ್ತು ಹಿಂಗಿಸ್ ಎಚ್ಚರಿಕೆಯ ಆಟ ಆಡಿ ಜಯದ ಸಂಭ್ರಮ ಆಚರಿಸಿದರು. ಈ ಮೂಲಕ ಈ ವರ್ಷದ ಎರಡನೇ ಪ್ರಶಸ್ತಿಯತ್ತ ದಾಪುಗಾಲಿಟ್ಟರು.

ಫೈನಲ್ಗೆ ಬೋಪಣ್ಣ ಪುರುಷರ ಡಬಲ್ಸ್ ವಿಭಾಗದಲ್ಲಿ ಭಾರತದ ರೋಹನ್ ಬೋಪಣ್ಣ ಮತ್ತು ರುಮೇನಿಯಾದ ಫ್ಲೋರಿನ್ ಮಾರ್ಗಿಯಾ ಅವರು ಫೈನಲ್ ಪ್ರವೇಶಿಸಿ ದರು. ಸೆಮಿಫೈನಲ್ನಲ್ಲಿ ಬೋಪಣ್ಣ ಮತ್ತು ಮಾರ್ಗಿಯಾ 6–2, 6–4ರ ನೇರ ಸೆಟ್ಗಳಿಂದ ಆಸ್ಟ್ರೇಲಿಯಾದ ಸ್ಯಾಮ್ ಗ್ರೊತ್ ಮತ್ತು ಜಾನ್ ಪೀರ್ಸ್ ಅವರನ್ನು ಸೋಲಿಸಿದರು.

ಸತತ 10 ಪ್ರಶಸ್ತಿ ಸಾನಿಯಾ ಮತ್ತು ಹಿಂಗಿಸ್ ಅವರು ಜತೆಯಾಗಿ ಆಡಲು ಶುರುಮಾಡಿದ ಬಳಿಕ ಸತತ 10 ಪ್ರಶಸ್ತಿ ಎತ್ತಿಹಿಡಿದಿದ್ದಾರೆ. 2015ರಲ್ಲಿ ಭಾರತ–ಸ್ವಿಸ್ ಜೋಡಿ ಇಂಡಿಯನ್ ವೇಲ್ಸ್, ಮಿಯಾಮಿ ಓಪನ್, ಚಾರ್ಲ್ಸ್ಟನ್ ಓಪನ್, ವಿಂಬಲ್ಡನ್, ಅಮೆರಿಕಾ ಓಪನ್, ಗುವಾಂಗ್ಜೌ, ವುಹಾನ್, ಬೀಜಿಂಗ್ ಓಪನ್ ಮತ್ತು ಡಬ್ಲ್ಯುಟಿ ಎ ಫೈನಲ್ಸ್ನಲ್ಲಿ ಪ್ರಶಸ್ತಿ ಎತ್ತಿ ಹಿಡಿದಿತ್ತು. ಈ ವರ್ಷದ ಆರಂಭ ದಲ್ಲಿ ನಡೆದ ಬ್ರಿಸ್ಬೇನ್ ಇಂಟರ್ ನ್ಯಾಷನಲ್ ಟೂರ್ನಿಯಲ್ಲಿ ಯೂ ಸಾನಿಯಾ ಮತ್ತು ಮಾರ್ಟಿನಾ ಪ್ರಶಸ್ತಿ ಗೆದ್ದಿದ್ದಾರೆ. ಸಿಡ್ನಿಯಲ್ಲಿ ಪ್ರಶಸ್ತಿ ಗೆದ್ದರೆ ಈ ಸಂಖ್ಯೆ 11ಕ್ಕೆ ಏರಲಿದೆ.

ಸಾನಿಯಾ–ಮಾರ್ಟಿನಾ ವಿಶ್ವದಾಖಲೆ * ಸತತ 29 ಪಂದ್ಯಗಳಲ್ಲಿ ಗೆದ್ದ ವಿಶ್ವದ ಮೊದಲ ಜೋಡಿ * ಸಾನಿಯಾ ವಿಶ್ವ ರ್ಯಾಂಕ್ನಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ * ಸಿಡ್ನಿ ಓಪನ್ ಟೂರ್ನಿಯ ಡಬಲ್ಸ್ ನಲ್ಲಿ ಫೈನಲ್ ಪ್ರವೇಶ * ವರ್ಷದ ಎರಡನೇ ಪ್ರಶಸ್ತಿ ಮೇಲೆ ಕಣ್ಣು * 2015ರಲ್ಲಿ ಒಂಬತ್ತು ಪ್ರಶಸ್ತಿಗಳನ್ನು ಗೆದ್ದಿರುವ ಸಾನಿಯಾ–ಮಾರ್ಟಿನಾ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವದಾಖಲೆ ಬರೆದ ಸಾನಿಯಾ–ಹಿಂಗಿಸ್‌

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ