ಶಾಸಕರಿಗೆ ಹೈಟೆಕ್ ಗ್ರಂಥಾಲಯ ಸೌಲಭ್ಯ

ಬೆಂಗಳೂರು: ವಿಧಾನ ಮಂಡಲ ಸಚಿವಾಲಯದ ಗ್ರಂಥಾಲಯವನ್ನು ಇ-ಗ್ರಂಥಾಲಯವನ್ನಾಗಿ ಮೇಲ್ದರ್ಜೆಗೇರಿಸುವ ಪ್ರಕ್ರಿಯೆಗೆ ಮಂಗಳವಾರ ಚಾಲನೆ ದೊರೆತಿದ್ದು, ಮೇ ತಿಂಗಳ ಅಂತ್ಯದ ವೇಳೆಗೆ ಹೈಟೆಕ್ ಗ್ರಂಥಾಲಯದ ಸೌಲಭ್ಯ ಶಾಸಕರಿಗೆ ದೊರೆಯಲಿದೆ.



ಸಚಿವಾಲಯದ ಗ್ರಂಥಾಲಯದಲ್ಲಿ ಬಹಳಷ್ಟು ಹಳೆಯ ಪುಸ್ತಕಗಳಿದ್ದು, ಪೂರ್ಣ ಪ್ರಮಾಣದ ಉಪಯೋಗ ಆಗುತ್ತಿರಲಿಲ್ಲ. ಹೀಗಾಗಿ ಇ-ಗ್ರಂಥಾಲಯವಾಗಿ ಮೇಲ್ದರ್ಜೆಗೇರಿಸಲಾಗುತ್ತಿದೆ ಎಂದು ವಿಧಾನ ಪರಿಷತ್ತಿನ ಸಭಾಪತಿ ಡಿ.ಎಚ್.ಶಂಕರಮೂರ್ತಿ ತಿಳಿಸಿದರು.