<p><strong>ನವದೆಹಲಿ (ಪಿಟಿಐ): </strong>ನೂರ ಅರವತ್ತ ಮೂರು ವರ್ಷಗಳ ಕಾಲ ದೇಶದುದ್ದಕ್ಕೂ ಸಿಹಿ- ಕಹಿ ಸಂದೇಶಗಳನ್ನು ರವಾನಿಸಿದ ತಾರು (ತಂತಿ ಸಂದೇಶ) ಸೇವೆಗೆ ಭಾನುವಾರ ಅಂತಿಮ ತೆರೆ ಬಿತ್ತು.<br /> <br /> ಒಂದೊಮ್ಮೆ ತುರ್ತು ಸಂವಹನದ ದಾರಿ ಎಂದೇ ಬಣ್ಣಿಸಲಾಗುತ್ತಿದ್ದ ಟೆಲಿಗ್ರಾಂ ಸೇವೆಯನ್ನು ಸರ್ಕಾರಿ ಸ್ವಾಮ್ಯದ ಭಾರತ್ ಸಂಚಾರ್ ನಿಮಗ ನಿಯಮಿತವು (ಬಿಎಸ್ಎನ್ಎಲ್) ಸ್ಥಗಿತಗೊಳಿಸುವುದರೊಂದಿಗೆ, ಲಕ್ಷಾಂತರ ಭಾರತೀಯರ ಸಂದೇಶ ರವಾನೆ ವ್ಯವಸ್ಥೆಯೊಂದು ಶಾಶ್ವತವಾಗಿ ನಿಂತುಹೋಯಿತು.<br /> <br /> <strong>ಕೊನೆಯ ಸಂದೇಶದ ಸಂರಕ್ಷಣೆ:</strong> ಈ ಸೇವಾ ವ್ಯವಸ್ಥೆಯನ್ನು ಸದಾ ಸ್ಮರಿಸುವ ಉದ್ದೇಶದೊಂದಿಗೆ, ಅಂತಿಮ ದಿನದಂದು ಕಳಿಸಲಾಗುವ ಕೊನೆಯ ಸಂದೇಶವನ್ನು ಸ್ಮರಣಿಕೆಯಂತೆ ಸಂರಕ್ಷಿಸಿ ಇಡುವ ಭರವಸೆ ಸರ್ಕಾರದಿಂದ ವ್ಯಕ್ತವಾಗಿದೆ.<br /> <br /> `ತಾರು ಸೇವೆ'ಯ ಅಂತಿಮ ದಿನದಂದು ಇಲ್ಲಿನ ನಾಲ್ಕು ಟೆಲಿಗ್ರಾಫ್ ಕೇಂದ್ರಗಳ ಎದುರು ಸೇರಿದ ನೂರಾರು ಜನರ ಪೈಕಿ ಕೆಲವರು ತಮ್ಮ ಪ್ರೀತಿಪಾತ್ರರಿಗೆ ಟೆಲಿಗ್ರಾಂ ಸಂದೇಶ ಕಳಿಸಿ ಭಾವುಕರಾದರು. ಅವರಲ್ಲಿ ಸಾಕಷ್ಟು ಮಂದಿ ಇದೇ ಮೊದಲ ಬಾರಿಗೆ ಈ ಕೇಂದ್ರಕ್ಕೆ ಬಂದಿದ್ದರು!<br /> <br /> `ತಿರುಚಿ ಸಮೀಪದ ಹಳ್ಳಿಯಲ್ಲಿರುವ 96 ವರ್ಷದ ನನ್ನ ಅಜ್ಜನಿಗೆ ನಾನು ಇದೇ ಮೊದಲ ಬಾರಿಗೆ ಟೆಲಿಗ್ರಾಂ ಕಳಿಸುತ್ತಿದ್ದೇನೆ' ಎಂದು ವಕೀಲ ಆನಂದ್ ಸತ್ಯಶೀಲನ್ ಹೇಳಿದರು.<br /> <br /> ಬರೇಲಿಯಲ್ಲಿರುವ ತಮ್ಮ ತಂದೆ-ತಾಯಿಗೆ ಶುಭಾಶಯದ ತಾರು ಕಳಿಸಿದ ಕಂಪೆನಿಯೊಂದರ ಮ್ಯಾನೇಜರ್ ಅರವಿಂದ್, `ಈ ಟೆಲಿಗ್ರಾಂ ಅನ್ನು ಅವರು ಸದಾ ಸ್ಮರಣೆಯಲ್ಲಿ ಇಟ್ಟುಕೊಳ್ಳುತ್ತಾರೆ ಎಂಬ ಆಶಾಭಾವನೆ ನನ್ನದು' ಎಂದು ನುಡಿದರು.<br /> <br /> ಇಂದು ಕಳಿಸಲಾದ ಸಂದೇಶಗಳ ಪೈಕಿ `ಹೋಪ್ ಆಲ್ ಈಸ್ ವೆಲ್' ಹಾಗೂ `ಆ್ಯನ್ ಐಕಾನಿಕ್ ಸರ್ವೀಸ್ ಕಮ್ಸ ಟು ಆ್ಯನ್ ಎಂಡ್' ಎಂಬ ತಾರ್ಗಳೇ ಅಧಿಕ ಸಂಖ್ಯೆಯಲ್ಲಿ ಇದ್ದವು.<br /> <br /> `ಸೋಮವಾರದಿಂದ ಟೆಲಿಗ್ರಾಂ ಸೇವೆ ಲಭ್ಯ ಇರುವುದಿಲ್ಲ' ಎಂದು ಬಿಎಸ್ಎನ್ಎಲ್ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಆರ್.ಕೆ.ಉಪಾಧ್ಯಾಯ ಅವರು ಭಾನುವಾರ ಇಲ್ಲಿ ಸುದ್ದಿಸಂಸ್ಥೆಗೆ ತಿಳಿಸಿದರು. ದೂರಸಂಪರ್ಕ ಸಚಿವ ಕಪಿಲ್ ಸಿಬಲ್, `ಟೆಲಿಗ್ರಾಂ ಸೇವೆಗೆ ಭಾವಪೂರ್ಣ ವಿದಾಯ ಕೋರುತ್ತೇವೆ. ಕೊನೆಯ ಟೆಲಿಗ್ರಾಂನ್ನು ಸ್ಮರಣಿಕೆ ರೂಪದಲ್ಲಿ ಸಂರಕ್ಷಿಸಿಡುವುದೇ ಈ ಅನುಪಮ ಸೇವಾ ವ್ಯವಸ್ಥೆಗೆ ನಾವು ಸಲ್ಲಿಸಬಹುದಾದ ಗೌರವಪೂರ್ವಕ ವಿದಾಯ' ಎಂದು ಕಳೆದ ತಿಂಗಳು ಪ್ರಕಟಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ನೂರ ಅರವತ್ತ ಮೂರು ವರ್ಷಗಳ ಕಾಲ ದೇಶದುದ್ದಕ್ಕೂ ಸಿಹಿ- ಕಹಿ ಸಂದೇಶಗಳನ್ನು ರವಾನಿಸಿದ ತಾರು (ತಂತಿ ಸಂದೇಶ) ಸೇವೆಗೆ ಭಾನುವಾರ ಅಂತಿಮ ತೆರೆ ಬಿತ್ತು.<br /> <br /> ಒಂದೊಮ್ಮೆ ತುರ್ತು ಸಂವಹನದ ದಾರಿ ಎಂದೇ ಬಣ್ಣಿಸಲಾಗುತ್ತಿದ್ದ ಟೆಲಿಗ್ರಾಂ ಸೇವೆಯನ್ನು ಸರ್ಕಾರಿ ಸ್ವಾಮ್ಯದ ಭಾರತ್ ಸಂಚಾರ್ ನಿಮಗ ನಿಯಮಿತವು (ಬಿಎಸ್ಎನ್ಎಲ್) ಸ್ಥಗಿತಗೊಳಿಸುವುದರೊಂದಿಗೆ, ಲಕ್ಷಾಂತರ ಭಾರತೀಯರ ಸಂದೇಶ ರವಾನೆ ವ್ಯವಸ್ಥೆಯೊಂದು ಶಾಶ್ವತವಾಗಿ ನಿಂತುಹೋಯಿತು.<br /> <br /> <strong>ಕೊನೆಯ ಸಂದೇಶದ ಸಂರಕ್ಷಣೆ:</strong> ಈ ಸೇವಾ ವ್ಯವಸ್ಥೆಯನ್ನು ಸದಾ ಸ್ಮರಿಸುವ ಉದ್ದೇಶದೊಂದಿಗೆ, ಅಂತಿಮ ದಿನದಂದು ಕಳಿಸಲಾಗುವ ಕೊನೆಯ ಸಂದೇಶವನ್ನು ಸ್ಮರಣಿಕೆಯಂತೆ ಸಂರಕ್ಷಿಸಿ ಇಡುವ ಭರವಸೆ ಸರ್ಕಾರದಿಂದ ವ್ಯಕ್ತವಾಗಿದೆ.<br /> <br /> `ತಾರು ಸೇವೆ'ಯ ಅಂತಿಮ ದಿನದಂದು ಇಲ್ಲಿನ ನಾಲ್ಕು ಟೆಲಿಗ್ರಾಫ್ ಕೇಂದ್ರಗಳ ಎದುರು ಸೇರಿದ ನೂರಾರು ಜನರ ಪೈಕಿ ಕೆಲವರು ತಮ್ಮ ಪ್ರೀತಿಪಾತ್ರರಿಗೆ ಟೆಲಿಗ್ರಾಂ ಸಂದೇಶ ಕಳಿಸಿ ಭಾವುಕರಾದರು. ಅವರಲ್ಲಿ ಸಾಕಷ್ಟು ಮಂದಿ ಇದೇ ಮೊದಲ ಬಾರಿಗೆ ಈ ಕೇಂದ್ರಕ್ಕೆ ಬಂದಿದ್ದರು!<br /> <br /> `ತಿರುಚಿ ಸಮೀಪದ ಹಳ್ಳಿಯಲ್ಲಿರುವ 96 ವರ್ಷದ ನನ್ನ ಅಜ್ಜನಿಗೆ ನಾನು ಇದೇ ಮೊದಲ ಬಾರಿಗೆ ಟೆಲಿಗ್ರಾಂ ಕಳಿಸುತ್ತಿದ್ದೇನೆ' ಎಂದು ವಕೀಲ ಆನಂದ್ ಸತ್ಯಶೀಲನ್ ಹೇಳಿದರು.<br /> <br /> ಬರೇಲಿಯಲ್ಲಿರುವ ತಮ್ಮ ತಂದೆ-ತಾಯಿಗೆ ಶುಭಾಶಯದ ತಾರು ಕಳಿಸಿದ ಕಂಪೆನಿಯೊಂದರ ಮ್ಯಾನೇಜರ್ ಅರವಿಂದ್, `ಈ ಟೆಲಿಗ್ರಾಂ ಅನ್ನು ಅವರು ಸದಾ ಸ್ಮರಣೆಯಲ್ಲಿ ಇಟ್ಟುಕೊಳ್ಳುತ್ತಾರೆ ಎಂಬ ಆಶಾಭಾವನೆ ನನ್ನದು' ಎಂದು ನುಡಿದರು.<br /> <br /> ಇಂದು ಕಳಿಸಲಾದ ಸಂದೇಶಗಳ ಪೈಕಿ `ಹೋಪ್ ಆಲ್ ಈಸ್ ವೆಲ್' ಹಾಗೂ `ಆ್ಯನ್ ಐಕಾನಿಕ್ ಸರ್ವೀಸ್ ಕಮ್ಸ ಟು ಆ್ಯನ್ ಎಂಡ್' ಎಂಬ ತಾರ್ಗಳೇ ಅಧಿಕ ಸಂಖ್ಯೆಯಲ್ಲಿ ಇದ್ದವು.<br /> <br /> `ಸೋಮವಾರದಿಂದ ಟೆಲಿಗ್ರಾಂ ಸೇವೆ ಲಭ್ಯ ಇರುವುದಿಲ್ಲ' ಎಂದು ಬಿಎಸ್ಎನ್ಎಲ್ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಆರ್.ಕೆ.ಉಪಾಧ್ಯಾಯ ಅವರು ಭಾನುವಾರ ಇಲ್ಲಿ ಸುದ್ದಿಸಂಸ್ಥೆಗೆ ತಿಳಿಸಿದರು. ದೂರಸಂಪರ್ಕ ಸಚಿವ ಕಪಿಲ್ ಸಿಬಲ್, `ಟೆಲಿಗ್ರಾಂ ಸೇವೆಗೆ ಭಾವಪೂರ್ಣ ವಿದಾಯ ಕೋರುತ್ತೇವೆ. ಕೊನೆಯ ಟೆಲಿಗ್ರಾಂನ್ನು ಸ್ಮರಣಿಕೆ ರೂಪದಲ್ಲಿ ಸಂರಕ್ಷಿಸಿಡುವುದೇ ಈ ಅನುಪಮ ಸೇವಾ ವ್ಯವಸ್ಥೆಗೆ ನಾವು ಸಲ್ಲಿಸಬಹುದಾದ ಗೌರವಪೂರ್ವಕ ವಿದಾಯ' ಎಂದು ಕಳೆದ ತಿಂಗಳು ಪ್ರಕಟಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
