ಶನಿವಾರ, ಮಾರ್ಚ್ 6, 2021
21 °C

ಸರೋದ್ ವಾದಕ ಅಮ್ಜದ್ ಅಲಿ ಖಾನ್‍ಗೆ ವೀಸಾ ನಿರಾಕರಿಸಿದ ಬ್ರಿಟನ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸರೋದ್ ವಾದಕ ಅಮ್ಜದ್ ಅಲಿ ಖಾನ್‍ಗೆ ವೀಸಾ ನಿರಾಕರಿಸಿದ ಬ್ರಿಟನ್

ನವದೆಹಲಿ: ಖ್ಯಾತ ಸರೋದ್ ವಾದಕ ಉಸ್ತಾದ್ ಅಮ್ಜದ್ ಅಲಿ ಖಾನ್ ಅವರಿಗೆ ಬ್ರಿಟನ್ ಸರಕಾರ ವೀಸಾ ನಿರಾಕರಿಸಿದೆ. ಲಂಡನ್‍ನಲ್ಲಿ ನಡೆಯಲಿರುವ ಸಂಗೀತ ಕಾರ್ಯಕ್ರಮದಲ್ಲಿ ಭಾಗವಹಿಸುವುದಕ್ಕಾಗಿ ಖಾನ್ ವೀಸಾ ಅರ್ಜಿ ಸಲ್ಲಿಸಿದ್ದರು. 

ತನಗೆ ಬ್ರಿಟನ್ ವೀಸಾ ನಿರಾಕರಿಸಿರುವ ವಿಷಯವನ್ನು ಟ್ವೀಟ್ ಮಾಡಿರುವ ಖಾನ್ ಈ ಟ್ವೀಟ್ ನಲ್ಲಿ ಭಾರತದಲ್ಲಿರುವ ಬ್ರಿಟನ್ ಹೈಮಿಷನ್, ಲಂಡನ್‍ನಲ್ಲಿರುವ ಭಾರತೀಯ ಹೈ ಕಮಿಷನ್ ಮತ್ತು ಸುಷ್ಮಾ ಸ್ವರಾಜ್  ಅವರನ್ನು ಟ್ಯಾಗ್ ಮಾಡಿದ್ದಾರೆ.



1970ರಿಂದ ತಾನು ಪ್ರತೀ ವರ್ಷ ಬ್ರಿಟನ್‍ನಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಭಾಗವಹಿಸಿರುತ್ತೇನೆ. ಆದರೆ ತನಗೆ ಈ ವರ್ಷ ವೀಸಾ ನಿರಾಕರಿಸಿರುವುದು ಬೇಸರವನ್ನುಂಟು ಮಾಡಿದೆ. ಜಗತ್ತಿನಲ್ಲಿ ಶಾಂತಿ ಸಮಾಧಾನವನ್ನು ಪಸರಿಸುವ ಕಲಾವಿದರಿಗೆ ವೀಸಾ ನಿರಾಕರಿಸಿರುವುದು ದುಃಖದ ಸಂಗತಿ ಎಂದು ಖಾನ್ ಟ್ವೀಟ್ ಮಾಡಿದ್ದಾರೆ.


ಸಪ್ಟೆಂಬರ್ 17 ಮತ್ತು 18 ರಂದು ಲಂಡನ್‍ನ ರಾಯಲ್ ಫೆಸ್ಟಿವಲ್ ಹಾಲ್ ನಲ್ಲಿ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಹಿಂದೂಸ್ತಾನಿ ಗಾಯಕಿ ಶುಭಾ ಮುದ್ಗಲ್ ಕೂಡಾ ಈ ಕಾರ್ಯಕ್ರಮದಲ್ಲಿ ಖಾನ್ ಜತೆ ಭಾಗವಹಿಸಲಿದ್ದಾರೆ.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.