<p>ಬಹುಶಃ ಬಾಲಿವುಡ್ನಲ್ಲಿ ಅತಿ ಹೆಚ್ಚು ಅವಧಿ ಹುಡುಗಿಯರ ಜೊತೆಗೆ ಥಳುಕು ಹಾಕಿಕೊಂಡೇ ಬೆಳೆದಿರುವ ಹೆಸರು ಸಲ್ಮಾನ್ ಖಾನ್. ಐಶ್ವರ್ಯಾ ರೈ, ಕತ್ರಿನಾ ಕೈಫ್ ತರಹದ ಚೆಲುವಾಂತ ಚೆಲುವೆಯರ ಜೊತೆಗೆ ಹೆಸರು ಜೋಡಿಸಿಕೊಂಡಾಗ ಸುದ್ದಿಯಾದ ಸಲ್ಮಾನ್ ಖಾನ್, ತಮ್ಮ ಹರಕತ್ತುಗಳಿಂದಲೂ ಸದ್ದು ಮಾಡಿದವರು. <br /> <br /> ಈಗ ಸೋನಾಕ್ಷಿ ಸಿನ್ಹಾ ತರಹದ ಚಿಕ್ಕ ಪ್ರಾಯದ ನಟಿಯರ ಸಹವಾಸ ಅವರಿಗಿದೆ ಎಂಬ ಪುಗ್ಗ ಗಾಳಿಯಲ್ಲಿ ಹಾರಾಡುತ್ತಿದೆ. ಸಲ್ಮಾನ್ ಸ್ತ್ರೀಲೋಲ ಹೌದೋ, ಅಲ್ಲವೋ ಎಂದು ತೆರೆಮರೆಯಲ್ಲಿ ಅನೇಕರ ನಡುವೆ ಮಾತುಕತೆ ನಡೆಯುತ್ತಲೇ ಇತ್ತು. ಆದರೆ, ಖುದ್ದು ಅವರೇ ಈ ಪ್ರಶ್ನೆಗೆ ಕೊಟ್ಟಿರುವ ಉತ್ತರ ಮಜವಾಗಿದೆ. ಕೇಳಿ...<br /> <br /> `ನನ್ನ ಹಣೆಬರಹವೇ ಹೀಗೆ. ನೋಡಲಷ್ಟೇ ಅಲ್ಲ, ಆಂತರಿಕವಾಗಿಯೂ ಸುಂದರವಾಗಿರುವ ಹುಡುಗಿಯರು ಮೊದಲು ನನ್ನನ್ನು ತುಂಬಾ ಇಷ್ಟಪಡುತ್ತಾರೆ.ಹಚ್ಚಿಕೊಳ್ಳುತ್ತಾ ಹೋದಂತೆ ನನ್ನಿಂದ ದೂರವಾಗುತ್ತಾರೆ. <br /> <br /> ಬಹುಶಃ ನನ್ನಲ್ಲೇ ಏನೋ ತುಂದರೆ ಇರಬೇಕು. ಅದೇನು ಎಂಬುದನ್ನು ಹುಡುಕುತ್ತಲೇ ಇದ್ದೇನೆ. ಅಷ್ಟರಲ್ಲಿ ಆಗಲೇ ನನಗೆ ವಯಸ್ಸಾಗುತ್ತಿದೆ. ನಾನು ಹುಡುಗಿಯರಿಗೆ ಅನ್ಯಾಯವನ್ನಂತೂ ಮಾಡಿಲ್ಲ. ನನ್ನ ಸ್ವಭಾವದಲ್ಲೇ ಏನೋ ದೋಷ ಇದ್ದೀತು. <br /> <br /> ಮನುಷ್ಯನ ಬದುಕೇ ಹೀಗೆ. ಕೆಲವು ಸಮಸ್ಯೆಗಳಿಗೆ ಪರಿಹಾರವೇ ಸಿಗುವುದಿಲ್ಲ. ಯಾಕೆಂದರೆ, ಸಮಸ್ಯೆ ಏನು ಎಂಬುದನ್ನು ತಿಳಿದುಕೊಳ್ಳುವುದರಲ್ಲೇ ಆಯುಸ್ಸು ಮುಗಿದುಹೋಗುತ್ತದೆ. ಅದಕ್ಕೇ ನಾನೀಗ ತೀರ್ಮಾನಿಸಿದ್ದೇನೆ- ಮದುವೆಯಾಗಲು ನಾನು ಖಂಡಿತ ಯೋಗ್ಯನಲ್ಲ.<br /> <br /> ಬಾಯ್ಫ್ರೆಂಡ್ ಆಗುವ ಮನಸ್ಥಿತಿ ಕೂಡ ಈಗ ಉಳಿದಿಲ್ಲ. ಜನ ಮೆಚ್ಚುವ ಇನ್ನಷ್ಟು ಸಿನಿಮಾ ಮಾಡಿಕೊಂಡು, ನನ್ನನ್ನು ಯಾರಾದರೂ ಮೆಚ್ಚಿಬಂದರೆ ಅವರ ಜೊತೆಗೆ ಒಂದಿಷ್ಟು ಒಳ್ಳೆಯ ಕ್ಷಣಗಳನ್ನು ಕಳೆದು ಬದುಕು ಮುಗಿಸುವ ಬಯಕೆ~.<br /> <br /> ಸಲ್ಮಾನ್ ಖಾನ್ ಯಾಕೆ ಹೀಗೆ ಎಂದು ಅವರ ತಂದೆ ಸಲೀಮ್ ಖಾನ್ ಅವರನ್ನು ಕೇಳಿದರೆ, ಅವರೂ ಮೊದಮೊದಲು ಪೆಚ್ಚಾಗುತ್ತಾರೆ. ಆಮೇಲೆ ತಡವಾಗಿ ಉತ್ತರ ಹುಡುಕಲು ಯತ್ನಿಸುತ್ತಾರೆ: <br /> <br /> `ಅವನು ಚಿಕ್ಕ ವಯಸ್ಸಿನಿಂದಲೂ ತುಂಟ. ಮಾಡಬೇಡ ಅಂದಿದ್ದನ್ನೇ ಮಾಡುತ್ತಿದ್ದ.ಈಗ ದೊಡ್ಡವನಾಗಿದ್ದಾನೆ. ಆದರೆ, ಬಾಲ್ಯದ ಆ ಗುಣ ಇನ್ನೂ ಹೋಗಿಲ್ಲ. ಮದುವೆಯ ವಿಷಯ ಬಂದಾಗಲೆಲ್ಲಾ ನನಗೇ ಮುಜುಗರವಾಗುತ್ತದೆ. ಯಾಕೆಂದರೆ, ಹೆಲೆನ್ ಜೊತೆ ನನಗೆ ಸಂಬಂಧವಿತ್ತು. ಅದು ನನ್ನ ಮೊದಲ ಹೆಂಡತಿಗೆ ಗೊತ್ತಾದದ್ದು ತಡವಾಗಿ. <br /> <br /> ನಾನೇ ಹೇಳಬೇಕು ಎಂದುಕೊಂಡಿದ್ದರೂ ಬೇರೆಯವರಿಂದ ನನ್ನ ಹೆಂಡತಿಗೆ ಆ ಸಂಗತಿ ತಿಳಿಯಿತು. ಆ ಸಂದರ್ಭದಲ್ಲಿ ನಾನು ಎದುರಿಸಿದ ಕಷ್ಟ ಅಷ್ಟಿಷ್ಟಲ್ಲ. ಹೆಣ್ಣಿನ ಆಕರ್ಷಣೆ ಪುರುಷನಿಗೆ ಸಹಜವಾದದ್ದೇ ಹೌದು. ಆದರೆ, ಮನಸ್ಸು ಮಾಗುತ್ತಾ ಹೋದಂತೆ ಹೆಣ್ಣಿನ ಜೊತೆಗಿನ ಸಂಬಂಧವನ್ನು ನಾವೇ ವಿಮರ್ಶೆ ಮಾಡಿಕೊಳ್ಳಲು ಪ್ರಾರಂಭಿಸುತ್ತೇವೆ. ಈ ವಿಷಯದಲ್ಲಿ ಸಲ್ಮಾನ್ ಮನಸ್ಥಿತಿಯೂ ನನ್ನಂತೆಯೇ ಇರಬೇಕೋ ಏನೋ? ಇನ್ನು ನಾನು ಅವನನ್ನು ಮದುವೆಯ ಬಗ್ಗೆ ಒತ್ತಾಯಿಸಲಾರೆ~.<br /> <br /> `ದಬಂಗ್~ ಚಿತ್ರಕ್ಕೀಗ ರಾಷ್ಟ್ರಪ್ರಶಸ್ತಿಯ ಗರಿ. ಈ ಬಗ್ಗೆ ಸಲ್ಮಾನ್ಗೆ ಅಂಥ ಹೆಮ್ಮೆಯೇನೂ ಇಲ್ಲ. `ಜನ ಸಿನಿಮಾ ನೋಡಿ ಗೆದ್ದರೆ ಅದೇ ಅವಾರ್ಡು. ಅಭಿನವ್ ಕಶ್ಯಪ್ ಸ್ಕ್ರಿಪ್ಟ್ ಹಿಡಿದುಕೊಂಡು ಓಡಾಡುತ್ತಿದ್ದಾಗ ನಾನು ಅವಕಾಶ ಕೊಟ್ಟೆ. <br /> <br /> ಸಿನಿಮಾ ಮಾಡಿದ ನಂತರ ಅನುರಾಗ್ ಕಶ್ಯಪ್ ಟ್ವಿಟ್ಟರ್ನಲ್ಲಿ ನನ್ನ ತಮ್ಮನನ್ನೇ ಬಾಯಿಗೆ ಬಂದಂತೆ ಬೈದರು. ಸಣ್ಣ ಬಜೆಟ್ನಲ್ಲಿ ಸಿನಿಮಾ ಮಾಡುವ ಬಯಕೆ ಇಟ್ಟುಕೊಂಡು ಅಭಿನವ್ ಬಂದದ್ದು. ನಾನು ಅದನ್ನು ದೊಡ್ಡ ಬಜೆಟ್ನ ಸಿನಿಮಾ ಆಗಿಸಿದೆ. ಈ ಬಗೆಗೂ ನಿರ್ದೇಶಕ ಅಭಿನವ್ಗೆ ಬೇಸರವಿತ್ತು.<br /> <br /> ಅವನಿಗೆ ಸಲ್ಲಬೇಕಾದ ಸಂಭಾವನೆಯನ್ನು ನಾನು ಕೊಟ್ಟಿದ್ದೆ ಎಂಬ ಸಮಾಧಾನ ನನ್ನದು. ಆದರೂ ಒಬ್ಬ ನಿರ್ದೇಶಕ ತನ್ನ ಚಿತ್ರವನ್ನು ಅಷ್ಟು ಹಚ್ಚಿಕೊಳ್ಳುವುದು ನನಗೆ ಆಶ್ಚರ್ಯದ ಸಂಗತಿಯಾಗಿ ಕಾಣುತ್ತದೆ. <br /> <br /> ದಬಂಗ್ನ ಎರಡನೇ ಭಾಗ ನಿರ್ದೇಶಿಸಲು ಅಭಿನವ್ ಒಪ್ಪಲಿಲ್ಲ. ಅದಕ್ಕೇ ಅರ್ಬಾಜ್ ಖಾನ್ಗೆ ಆ ಜವಾಬ್ದಾರಿ ಕೊಟ್ಟೆ. ರಾಷ್ಟ್ರಪ್ರಶಸ್ತಿಯಿಂದ ನನಗಿಂತ ಅಭಿನವ್ಗೆ ಹೆಚ್ಚು ಖುಷಿಯಾಗಿರಬೇಕು~ ಅಂತಾರೆ ಸಲ್ಮಾನ್.<br /> <br /> ಅಂದಹಾಗೆ, ಜೂನ್ ಮೊದಲ ವಾರ ಸಲ್ಮಾನ್ ಅಭಿನಯದ `ರೆಡಿ~ ರೀಮೇಕ್ ಚಿತ್ರ ತೆರೆಕಂಡಿದೆ. `ದಬಂಗ್~ಗೆ ಎದ್ದಿದ್ದ ಅಲೆಯೇ ಈ ಚಿತ್ರದತ್ತಲೂ ವಾಲಿಕೊಂಡು ಬರಲಿದೆ ಎಂಬುದು ಅವರ ನಂಬುಗೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬಹುಶಃ ಬಾಲಿವುಡ್ನಲ್ಲಿ ಅತಿ ಹೆಚ್ಚು ಅವಧಿ ಹುಡುಗಿಯರ ಜೊತೆಗೆ ಥಳುಕು ಹಾಕಿಕೊಂಡೇ ಬೆಳೆದಿರುವ ಹೆಸರು ಸಲ್ಮಾನ್ ಖಾನ್. ಐಶ್ವರ್ಯಾ ರೈ, ಕತ್ರಿನಾ ಕೈಫ್ ತರಹದ ಚೆಲುವಾಂತ ಚೆಲುವೆಯರ ಜೊತೆಗೆ ಹೆಸರು ಜೋಡಿಸಿಕೊಂಡಾಗ ಸುದ್ದಿಯಾದ ಸಲ್ಮಾನ್ ಖಾನ್, ತಮ್ಮ ಹರಕತ್ತುಗಳಿಂದಲೂ ಸದ್ದು ಮಾಡಿದವರು. <br /> <br /> ಈಗ ಸೋನಾಕ್ಷಿ ಸಿನ್ಹಾ ತರಹದ ಚಿಕ್ಕ ಪ್ರಾಯದ ನಟಿಯರ ಸಹವಾಸ ಅವರಿಗಿದೆ ಎಂಬ ಪುಗ್ಗ ಗಾಳಿಯಲ್ಲಿ ಹಾರಾಡುತ್ತಿದೆ. ಸಲ್ಮಾನ್ ಸ್ತ್ರೀಲೋಲ ಹೌದೋ, ಅಲ್ಲವೋ ಎಂದು ತೆರೆಮರೆಯಲ್ಲಿ ಅನೇಕರ ನಡುವೆ ಮಾತುಕತೆ ನಡೆಯುತ್ತಲೇ ಇತ್ತು. ಆದರೆ, ಖುದ್ದು ಅವರೇ ಈ ಪ್ರಶ್ನೆಗೆ ಕೊಟ್ಟಿರುವ ಉತ್ತರ ಮಜವಾಗಿದೆ. ಕೇಳಿ...<br /> <br /> `ನನ್ನ ಹಣೆಬರಹವೇ ಹೀಗೆ. ನೋಡಲಷ್ಟೇ ಅಲ್ಲ, ಆಂತರಿಕವಾಗಿಯೂ ಸುಂದರವಾಗಿರುವ ಹುಡುಗಿಯರು ಮೊದಲು ನನ್ನನ್ನು ತುಂಬಾ ಇಷ್ಟಪಡುತ್ತಾರೆ.ಹಚ್ಚಿಕೊಳ್ಳುತ್ತಾ ಹೋದಂತೆ ನನ್ನಿಂದ ದೂರವಾಗುತ್ತಾರೆ. <br /> <br /> ಬಹುಶಃ ನನ್ನಲ್ಲೇ ಏನೋ ತುಂದರೆ ಇರಬೇಕು. ಅದೇನು ಎಂಬುದನ್ನು ಹುಡುಕುತ್ತಲೇ ಇದ್ದೇನೆ. ಅಷ್ಟರಲ್ಲಿ ಆಗಲೇ ನನಗೆ ವಯಸ್ಸಾಗುತ್ತಿದೆ. ನಾನು ಹುಡುಗಿಯರಿಗೆ ಅನ್ಯಾಯವನ್ನಂತೂ ಮಾಡಿಲ್ಲ. ನನ್ನ ಸ್ವಭಾವದಲ್ಲೇ ಏನೋ ದೋಷ ಇದ್ದೀತು. <br /> <br /> ಮನುಷ್ಯನ ಬದುಕೇ ಹೀಗೆ. ಕೆಲವು ಸಮಸ್ಯೆಗಳಿಗೆ ಪರಿಹಾರವೇ ಸಿಗುವುದಿಲ್ಲ. ಯಾಕೆಂದರೆ, ಸಮಸ್ಯೆ ಏನು ಎಂಬುದನ್ನು ತಿಳಿದುಕೊಳ್ಳುವುದರಲ್ಲೇ ಆಯುಸ್ಸು ಮುಗಿದುಹೋಗುತ್ತದೆ. ಅದಕ್ಕೇ ನಾನೀಗ ತೀರ್ಮಾನಿಸಿದ್ದೇನೆ- ಮದುವೆಯಾಗಲು ನಾನು ಖಂಡಿತ ಯೋಗ್ಯನಲ್ಲ.<br /> <br /> ಬಾಯ್ಫ್ರೆಂಡ್ ಆಗುವ ಮನಸ್ಥಿತಿ ಕೂಡ ಈಗ ಉಳಿದಿಲ್ಲ. ಜನ ಮೆಚ್ಚುವ ಇನ್ನಷ್ಟು ಸಿನಿಮಾ ಮಾಡಿಕೊಂಡು, ನನ್ನನ್ನು ಯಾರಾದರೂ ಮೆಚ್ಚಿಬಂದರೆ ಅವರ ಜೊತೆಗೆ ಒಂದಿಷ್ಟು ಒಳ್ಳೆಯ ಕ್ಷಣಗಳನ್ನು ಕಳೆದು ಬದುಕು ಮುಗಿಸುವ ಬಯಕೆ~.<br /> <br /> ಸಲ್ಮಾನ್ ಖಾನ್ ಯಾಕೆ ಹೀಗೆ ಎಂದು ಅವರ ತಂದೆ ಸಲೀಮ್ ಖಾನ್ ಅವರನ್ನು ಕೇಳಿದರೆ, ಅವರೂ ಮೊದಮೊದಲು ಪೆಚ್ಚಾಗುತ್ತಾರೆ. ಆಮೇಲೆ ತಡವಾಗಿ ಉತ್ತರ ಹುಡುಕಲು ಯತ್ನಿಸುತ್ತಾರೆ: <br /> <br /> `ಅವನು ಚಿಕ್ಕ ವಯಸ್ಸಿನಿಂದಲೂ ತುಂಟ. ಮಾಡಬೇಡ ಅಂದಿದ್ದನ್ನೇ ಮಾಡುತ್ತಿದ್ದ.ಈಗ ದೊಡ್ಡವನಾಗಿದ್ದಾನೆ. ಆದರೆ, ಬಾಲ್ಯದ ಆ ಗುಣ ಇನ್ನೂ ಹೋಗಿಲ್ಲ. ಮದುವೆಯ ವಿಷಯ ಬಂದಾಗಲೆಲ್ಲಾ ನನಗೇ ಮುಜುಗರವಾಗುತ್ತದೆ. ಯಾಕೆಂದರೆ, ಹೆಲೆನ್ ಜೊತೆ ನನಗೆ ಸಂಬಂಧವಿತ್ತು. ಅದು ನನ್ನ ಮೊದಲ ಹೆಂಡತಿಗೆ ಗೊತ್ತಾದದ್ದು ತಡವಾಗಿ. <br /> <br /> ನಾನೇ ಹೇಳಬೇಕು ಎಂದುಕೊಂಡಿದ್ದರೂ ಬೇರೆಯವರಿಂದ ನನ್ನ ಹೆಂಡತಿಗೆ ಆ ಸಂಗತಿ ತಿಳಿಯಿತು. ಆ ಸಂದರ್ಭದಲ್ಲಿ ನಾನು ಎದುರಿಸಿದ ಕಷ್ಟ ಅಷ್ಟಿಷ್ಟಲ್ಲ. ಹೆಣ್ಣಿನ ಆಕರ್ಷಣೆ ಪುರುಷನಿಗೆ ಸಹಜವಾದದ್ದೇ ಹೌದು. ಆದರೆ, ಮನಸ್ಸು ಮಾಗುತ್ತಾ ಹೋದಂತೆ ಹೆಣ್ಣಿನ ಜೊತೆಗಿನ ಸಂಬಂಧವನ್ನು ನಾವೇ ವಿಮರ್ಶೆ ಮಾಡಿಕೊಳ್ಳಲು ಪ್ರಾರಂಭಿಸುತ್ತೇವೆ. ಈ ವಿಷಯದಲ್ಲಿ ಸಲ್ಮಾನ್ ಮನಸ್ಥಿತಿಯೂ ನನ್ನಂತೆಯೇ ಇರಬೇಕೋ ಏನೋ? ಇನ್ನು ನಾನು ಅವನನ್ನು ಮದುವೆಯ ಬಗ್ಗೆ ಒತ್ತಾಯಿಸಲಾರೆ~.<br /> <br /> `ದಬಂಗ್~ ಚಿತ್ರಕ್ಕೀಗ ರಾಷ್ಟ್ರಪ್ರಶಸ್ತಿಯ ಗರಿ. ಈ ಬಗ್ಗೆ ಸಲ್ಮಾನ್ಗೆ ಅಂಥ ಹೆಮ್ಮೆಯೇನೂ ಇಲ್ಲ. `ಜನ ಸಿನಿಮಾ ನೋಡಿ ಗೆದ್ದರೆ ಅದೇ ಅವಾರ್ಡು. ಅಭಿನವ್ ಕಶ್ಯಪ್ ಸ್ಕ್ರಿಪ್ಟ್ ಹಿಡಿದುಕೊಂಡು ಓಡಾಡುತ್ತಿದ್ದಾಗ ನಾನು ಅವಕಾಶ ಕೊಟ್ಟೆ. <br /> <br /> ಸಿನಿಮಾ ಮಾಡಿದ ನಂತರ ಅನುರಾಗ್ ಕಶ್ಯಪ್ ಟ್ವಿಟ್ಟರ್ನಲ್ಲಿ ನನ್ನ ತಮ್ಮನನ್ನೇ ಬಾಯಿಗೆ ಬಂದಂತೆ ಬೈದರು. ಸಣ್ಣ ಬಜೆಟ್ನಲ್ಲಿ ಸಿನಿಮಾ ಮಾಡುವ ಬಯಕೆ ಇಟ್ಟುಕೊಂಡು ಅಭಿನವ್ ಬಂದದ್ದು. ನಾನು ಅದನ್ನು ದೊಡ್ಡ ಬಜೆಟ್ನ ಸಿನಿಮಾ ಆಗಿಸಿದೆ. ಈ ಬಗೆಗೂ ನಿರ್ದೇಶಕ ಅಭಿನವ್ಗೆ ಬೇಸರವಿತ್ತು.<br /> <br /> ಅವನಿಗೆ ಸಲ್ಲಬೇಕಾದ ಸಂಭಾವನೆಯನ್ನು ನಾನು ಕೊಟ್ಟಿದ್ದೆ ಎಂಬ ಸಮಾಧಾನ ನನ್ನದು. ಆದರೂ ಒಬ್ಬ ನಿರ್ದೇಶಕ ತನ್ನ ಚಿತ್ರವನ್ನು ಅಷ್ಟು ಹಚ್ಚಿಕೊಳ್ಳುವುದು ನನಗೆ ಆಶ್ಚರ್ಯದ ಸಂಗತಿಯಾಗಿ ಕಾಣುತ್ತದೆ. <br /> <br /> ದಬಂಗ್ನ ಎರಡನೇ ಭಾಗ ನಿರ್ದೇಶಿಸಲು ಅಭಿನವ್ ಒಪ್ಪಲಿಲ್ಲ. ಅದಕ್ಕೇ ಅರ್ಬಾಜ್ ಖಾನ್ಗೆ ಆ ಜವಾಬ್ದಾರಿ ಕೊಟ್ಟೆ. ರಾಷ್ಟ್ರಪ್ರಶಸ್ತಿಯಿಂದ ನನಗಿಂತ ಅಭಿನವ್ಗೆ ಹೆಚ್ಚು ಖುಷಿಯಾಗಿರಬೇಕು~ ಅಂತಾರೆ ಸಲ್ಮಾನ್.<br /> <br /> ಅಂದಹಾಗೆ, ಜೂನ್ ಮೊದಲ ವಾರ ಸಲ್ಮಾನ್ ಅಭಿನಯದ `ರೆಡಿ~ ರೀಮೇಕ್ ಚಿತ್ರ ತೆರೆಕಂಡಿದೆ. `ದಬಂಗ್~ಗೆ ಎದ್ದಿದ್ದ ಅಲೆಯೇ ಈ ಚಿತ್ರದತ್ತಲೂ ವಾಲಿಕೊಂಡು ಬರಲಿದೆ ಎಂಬುದು ಅವರ ನಂಬುಗೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
