ಗುರುವಾರ , ಏಪ್ರಿಲ್ 15, 2021
31 °C

ಸೌಮ್ಯವಾದಿ ಸ್ಪೀಕರ್‌ಗೆ ಬಂದ ಸಿಟ್ಟಿನ ಪ್ರಸಂಗ...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಐಎಎನ್‌ಎಸ್): ಯಾವಾಗಲೂ ಮೃದು ಧ್ವನಿಯಿಂದಲೇ ಲೋಕಸಭೆ ಕಲಾಪವನ್ನು ನಿಭಾಯಿಸುವ ಸ್ಪೀಕರ್ ಮೀರಾ ಕುಮಾರ್, ಅಂತರರಾಷ್ಟ್ರೀಯ ಮಹಿಳಾ ದಿನವಾದ ಮಂಗಳವಾರ ಅಸಾಮಾನ್ಯವೆಂಬಂತೆ ಸುಗಮ ಕಲಾಪಕ್ಕೆ ಅಡ್ಡಿಪಡಿಸಿದ ಕೆಲವು ಪುರುಷ ಸಂಸದರ ಮೇಲೆ ರೇಗಿದ ಅಪರೂಪ ಪ್ರಸಂಗ ಎದುರಾಯಿತು.



ಸಮಾಜವಾದಿ ಪಕ್ಷದ ನಾಯಕರನ್ನು ಲಖನೌದಲ್ಲಿ ಸೋಮವಾರ ಗೃಹಬಂಧನಕ್ಕೆ ಒಳಪಡಿಸಿದ ಘಟನೆಯನ್ನು ಪ್ರಸ್ತಾಪಿಸಿ, ಪ್ರಶಾವಧಿಯಲ್ಲಿ ಪಕ್ಷದ ಸದಸ್ಯರು ಸಭಾಧ್ಯಕ್ಷರ ಪೀಠದ ಮುಂದೆ ಧಾವಿಸಿದಾಗ ಸಿಡಿಮಿಡಿಕೊಂಡ ಮೀರಾ, ‘ಹಿಂದಕ್ಕೆ ಹೋಗಿ ನಿಮ್ಮ ಆಸನಗಳಲ್ಲಿ ಕುಳಿತು ಕೊಳ್ಳಿರಿ; ಶಾಂತಿಯಿಂದ ಇರಿ, ಶಿಸ್ತು ಪಾಲಿಸಿ’ ಎಂದಾಗ, ಅವರೆಲ್ಲ ವಾಪಸ್ ತಮ್ಮ ಆಸನಗಳಿಗೆ ಮರಳಿದರು. ಸ್ಪೀಕರ್ ಸಿಟ್ಟಿಗೆ ಕಾರಣವಾದ ಈ ಘಟನೆಯ ಬಗ್ಗೆ ಎಸ್‌ಪಿ ನಾಯಕ ಮುಲಾಯಂ ಸಿಂಗ್ ಯಾದವ್ ಕ್ಷಮೆಯಾಚಿಸಿದಾಗ, ತಾವು ಆಕ್ರೋಶಗೊಂಡಿಲ್ಲ ಎಂದು ಮೀರಾ ಸೌಮ್ಯವಾಗಿಯೇ ಪ್ರತಿಕ್ರಿಯಿಸಿದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.