<p><strong>ರಿಯೊ ಡಿ ಜನೈರೊ (ಎಪಿ):</strong> `ರಾಷ್ಟ್ರೀಯ ಭದ್ರತಾ ಸಂಸ್ಥೆ (ಎನ್ಎಸ್ಎ) ಕಾರ್ಯವೈಖರಿಯನ್ನು ಒಳಗೊಂಡ ಸೂಕ್ಷ್ಮ ನೀಲನಕ್ಷೆ ಸೇರಿ ಸಾವಿರಾರು ಮಹತ್ವದ ದಾಖಲೆಗಳು ಬೇಹುಗಾರಿಕೆ ಇಲಾಖೆಯ ಮಾಜಿ ಗುತ್ತಿಗೆದಾರ, ತಂತ್ರಜ್ಞ ಎಡ್ವರ್ಡ್ ಸ್ನೊಡೆನ್ ಬಳಿ ಇವೆ' ಎಂದು ಅಂಕಣಕಾರ ಗ್ಲೆನ್ ಗ್ರೀನ್ವಾಲ್ಡ್ ತಿಳಿಸಿದ್ದಾರೆ.<br /> <br /> `ಸ್ನೊಡೆನ್ ಬಳಿ ಇರುವ ದಾಖಲೆಗಳಿಂದ ಅವರು ಹೇಳುತ್ತಿರುವುದು ನಿಜ ಎನ್ನುವುದನ್ನು ಸಾಬೀತು ಮಾಡಬಹುದು' ಎಂದು ಈ ಪ್ರಕರಣದ ಕುರಿತು ಮೊದಲ ಬಾರಿಗೆ ವರದಿ ಪ್ರಕಟಿಸಿದ `ಗಾರ್ಡಿಯನ್' ಪತ್ರಿಕೆಯ ಅಂಕಣಕಾರ ಗ್ರೀನ್ವಾಲ್ಡ್ ಹೇಳಿದ್ದಾರೆ.<br /> <br /> ಹಲವು ವಾರಗಳಿಂದ ಮಾಸ್ಕೊ ವಿಮಾನ ನಿಲ್ದಾಣದಲ್ಲಿ ಇರುವ ಸ್ನೊಡೆನ್, ಶುಕ್ರವಾರ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರನ್ನು ಭೇಟಿ ಮಾಡುವ ಇಂಗಿತ ವ್ಯಕ್ತಪಡಿಸಿದ್ದರು. ಲ್ಯಾಟಿನ್ ಅಮೆರಿಕಕ್ಕೆ ತೆರಳುವವರೆಗೆ ರಷ್ಯಾದಲ್ಲಿ ಆಶ್ರಯ ನೀಡಿದರೆ ಅಮೆರಿಕಕ್ಕೆ ಸಂಬಂಧಿಸಿದ ರಹಸ್ಯ ಮಾಹಿತಿಗಳನ್ನು ಬಹಿರಂಗಪಡಿಸುವುದಿಲ್ಲ ಎಂದೂ ಹೇಳಿದ್ದರು.<br /> <br /> `ತಮ್ಮ ಬಳಿ ಇರುವ ದಾಖಲೆಗಳನ್ನು ಬಹಿರಂಗಪಡಿಸುವುದಿಲ್ಲ ಎಂದು ಸ್ನೊಡೆನ್ ತಿಳಿಸಿದ್ದಾರೆ. ಈ ಮಹತ್ವದ ದಾಖಲೆಗಳನ್ನು ಯಾರಾದರೂ ಓದಿದಲ್ಲಿ ಎನ್ಎಸ್ಎ ಕಾರ್ಯವೈಖರಿಯನ್ನು ತಿಳಿದುಕೊಳ್ಳಬಹುದು' ಎಂದು ಸ್ನೊಡೆನ್ ಜೊತೆ ಮಾತುಕತೆ ನಡೆಸಿದ ನಾಲ್ಕು ಗಂಟೆಗಳ ಬಳಿಕ ಗ್ರೀನ್ವಾಲ್ಡ್ ತಿಳಿಸಿದ್ದಾರೆ.<br /> <br /> `ಒಂದುವೇಳೆ ದಾಖಲೆಗಳನ್ನು ಜಗ ಜ್ಜಾಹೀರು ಮಾಡಿದರೆ ಅಮೆರಿಕ ಅಥವಾ ಅದರ ರಾಷ್ಟ್ರೀಯ ಭದ್ರತೆಗೆ ಅಪಾಯ ಉಂಟಾಗಬಹುದು. ಅಲ್ಲದೇ ಅವರ ಉದ್ದೇಶ ಕೂಡ ಬಹಿರಂಗ ಗೊಳ್ಳುತ್ತದೆ' ಎಂದೂ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಿಯೊ ಡಿ ಜನೈರೊ (ಎಪಿ):</strong> `ರಾಷ್ಟ್ರೀಯ ಭದ್ರತಾ ಸಂಸ್ಥೆ (ಎನ್ಎಸ್ಎ) ಕಾರ್ಯವೈಖರಿಯನ್ನು ಒಳಗೊಂಡ ಸೂಕ್ಷ್ಮ ನೀಲನಕ್ಷೆ ಸೇರಿ ಸಾವಿರಾರು ಮಹತ್ವದ ದಾಖಲೆಗಳು ಬೇಹುಗಾರಿಕೆ ಇಲಾಖೆಯ ಮಾಜಿ ಗುತ್ತಿಗೆದಾರ, ತಂತ್ರಜ್ಞ ಎಡ್ವರ್ಡ್ ಸ್ನೊಡೆನ್ ಬಳಿ ಇವೆ' ಎಂದು ಅಂಕಣಕಾರ ಗ್ಲೆನ್ ಗ್ರೀನ್ವಾಲ್ಡ್ ತಿಳಿಸಿದ್ದಾರೆ.<br /> <br /> `ಸ್ನೊಡೆನ್ ಬಳಿ ಇರುವ ದಾಖಲೆಗಳಿಂದ ಅವರು ಹೇಳುತ್ತಿರುವುದು ನಿಜ ಎನ್ನುವುದನ್ನು ಸಾಬೀತು ಮಾಡಬಹುದು' ಎಂದು ಈ ಪ್ರಕರಣದ ಕುರಿತು ಮೊದಲ ಬಾರಿಗೆ ವರದಿ ಪ್ರಕಟಿಸಿದ `ಗಾರ್ಡಿಯನ್' ಪತ್ರಿಕೆಯ ಅಂಕಣಕಾರ ಗ್ರೀನ್ವಾಲ್ಡ್ ಹೇಳಿದ್ದಾರೆ.<br /> <br /> ಹಲವು ವಾರಗಳಿಂದ ಮಾಸ್ಕೊ ವಿಮಾನ ನಿಲ್ದಾಣದಲ್ಲಿ ಇರುವ ಸ್ನೊಡೆನ್, ಶುಕ್ರವಾರ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರನ್ನು ಭೇಟಿ ಮಾಡುವ ಇಂಗಿತ ವ್ಯಕ್ತಪಡಿಸಿದ್ದರು. ಲ್ಯಾಟಿನ್ ಅಮೆರಿಕಕ್ಕೆ ತೆರಳುವವರೆಗೆ ರಷ್ಯಾದಲ್ಲಿ ಆಶ್ರಯ ನೀಡಿದರೆ ಅಮೆರಿಕಕ್ಕೆ ಸಂಬಂಧಿಸಿದ ರಹಸ್ಯ ಮಾಹಿತಿಗಳನ್ನು ಬಹಿರಂಗಪಡಿಸುವುದಿಲ್ಲ ಎಂದೂ ಹೇಳಿದ್ದರು.<br /> <br /> `ತಮ್ಮ ಬಳಿ ಇರುವ ದಾಖಲೆಗಳನ್ನು ಬಹಿರಂಗಪಡಿಸುವುದಿಲ್ಲ ಎಂದು ಸ್ನೊಡೆನ್ ತಿಳಿಸಿದ್ದಾರೆ. ಈ ಮಹತ್ವದ ದಾಖಲೆಗಳನ್ನು ಯಾರಾದರೂ ಓದಿದಲ್ಲಿ ಎನ್ಎಸ್ಎ ಕಾರ್ಯವೈಖರಿಯನ್ನು ತಿಳಿದುಕೊಳ್ಳಬಹುದು' ಎಂದು ಸ್ನೊಡೆನ್ ಜೊತೆ ಮಾತುಕತೆ ನಡೆಸಿದ ನಾಲ್ಕು ಗಂಟೆಗಳ ಬಳಿಕ ಗ್ರೀನ್ವಾಲ್ಡ್ ತಿಳಿಸಿದ್ದಾರೆ.<br /> <br /> `ಒಂದುವೇಳೆ ದಾಖಲೆಗಳನ್ನು ಜಗ ಜ್ಜಾಹೀರು ಮಾಡಿದರೆ ಅಮೆರಿಕ ಅಥವಾ ಅದರ ರಾಷ್ಟ್ರೀಯ ಭದ್ರತೆಗೆ ಅಪಾಯ ಉಂಟಾಗಬಹುದು. ಅಲ್ಲದೇ ಅವರ ಉದ್ದೇಶ ಕೂಡ ಬಹಿರಂಗ ಗೊಳ್ಳುತ್ತದೆ' ಎಂದೂ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
