<p>`ದೇವರ ಹರಕೆಗಾಗಿ ಮಾಂಸಾಹಾರ ತಿನ್ನುವುದನ್ನು ಬಿಟ್ಟಿರುವೆ. ಅದು ನನ್ನ ಫಿಟ್ನೆಸ್ಗೂ ನೆರವಾಗಿದೆ~ ಎಂದು ನಕ್ಕರು ಹಾರ್ದಿಕಾ ಶೆಟ್ಟಿ.<br /> <br /> ಹೊಳೆವ ಮೈಕಾಂತಿಯ ಸಪೂರ ಚೆಲುವೆ ಹಾರ್ದಿಕಾ ಮಂಗಳೂರಿನವರು. ಅವರೀಗ `ಬೆಂಗಳೂರು ಮೆಟ್ರೊ~ ಮತ್ತು `ಗಲಾಟೆ~ ಚಿತ್ರಗಳ ಚಿತ್ರೀಕರಣ ಮುಗಿಸಿ ಬಿಡುಗಡೆಗೆ ಕಾಯುತ್ತಿದ್ದಾರೆ. ನಿಶಾ ಶೆಟ್ಟಿ ಎಂಬ ತಮ್ಮ ನಾಮಾಂಕಿತವನ್ನು ಹಾರ್ದಿಕಾ ಎಂದು ಬದಲಿಸಿಕೊಂಡು ಸಂಖ್ಯಾಶಾಸ್ತ್ರದ ಮ್ಯಾಜಿಕ್ ನಡೆಯುವುದೇ ಎಂದು ಕಾದು ಕುಳಿತಿದ್ದಾರೆ.<br /> <br /> `ನಟಿಯಾದ ಮೇಲೆ ಚೆನ್ನಾಗಿ ಕಾಣಿಸುವುದು ತುಂಬಾನೆ ಮುಖ್ಯ~ ಎನ್ನುವ ಅವರು ಫಿಟ್ನೆಸ್ಗೆ ಆದ್ಯತೆ ನೀಡುವ ನಟಿ. `ಪ್ರತಿದಿನ ಕನಿಷ್ಠ ಒಂದು ಗಂಟೆ ಯೋಗ ಮಾಡುವೆ. ಅದೇ ನನ್ನ ಆರೋಗ್ಯಕರ ಮೈಕಾಂತಿಯ ಗುಟ್ಟು. ಆಗಾಗ ಏರೋಬಿಕ್ಸ್ ಕೂಡ ಮಾಡುತ್ತೇನೆ. <br /> <br /> ಆದರೆ ನಿಯಮಿತವಾಗಿ ಯೋಗ ಮಾಡುವುದನ್ನು ಮಾತ್ರ ತಪ್ಪಿಸುವುದಿಲ್ಲ~ ಎನ್ನುವ ಅವರಿಗೆ ತಿನ್ನುವ ಆಹಾರದ ಬಗ್ಗೆಯೂ ಎಚ್ಚರ ಇದೆ. ಕೇವಲ ಸಣ್ಣಗಾಗಬೇಕು ಎಂದು ಅತಿಯಾದ ಡಯಟಿಂಗ್ಗೆ ಮೊರೆಹೋಗದ ಅವರು ಆರೋಗ್ಯಕರ ಡಯಟಿಂಗ್ಗೆ ಮನಸೋತವರು. <br /> <br /> `ಅನ್ನ ಜಾಸ್ತಿ ತಿಂದರೆ ಮುಖ ಊದಿಬಿಡುತ್ತದೆ. ಅದಕ್ಕೇ ನಾನು ಅನ್ನ ತಿನ್ನಲ್ಲ. ಹೆಚ್ಚಾಗಿ ತರಕಾರಿ, ಹಣ್ಣು ತಿನ್ನುತ್ತೇನೆ, ಜ್ಯೂಸ್ಗಳನ್ನು ಕುಡಿಯುತ್ತೇನೆ. ಜಂಕ್ಫುಡ್ ತಿನ್ನುವುದೇ ಇಲ್ಲ. ಇನ್ನು ನನ್ನಿಷ್ಟದ ಚಿಕನ್ ತಿನ್ನುವುದನ್ನು ಬಿಟ್ಟುಬಿಟ್ಟಿದ್ದೇನೆ~ ಎಂದು ಪಟ್ಟಿ ಒಪ್ಪಿಸುತ್ತಾರೆ.<br /> <br /> ಅವರು ಮಾಂಸಾಹಾರ ತ್ಯಜಿಸಿರುವುದರ ಹಿಂದೆ ಫಿಟ್ನೆಸ್ಗಿಂತ ಹೆಚ್ಚಾಗಿ ದೇವರಿಗೆ ಮಾಡಿಕೊಂಡಿರುವ ಹರಕೆಯೇ ಕಾರಣ. ತಾವು ಜನಪ್ರಿಯ ನಟಿಯಾಗಬೇಕೆಂಬ ಸಂಕಲ್ಪ ತೊಟ್ಟು ಇಷ್ಟದ ಮಾಂಸಾಹಾರವನ್ನು ಬಿಟ್ಟಿದ್ದಾರಂತೆ. ಜೊತೆಗೆ ಅದು ಫಿಟ್ನೆಸ್ಗೂ ಸಹಕಾರಿಯಾಗಿದೆ ಎನ್ನುತ್ತಾರವರು. <br /> <br /> `ಮಾಂಸಾಹಾರದಿಂದ ದೇಹದಲ್ಲಿ ಹೆಚ್ಚು ಕೊಬ್ಬಿನಂಶ ಶೇಖರಣೆಯಾಗುತ್ತದೆ. ಅದನ್ನು ಬಿಡುವುದರಿಂದ ಕೊಬ್ಬು ದೇಹದಲ್ಲಿ ಸೇರುವುದನ್ನು ನಿಯಂತ್ರಿಸಬಹುದು. ನಾನು ಯಾವುದೇ ಡಯಟೀಶಿಯನ್ ಅಥವಾ ಫಿಟ್ನೆಸ್ ಗುರುಗಳನ್ನು ಆಶ್ರಯಿಸಿಲ್ಲ. ಆರೋಗ್ಯಕರವಾದ ಹವ್ಯಾಸಗಳನ್ನು ಸಣ್ಣಂದಿನಿಂದ ಬೆಳೆಸಿಕೊಂಡಿರುವುದರಿಂದ ನನ್ನ ವೃತ್ತಿಗೆ ಅದು ನೆರವಾಗಿದೆ~ ಎನ್ನುತ್ತಾರೆ.<br /> <br /> `ನಟಿಯಾಗಿ ಮೈಕಟ್ಟು ಕಾಯ್ದುಕೊಳ್ಳುವುದು ಎರಡನೆಯ ಸಂಗತಿ. ಆದರೆ ಮಾನವರಾಗಿ ಆರೋಗ್ಯವಂತ ಮೈಕಟ್ಟು ಹೊಂದುವುದು ಎಲ್ಲರಿಗೂ ಮುಖ್ಯ~ ಎನುವುದರಲ್ಲಿ ನಂಬಿಕೆ ಇಟ್ಟಿರುವ ಹಾರ್ದಿಕಾಗೆ ಮೈಯ್ಯಲ್ಲಿ ಆರೋಗ್ಯ ಇಲ್ಲದಿದ್ದರೆ ಮುಖದ ಕಾಂತಿ ಮೆರೆಯಾದಂತೆ ಎನಿಸಿದೆ. <br /> <br /> ನಟಿಯಾಗಿರುವುದರಿಂದ ಕೊಂಚ ಹೆಚ್ಚು ಫಿಟ್ನೆಸ್ ಕಡೆ ಗಮನಹರಿಸಿರುವ ಹಾರ್ದಿಕಾ ಸಣ್ಣಗಿದ್ದರೂ ಆಕರ್ಷಕವಾಗಿರಬೇಕೆಂಬಾಸೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ದೇವರ ಹರಕೆಗಾಗಿ ಮಾಂಸಾಹಾರ ತಿನ್ನುವುದನ್ನು ಬಿಟ್ಟಿರುವೆ. ಅದು ನನ್ನ ಫಿಟ್ನೆಸ್ಗೂ ನೆರವಾಗಿದೆ~ ಎಂದು ನಕ್ಕರು ಹಾರ್ದಿಕಾ ಶೆಟ್ಟಿ.<br /> <br /> ಹೊಳೆವ ಮೈಕಾಂತಿಯ ಸಪೂರ ಚೆಲುವೆ ಹಾರ್ದಿಕಾ ಮಂಗಳೂರಿನವರು. ಅವರೀಗ `ಬೆಂಗಳೂರು ಮೆಟ್ರೊ~ ಮತ್ತು `ಗಲಾಟೆ~ ಚಿತ್ರಗಳ ಚಿತ್ರೀಕರಣ ಮುಗಿಸಿ ಬಿಡುಗಡೆಗೆ ಕಾಯುತ್ತಿದ್ದಾರೆ. ನಿಶಾ ಶೆಟ್ಟಿ ಎಂಬ ತಮ್ಮ ನಾಮಾಂಕಿತವನ್ನು ಹಾರ್ದಿಕಾ ಎಂದು ಬದಲಿಸಿಕೊಂಡು ಸಂಖ್ಯಾಶಾಸ್ತ್ರದ ಮ್ಯಾಜಿಕ್ ನಡೆಯುವುದೇ ಎಂದು ಕಾದು ಕುಳಿತಿದ್ದಾರೆ.<br /> <br /> `ನಟಿಯಾದ ಮೇಲೆ ಚೆನ್ನಾಗಿ ಕಾಣಿಸುವುದು ತುಂಬಾನೆ ಮುಖ್ಯ~ ಎನ್ನುವ ಅವರು ಫಿಟ್ನೆಸ್ಗೆ ಆದ್ಯತೆ ನೀಡುವ ನಟಿ. `ಪ್ರತಿದಿನ ಕನಿಷ್ಠ ಒಂದು ಗಂಟೆ ಯೋಗ ಮಾಡುವೆ. ಅದೇ ನನ್ನ ಆರೋಗ್ಯಕರ ಮೈಕಾಂತಿಯ ಗುಟ್ಟು. ಆಗಾಗ ಏರೋಬಿಕ್ಸ್ ಕೂಡ ಮಾಡುತ್ತೇನೆ. <br /> <br /> ಆದರೆ ನಿಯಮಿತವಾಗಿ ಯೋಗ ಮಾಡುವುದನ್ನು ಮಾತ್ರ ತಪ್ಪಿಸುವುದಿಲ್ಲ~ ಎನ್ನುವ ಅವರಿಗೆ ತಿನ್ನುವ ಆಹಾರದ ಬಗ್ಗೆಯೂ ಎಚ್ಚರ ಇದೆ. ಕೇವಲ ಸಣ್ಣಗಾಗಬೇಕು ಎಂದು ಅತಿಯಾದ ಡಯಟಿಂಗ್ಗೆ ಮೊರೆಹೋಗದ ಅವರು ಆರೋಗ್ಯಕರ ಡಯಟಿಂಗ್ಗೆ ಮನಸೋತವರು. <br /> <br /> `ಅನ್ನ ಜಾಸ್ತಿ ತಿಂದರೆ ಮುಖ ಊದಿಬಿಡುತ್ತದೆ. ಅದಕ್ಕೇ ನಾನು ಅನ್ನ ತಿನ್ನಲ್ಲ. ಹೆಚ್ಚಾಗಿ ತರಕಾರಿ, ಹಣ್ಣು ತಿನ್ನುತ್ತೇನೆ, ಜ್ಯೂಸ್ಗಳನ್ನು ಕುಡಿಯುತ್ತೇನೆ. ಜಂಕ್ಫುಡ್ ತಿನ್ನುವುದೇ ಇಲ್ಲ. ಇನ್ನು ನನ್ನಿಷ್ಟದ ಚಿಕನ್ ತಿನ್ನುವುದನ್ನು ಬಿಟ್ಟುಬಿಟ್ಟಿದ್ದೇನೆ~ ಎಂದು ಪಟ್ಟಿ ಒಪ್ಪಿಸುತ್ತಾರೆ.<br /> <br /> ಅವರು ಮಾಂಸಾಹಾರ ತ್ಯಜಿಸಿರುವುದರ ಹಿಂದೆ ಫಿಟ್ನೆಸ್ಗಿಂತ ಹೆಚ್ಚಾಗಿ ದೇವರಿಗೆ ಮಾಡಿಕೊಂಡಿರುವ ಹರಕೆಯೇ ಕಾರಣ. ತಾವು ಜನಪ್ರಿಯ ನಟಿಯಾಗಬೇಕೆಂಬ ಸಂಕಲ್ಪ ತೊಟ್ಟು ಇಷ್ಟದ ಮಾಂಸಾಹಾರವನ್ನು ಬಿಟ್ಟಿದ್ದಾರಂತೆ. ಜೊತೆಗೆ ಅದು ಫಿಟ್ನೆಸ್ಗೂ ಸಹಕಾರಿಯಾಗಿದೆ ಎನ್ನುತ್ತಾರವರು. <br /> <br /> `ಮಾಂಸಾಹಾರದಿಂದ ದೇಹದಲ್ಲಿ ಹೆಚ್ಚು ಕೊಬ್ಬಿನಂಶ ಶೇಖರಣೆಯಾಗುತ್ತದೆ. ಅದನ್ನು ಬಿಡುವುದರಿಂದ ಕೊಬ್ಬು ದೇಹದಲ್ಲಿ ಸೇರುವುದನ್ನು ನಿಯಂತ್ರಿಸಬಹುದು. ನಾನು ಯಾವುದೇ ಡಯಟೀಶಿಯನ್ ಅಥವಾ ಫಿಟ್ನೆಸ್ ಗುರುಗಳನ್ನು ಆಶ್ರಯಿಸಿಲ್ಲ. ಆರೋಗ್ಯಕರವಾದ ಹವ್ಯಾಸಗಳನ್ನು ಸಣ್ಣಂದಿನಿಂದ ಬೆಳೆಸಿಕೊಂಡಿರುವುದರಿಂದ ನನ್ನ ವೃತ್ತಿಗೆ ಅದು ನೆರವಾಗಿದೆ~ ಎನ್ನುತ್ತಾರೆ.<br /> <br /> `ನಟಿಯಾಗಿ ಮೈಕಟ್ಟು ಕಾಯ್ದುಕೊಳ್ಳುವುದು ಎರಡನೆಯ ಸಂಗತಿ. ಆದರೆ ಮಾನವರಾಗಿ ಆರೋಗ್ಯವಂತ ಮೈಕಟ್ಟು ಹೊಂದುವುದು ಎಲ್ಲರಿಗೂ ಮುಖ್ಯ~ ಎನುವುದರಲ್ಲಿ ನಂಬಿಕೆ ಇಟ್ಟಿರುವ ಹಾರ್ದಿಕಾಗೆ ಮೈಯ್ಯಲ್ಲಿ ಆರೋಗ್ಯ ಇಲ್ಲದಿದ್ದರೆ ಮುಖದ ಕಾಂತಿ ಮೆರೆಯಾದಂತೆ ಎನಿಸಿದೆ. <br /> <br /> ನಟಿಯಾಗಿರುವುದರಿಂದ ಕೊಂಚ ಹೆಚ್ಚು ಫಿಟ್ನೆಸ್ ಕಡೆ ಗಮನಹರಿಸಿರುವ ಹಾರ್ದಿಕಾ ಸಣ್ಣಗಿದ್ದರೂ ಆಕರ್ಷಕವಾಗಿರಬೇಕೆಂಬಾಸೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
