<p><strong>ಕಾರವಾರ: </strong>ಉತ್ತರ ಕನ್ನಡ ಜಿಲ್ಲೆ ಎಂದರೆ ಹಸಿರುಹೊದ್ದ ಗುಡ್ಡಬೆಟ್ಟಗಳು, ಕರಾವಳಿ ತೀರ ಪ್ರದೇಶಗಳು, ಜಲಪಾತಗಳು ಹಾಗೂ ಬಯಲು ಪ್ರದೇಶ. ಇಲ್ಲಿ ಎಲ್ಲವೂ ವೈವಿಧ್ಯಮಯ.<br /> <br /> ಮಳೆ ಶುರುವಾಯಿತೆಂದರೆ ಜಿಲ್ಲೆಯಲ್ಲಿ ಜಲಪಾತಗಳದ್ದೆ ದರ್ಬಾರು. ಮಳೆಗಾಲದಲ್ಲಿ ಪಶ್ಚಿಮಘಟ್ಟದಲ್ಲಿ ಹುಟ್ಟಿ ಧುಮುಕುವ ಜಲಧಾರೆಗಳಿಗೆ ಲೆಕ್ಕವೇ ಇಲ್ಲ. ಒಂದಕ್ಕಿಂತ ಇನ್ನೊಂದು ಭಿನ್ನ. ಕಾರವಾರ ಸಮೀಪದ `ವಜ್ರ~ ಜಲಪಾತ ಪಶ್ಚಿಮಘಟ್ಟದಲ್ಲಿರುವ ಸಾಲು ಜಲಪಾತಗಳಲ್ಲಿ ಒಂದಾಗಿದೆ. <br /> <br /> ಕಾರವಾರದಿಂದ ಕದ್ರಾದಿಂದ ಜೋಯಿಡಾಕ್ಕೆ ಹೋಗುವ ಮಾರ್ಗದಲ್ಲಿ ಅಣಶಿಯಿಂದ ಸುಮಾರು ಹತ್ತು ಕಿ.ಮೀ. ದೂರ ಈ ಜಲಪಾತವಿದೆ. ಸುಮಾರು ಎಪ್ಪತ್ತು ಅಡಿ ಎತ್ತರದಿಂದ ಹಂತಹಂತವಾಗಿ ತಳಕುತ್ತ ಬಳುಕುತ್ತ ಹಾಲ್ನೊರೆಯಂತೆ ಧುಮುಕುವ ಜಲಪಾತ ನೋಡುಗರ ಕಣ್ಮನ ಸೆಳೆಯುವುದು.<br /> <br /> ಮೇಲಿನಿಂದ ಮೂರು ಕವಲುಗಳಾಗಿ ಟಿಸಿಲೊಡೆದು ಕೊನೆಯಲ್ಲಿ ಒಂದೆಡೆ ಸೇರಿದಾಗ ಅದರ ರೌದ್ರ ಶಬ್ದ ಕೇಳಿದರೆ ಎದೆ ಡವಡವ ಎನ್ನುತ್ತದೆ. ರಸ್ತೆಯ ಪಕ್ಕದಲ್ಲಿ ನಿಂತು ಜಲಪಾತದ ಸೊಬಗನ್ನು ಸವಿಯಬಹುದು. ಡಿಸೆಂಬರ್ವರೆಗೂ ಪ್ರವಾಸಿಗರು ಈ ಜಲಪಾತದ ಸೊಬಗನ್ನು ಸವಿಯಬಹುದಾಗಿದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರವಾರ: </strong>ಉತ್ತರ ಕನ್ನಡ ಜಿಲ್ಲೆ ಎಂದರೆ ಹಸಿರುಹೊದ್ದ ಗುಡ್ಡಬೆಟ್ಟಗಳು, ಕರಾವಳಿ ತೀರ ಪ್ರದೇಶಗಳು, ಜಲಪಾತಗಳು ಹಾಗೂ ಬಯಲು ಪ್ರದೇಶ. ಇಲ್ಲಿ ಎಲ್ಲವೂ ವೈವಿಧ್ಯಮಯ.<br /> <br /> ಮಳೆ ಶುರುವಾಯಿತೆಂದರೆ ಜಿಲ್ಲೆಯಲ್ಲಿ ಜಲಪಾತಗಳದ್ದೆ ದರ್ಬಾರು. ಮಳೆಗಾಲದಲ್ಲಿ ಪಶ್ಚಿಮಘಟ್ಟದಲ್ಲಿ ಹುಟ್ಟಿ ಧುಮುಕುವ ಜಲಧಾರೆಗಳಿಗೆ ಲೆಕ್ಕವೇ ಇಲ್ಲ. ಒಂದಕ್ಕಿಂತ ಇನ್ನೊಂದು ಭಿನ್ನ. ಕಾರವಾರ ಸಮೀಪದ `ವಜ್ರ~ ಜಲಪಾತ ಪಶ್ಚಿಮಘಟ್ಟದಲ್ಲಿರುವ ಸಾಲು ಜಲಪಾತಗಳಲ್ಲಿ ಒಂದಾಗಿದೆ. <br /> <br /> ಕಾರವಾರದಿಂದ ಕದ್ರಾದಿಂದ ಜೋಯಿಡಾಕ್ಕೆ ಹೋಗುವ ಮಾರ್ಗದಲ್ಲಿ ಅಣಶಿಯಿಂದ ಸುಮಾರು ಹತ್ತು ಕಿ.ಮೀ. ದೂರ ಈ ಜಲಪಾತವಿದೆ. ಸುಮಾರು ಎಪ್ಪತ್ತು ಅಡಿ ಎತ್ತರದಿಂದ ಹಂತಹಂತವಾಗಿ ತಳಕುತ್ತ ಬಳುಕುತ್ತ ಹಾಲ್ನೊರೆಯಂತೆ ಧುಮುಕುವ ಜಲಪಾತ ನೋಡುಗರ ಕಣ್ಮನ ಸೆಳೆಯುವುದು.<br /> <br /> ಮೇಲಿನಿಂದ ಮೂರು ಕವಲುಗಳಾಗಿ ಟಿಸಿಲೊಡೆದು ಕೊನೆಯಲ್ಲಿ ಒಂದೆಡೆ ಸೇರಿದಾಗ ಅದರ ರೌದ್ರ ಶಬ್ದ ಕೇಳಿದರೆ ಎದೆ ಡವಡವ ಎನ್ನುತ್ತದೆ. ರಸ್ತೆಯ ಪಕ್ಕದಲ್ಲಿ ನಿಂತು ಜಲಪಾತದ ಸೊಬಗನ್ನು ಸವಿಯಬಹುದು. ಡಿಸೆಂಬರ್ವರೆಗೂ ಪ್ರವಾಸಿಗರು ಈ ಜಲಪಾತದ ಸೊಬಗನ್ನು ಸವಿಯಬಹುದಾಗಿದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>