ಹಿತ್ತಾಳೆ ಪಾತ್ರೆ ಬಳಕೆ

ಮನೆಯನ್ನು ಸುಂದರವಾಗಿ ಇಡುವುದು ಯಾರಿಗೆ ತಾನೆ ಇಷ್ಟವಿರುವುದಿಲ್ಲ. ಮನೆಗೆ ಬಂದ ಅತಿಥಿಗಳು, ಸ್ನೇಹಿತರು ನಿಮ್ಮ ಮನೆ ತುಂಬ ಚೆನ್ನಾಗಿದೆ, ಮನೆಯನ್ನು ಎಷ್ಟು ಚೊಕ್ಕವಾಗಿ ಇರಿಸಿರುವಿರಿ ಎಂಬ ಹೊಗಳಿಕೆಯ ಮಾತುಗಳು ಪ್ರಿಯವಾಗುತ್ತವೆ.

ಇಂತಹ ಹೊಗಳಿಗೆ ಪಡೆಯಲು ಕೆಲವರು ಸಾಕಷ್ಟು ಹಣ ಖರ್ಚು ಮಾಡುತ್ತಾರೆ. ಮಾರುಕಟ್ಟೆಯಲ್ಲಿ ಸಿಗುವ ಹೊಸ ಬಗೆಯ ಹೂದಾನಿಗಳನ್ನು, ದೀಪಗಳನ್ನು ಖರೀದಿಸಿ ತರುತ್ತೇವೆ. ಇದಕ್ಕೆಲ್ಲ ತುಂಬ ಹಣವನ್ನು ಸುರಿಯುತ್ತೇವೆ. ಹೀಗಿರುವಾಗ ನೀವು ಮನೆಯಲ್ಲಿಯೇ ಸಿಗುವ ಹಳೆಯ ಪಾತ್ರೆಗಳನ್ನು ಬಳಸಿ ನಿಮ್ಮ ಮನೆಯ ಸೌಂದರ್ಯವನ್ನು ಇನ್ನಷ್ಟು ಹೆಚ್ಚಿಸಬಹುದು.

ಮುಂದಿನ ಸಲ ನಿಮ್ಮ ಅಜ್ಜಿಯ ಮನೆಗೋ, ಅಮ್ಮನ ಮನೆಗೋ ಹೋದಾಗ ಅಲ್ಲಿನ ಅಟ್ಟದ ಮೇಲೆ ಹತ್ತಿ ಹುಡುಕಿ ನೋಡಿ. ಖಂಡಿತವಾಗಿಯೂ ನಿಮಗೆ ಕಪ್ಪಾಗಿ ಹೋದ, ದೂಳು ತುಂಬಿದ ಹಿತ್ತಾಳೆ ಪಾತ್ರೆಗಳು ಸಿಗುತ್ತವೆ.

ಹಿಂದಿನ ಕಾಲದಲ್ಲಿ ಊಟ ಮಾಡುವುದರಿಂದ ಹಿಡಿದು ಅಡಿಗೆ ಮಾಡುವವರೆಗೂ ಹಿತ್ತಾಳೆ ಪಾತ್ರೆಗಳನ್ನು ಬಳಸಲಾಗುತ್ತಿತ್ತು. ಕಾಲ ಬದಲಾದಂತೆ ಹಿತ್ತಾಳೆಯ ಬದಲಿಗೆ ಸ್ಟೀಲ್, ಪಾಸ್ಲ್ಟಿಕ್, ಸೆರಾಮಿಕ್ಸ್ ಮುಂತಾದವು ಬಳಕೆಗೆ ಬಂದವು. ಆದರೆ, ಅಂದಿನ ಕಾಲದ ಹಿತ್ತಾಳೆ ಪಾತ್ರೆಗಳ ಬಳಕೆ ಈಗ ಮತ್ತೆ ಫ್ಯಾಷನ್ ಆಗಿದೆ.

ಹಿತ್ತಾಳೆಯಿಂದ ಮಾಡಿದ ತಟ್ಟೆ, ಲೋಟ, ಅಡುಗೆ ಮಾಡುವ ಪಾತ್ರೆಗಳು, ಹೂವಿನ ಕುಂಡ, ವಾಸ್, ಲ್ಯಾಂಪ್, ಟೇಬಲ್ ಗಡಿಯಾರ, ದೀಪ, ಕೊಡ, ಶೋಪೀಸ್ಗಳು, ವಿಗ್ರಹಗಳು, ಕಲಾ ವಸ್ತುಗಳು ಲಭ್ಯ ಇವೆ.

ಹಿತ್ತಾಳೆ ಲೋಟಗಳನ್ನು ಹೂದಾನಿಗಳನ್ನಾಗಿ ಮಾಡಬಹುದು ಅಥವಾ ಪೆನ್ ಸ್ಟ್ಯಾಂಡ್ ಮಾಡಬಹುದು, ಮಡಿಕೆಗಳನ್ನು ಒಂದು ಮೂಲೆಯಲ್ಲಿ ಒಂದರ ಮೇಲೆ ಒಂದನ್ನು ಜೋಡಿಸಿ ಅದನ್ನು ಸ್ಟೋರೇಜ್ಗೆ ಉಪಯೋಗಿಸಬಹುದು. ಇವುಗಳು ನೋಡಲೂ ಸುಂದರವಾಗಿರುತ್ತವೆ.

ಕೆಲವು ಉದ್ದದ ಪಾತ್ರೆಗಳಲ್ಲಿ ಮನೆಯೊಳಗೆ ಗಿಡಗಳನ್ನೂ ಬೆಳೆಯಬಹುದು. ದೊಡ್ಡ ದೀಪಗಳನ್ನು ದೇವರ ಕೋಣೆಯ ಹೊರಗೆ ಇಟ್ಟರೆ ನೋಡಲು ಚಂದ. ಚಿಕ್ಕ ವಿಗ್ರಹಗಳನ್ನು ಟೇಬಲ್ ಮೇಲೆ ಇಡಬಹುದು. ಅಗಲ ಪಾತ್ರೆಗಳಲ್ಲಿ ನೀರು ತುಂಬಿ ಬಣ್ಣ ಬಣ್ಣದ ಹೂವುಗಳನ್ನು ತೇಲಿ ಬಿಡಿ. ನೋಡಲು ತುಂಬ ಸುಂದರವಾಗಿರುತ್ತದೆ.

ನಿಮ್ಮ ಬಳಿ ಹಳೆಯ ಹಿತ್ತಾಳೆ ಪಾತ್ರೆಗಳಿರದಿದ್ದರೆ ಚಿಂತೆಯಿಲ್ಲ. ಮಾರುಕಟ್ಟೆಯಲ್ಲಿ ವಿವಿಧ ಬಗೆಯ ಪಾತ್ರೆಗಳು ದೊರೆಯುತ್ತವೆ. ಕಪ್ಪಗಾದ ಹಳೆಯ ಹಿತ್ತಾಳೆ ಪಾತ್ರೆಗಳನ್ನು ಪಾಲಿಶ್ ಮಾಡಿಸಿದರೆ ಫಳ ಫಳ ಹೊಳೆಯುತ್ತವೆ.

ನೀರು, ಹುಣಸೆ, ವಿನೆಗರ್, ಲಿಂಬೆ ರಸ ಬಳಸಿ ಚೆನ್ನಾಗಿ ಉಜ್ಜಿ ತೊಳೆಯಿರಿ. ಇವುಗಳನ್ನು ಮನೆಗಳಲ್ಲಿ ಮಾತ್ರವಲ್ಲದೇ ಹೋಟೆಲ್, ಆಫೀಸ್, ಮಾಲ್, ದೇವಸ್ತಾನ, ಹಾಗು ಮದುವೆ ಮಂಟಪಗಳಲ್ಲಿಯೂ ಉಪಯೋಗಿಸಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಿತ್ತಾಳೆ ಪಾತ್ರೆ ಬಳಕೆ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ