ಹೆಚ್ಚಿನ ಅಧ್ಯಯನದಿಂದ ಮಾತ್ರ ಯಶಸ್ಸು ಸಾಧ್ಯ

ಬೆಂಗಳೂರು: ‘ವಿದ್ಯಾರ್ಥಿಗಳು ಉದ್ಯೋಗದ ಜೊತೆಗೆ ಆಸಕ್ತಿಯ ಕ್ಷೇತ್ರದಲ್ಲಿ ಹೆಚ್ಚಿನ ಸಂಶೋಧನೆ ನಡೆಸಿದಾಗ ಮಾತ್ರ ಯಶಸ್ಸು ಪಡೆಯಲು ಸಾಧ್ಯ’ ಎಂದು ನಾರ್ವೆಸ್ಟ್‌ ಕಂಪೆನಿಯ ಕಾರ್ಯನಿರ್ವಾಹಕ ನಿರ್ದೇಶಕ ಮೋಹನ್ ಕುಮಾರ್‌ ಹೇಳಿದರು.



ನಗರದ ಸಿಎಂಆರ್ ತಾಂತ್ರಿಕ ಮಹಾ­ವಿದ್ಯಾ­ಲಯ­ದಲ್ಲಿ  ಶನಿವಾರ ಆಯೋಜಿಸಿದ್ದ 11ನೇ ಪದವಿ ಪ್ರದಾನ ಸಮಾ­­ರಂಭವನ್ನು ಉದ್ಘಾಟಿಸಿ  ಮಾತನಾಡಿದರು.



‘ಯುವ ಎಂಜಿನಿಯರ್‌ಗಳು ಸವಾಲುಗಳನ್ನು ಧೈರ್ಯ­­ದಿಂದ  ಎದುರಿಸಬೇಕು. ಆಸಕ್ತಿಯ ಕ್ಷೇತ್ರ ಗುರು­­ತಿಸಿ­­ಕೊಂಡು ಉನ್ನತ ಸಾಧನೆ ಮಾಡಬೇಕು’ ಎಂದರು.



ಪ್ರಸ್ತುತ ಎಂಜಿನಿಯರಿಂಗ್‌್ ಕ್ಷೇತ್ರದಲ್ಲಿ ಸಾಕಷ್ಟು ಅವ­ಕಾಶ­­ಗಳಿವೆ. ಅವುಗಳನ್ನು ಸದುಪಯೋಗ­ಪಡಿಸಿ­ಕೊಳ್ಳ­ಬೇಕು. ಹೊಸ ಸಂಸ್ಥೆ ಸ್ಥಾಪಿಸುವ ಮೂಲಕ ಹೆಚ್ಚಿನ ಉದ್ಯೋಗಾವಕಾಶಗಳನ್ನು ಸೃಷ್ಟಿಸ­ಬೇಕು ಎಂದರು.



ಪದವಿ ಸ್ವೀಕರಿಸಿ ರಮ್ಯಶ್ರೀ ಮಾತನಾಡಿ,  ಪದವಿ ಸ್ವೀಕರಿ­ಸು­ತ್ತಿರುವುದು ಖುಷಿ ತಂದಿದೆ. ಪೊಷಕರು, ಪ್ರಾಧ್ಯಾ­ಪಕರ ಮಾರ್ಗದರ್ಶನದಿಂದ ರ್‌್ಯಾಂಕ್‌ ಪಡೆಯಲು ಸಾಧ್ಯವಾಯಿತು. ಮುಂದೆ ಉನ್ನತ ಅಧ್ಯ­ಯನ ಕೈಗೊಳ್ಳುವ ಆಸೆ ಇದೆ ಎಂದು ಹೇಳಿದರು. ಕಾಲೇಜಿನ ಪ್ರಾಂಶುಪಾಲ ಡಾ.ಸಂಜಯ್‌ ಚಟ್ನಿಸ್‌, ಸಿ.ಎಂ.­ಆರ್. ಸಮೂಹ ಸಂಸ್ಥೆಗಳ ಅಧ್ಯಕ್ಷ ಕೆ.ಸಿ.ರಾಮಮೂರ್ತಿ ಮತ್ತಿತರರು ಭಾಗವಹಿಸಿದ್ದರು.