<p><strong>ಕಂಪ್ಲಿ:</strong> ಕಳೆದ ಎರಡು ದಶಕಗಳ ಹಿಂದೆ ಅಸ್ತಿತ್ವಕ್ಕೆ ಬಂದ ಈ ಕುಗ್ರಾಮದಲ್ಲಿ ಬಹುತೇಕ ಗುಡಿಸಲುಗಳೇ ಕಂಡುಬರುತ್ತವೆ. ಇದರ ಜೊತೆಗೆ ಏಳೆಂಟು ವರ್ಷಗಳ ಹಿಂದೆ ಮಂಜೂರಾದ ಅಲ್ಲೊಂದು ಇಲ್ಲೊಂದು ಆಶ್ರಯ ಮನೆಗಳು ಇವೆಯಾದರೂ ದುಃಸ್ಥಿತಿ ತಲುಪಿವೆ. ರಸ್ತೆ, ಚರಂಡಿ, ಮಹಿಳಾ ಶೌಚಾಲಯ ಇಲ್ಲಿ ಕನಸಿನ ಮಾತು. <br /> ಕಳೆದ ನಾಲ್ಕು ವರ್ಷದಿಂದ ಸರ್ಕಾರದ ಒಂದು ಮನೆಯೂ ಮಂಜೂರು ಆಗಿಲ್ಲದ ಕಾರಣ ಅನೇಕ ಬಡ ಕುಟುಂಬಗಳು ಮುರುಕು ಗುಡಿಸಲುಗಳಲ್ಲಿಯೇ ಕಾಲ ತಳ್ಳುತ್ತಿವೆ. ರಾಷ್ಟ್ರಪಿತ ಮಹಾತ್ಮಗಾಂಧೀಜಿಯವರ ಗ್ರಾಮ ಸ್ವರಾಜ್ಯ ಪರಿಕಲ್ಪನೆ ಇಲ್ಲಿ ಇನ್ನೂ ಅಕ್ಷರಶಃ ಕನಸು ಎನ್ನಬಹುದು. <br /> <br /> ಇಷ್ಟೆಲ್ಲ ಪೀಠಿಕೆ ಹಾಕಿರುವ ಕುಗ್ರಾಮ ಇರುವುದು ಕಂಪ್ಲಿ ವಿಧಾನಸಭಾಕ್ಷೇತ್ರ ವ್ಯಾಪ್ತಿಯಲ್ಲಿ. ಇದರ ಹೆಸರು ಹೊನ್ನಳ್ಳಿ ಹೊಸೂರು. ಇದು ಹೊಸಪೇಟೆ ತಾಲ್ಲೂಕು ಕೇಂದ್ರದಿಂದ ಸುಮಾರು 50ಕಿ.ಮೀ ದೂರದಲ್ಲಿದ್ದು, ಕಟ್ಟ ಕಡೆಯ ಕುಗ್ರಾಮವೂ ಆಗಿರುತ್ತದೆ.<br /> <br /> ನಾಲ್ಕು ವರ್ಷದಿಂದ ಕುಡಿಯುವ ನೀರಿನ ಮೇಲ್ತೊಟ್ಟಿ ದುರಸ್ತಿ ಇಲ್ಲದೆ ಹಾಳಾಗಿದೆ. ಈ ಕಾರಣದಿಂದ ವಿದ್ಯುತ್ ಇದ್ದಾಗ ಗ್ರಾಮಕ್ಕೆ ನೇರವಾಗಿ ಕುಡಿಯುವ ನೀರು ಸರಬರಾಜು ಮಾಡಲಾಗುತ್ತದೆ. ಸಾರ್ವಜನಿಕರು ಅಗತ್ಯ ಇರುವಷ್ಟು ನೀರು ಶೇಖರಿಸಿದ ನಂತರ ಬೇಕಾಬಿಟ್ಟಿಯಾಗಿ ಜೀವಜಲ ಹರಿಯುತ್ತಿದ್ದರೂ ಮುಂದಿನ ಪೀಳಿಗೆಗೆ ಉಳಿಸಬೇಕೆನ್ನುವ ಕಳಕಳಿ ಇಲ್ಲಿ ಕಂಡು ಬರುವುದಿಲ್ಲ.<br /> <br /> ಕಳೆದ 20ವರ್ಷದಿಂದ ಮಹಿಳೆಯರ ಸಾರ್ವಜನಿಕ ಶೌಚಾಲಯ ಇಲ್ಲದ ಕಾರಣ ತುಂಬಾ ಎಸನ(ವ್ಯಸನ) ಆಗಿಬಿಟ್ಟೈತ್ರಿ ಎಂದು ಫಾತಿಮಾ ಹೇಳಿದರೆ, 78ವರ್ಷದ ವಯೋವೃದ್ದೆ ಹಂಪಮ್ಮ ದಡ್ಡಿಗೆ ಹೋಗೊದು ಬಹಳ ಫಜೀತಿ ಆಗಿದೆ ಎಂದು ಮನನೊಂದು ತಿಳಿಸುತ್ತಾರೆ.<br /> <br /> ಈ ಕುಗ್ರಾಮದ ಬಹುತೇಕ ಮಹಿಳೆಯರು ಹೊರವಲಯದ ದರೋಜಿ-ಮಾವಿನಹಳ್ಳಿ ರಸ್ತೆ ಶೌಚಕ್ಕೆ ಆಶ್ರಯಿಸಿದ್ದು, ಅದು ರಾತ್ರಿ ಇಲ್ಲವೇ ಬೆಳಕು ಹರಿಯುವುದರ ಒಳಗೆ ಈ ನಿತ್ಯ ಕರ್ಮವನ್ನು ಮುಗಿಸಬೇಕಂತೆ. ಹಗಲು ವೇಳೆ ಶೌಚಕ್ಕೆ ಹೋಗಬೇಕಾದರೆ ಅಕ್ಕಪಕ್ಕದ ಹೊಲಗದ್ದೆಗಳನ್ನು ಆಶ್ರಯಿಸಬೇಕಂತೆ. ಈ ಸಂದರ್ಭದಲ್ಲಿ ಹೊಲದ ಮಾಲಿಕರು ಗದರಿಸುತ್ತಾರೆ. ಇದರಿಂದ ನಮ್ಮ ಮರ್ಯಾದೆ ಮೂರಾಬಟ್ಟೆ ಆಗಿದೆ ಎಂದು ಮಹಿಳೆಯರು ತಿಳಿಸುತ್ತಾರೆ.<br /> <br /> ಹೊನ್ನಳ್ಳಿ ಗ್ರಾಮ ಪ್ರವೇಶ ಮಾಡುವ ಮುನ್ನ ಒಂದು ಮಹಿಳಾ ಶೌಚಾಲಯ ಇದೇ ಆದರೂ ದುರಸ್ತಿ ಇಲ್ಲದೆ ಹಾಳಾಗಿದೆ. ಇದನ್ನಾದರೂ ದುರಸ್ತಿ ಮಾಡಿ ಎನ್ನುವುದು ಮಹಿಳೆಯರ ಮನವಿ.<br /> <br /> ಈ ಭಾಗದ ಸಂಸದರು ಇತ್ತ ಮುಖವನ್ನೂ ಮಾಡಿಲ್ಲ. ಇನ್ನು ಕಂಪ್ಲಿ ಶಾಸಕ ಟಿ.ಎಚ್. ಸುರೇಶ್ಬಾಬು ಗೆಲುವಿನ ನಂತರ ಮೂರು ವರ್ಷದಲ್ಲಿ ಎರಡು ಬಾರಿ ಗ್ರಾಮಕ್ಕೆ ಭೇಟಿ ನೀಡಿದ್ದರೂ ಜನತೆಯ ಸಮಸ್ಯೆ ಆಲಿಸಿಲ್ಲ ಎನ್ನುವ ಆರೋಪ ಕೇಳಿಬರುತ್ತದೆ.<br /> <br /> ಆರೋಗ್ಯ ಸೇವೆ ಸಮರ್ಪಕವಾಗಿಲ್ಲ. ಇನ್ನು ಒಂದೇ ಒಂದು ಸರ್ಕಾರಿ ಬಸ್ ಬೆಳಿಗ್ಗೆ, ಸಂಜೆ ಬಂದು ಹೋಗುತ್ತದೆ. ನಂತರ ಆಟೋಗಳೇ ಆವಲಂಬಿಸಬೇಕಾಗಿದೆ. ಶಾಲಾ ಕಾಲೇಜ್ ವಿದ್ಯಾರ್ಥಿಗಳು ಕೆಲವೊಮ್ಮೆ ಆಟೋಗಳನ್ನು ಹಿಡಿದು ಗ್ರಾಮ ಸೇರಬೇಕು ಇಲ್ಲವೆ ನಡೆದು ಹೋಗಬೇಕಾದ ಅನಿವಾರ್ಯತೆ.<br /> <br /> ಹೊಲಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳ ದುರಸ್ತಿಗೆ ಸರ್ಕಾರದ `ನಮ್ಮ ಹೊಲ ನಮ್ಮ ರಸ್ತೆ~ ಯೋಜನೆ ಜಾರಿಗೆ ಬರಬಹುದು ಎನ್ನುವ ನಿರೀಕ್ಷೆ ಹುಸಿಯಾಗಿದೆ ಎಂದು ರೈತರು ತಿಳಿಸುತ್ತಾರೆ.<br /> <br /> ಹೊನ್ನಳ್ಳಿ ಮತ್ತು ಹೊಸೂರು ಸೇರಿದಂತೆ ಅನೇಕರು ಹೆಸರು ಮತದಾರಪಟ್ಟಿಯಲ್ಲಿ ಸೇರಿಸಲು ಹಲವಾರು ಬಾರಿ ಅರ್ಜಿ ಸಲ್ಲಿಸಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. 30ಕ್ಕೂ ಹೆಚ್ಚು ದೇವದಾಸಿಯರಿದ್ದು, ಇಲ್ಲಿಯವರೆಗೆ ಸರ್ಕಾರದ ಸೌಲಭ್ಯದಿಂದ ವಂಚಿತರಾಗಿದ್ದಾರೆ ಎಂದು ಚಲುವಾದಿ ಭೀಮಪ್ಪ ತಿಳಿಸುತ್ತಾರೆ.<br /> <br /> ಇಡೀ ಹೊನ್ನಳ್ಳಿ ಹೊಸೂರು ಸುತ್ತಲೂ ಇರುವ ಸರ್ಕಾರಿ ಸ್ಥಳ(ಗ್ರಾಮ ನತ್ತು ಜಾಗೆ) ಒತ್ತುವರಿಯಾಗಿದ್ದು, ಈ ಕೂಡಲೇ ಸರ್ವೆ ನಡೆಸುವಂತೆ ಗ್ರಾ.ಪಂ ಸದಸ್ಯ ಕೆ. ಸಿದ್ರಾಮಪ್ಪ ಆಗ್ರಹಿಸುತ್ತಾರೆ. ಬಿಜೆಪಿ ಸರ್ಕಾರದ ಗುಡಿಸಲು ರಹಿತ ಯೋಜನೆ ಇಲ್ಲಿ ನನಸಾಗಲು ಇನ್ನೆಷ್ಟು ವರ್ಷ ಕಾಯಬೇಕು ಎಂದು ಅವರು ಪ್ರಶ್ನಿಸುತ್ತಾರೆ. <br /> <br /> ಈ ಎಲ್ಲಾ ಕುಂದುಕೊರತೆಗಳನ್ನು ಗ್ರಾಮ ಪಂಚಾಯಿತಿ ಸಭೆಯಲ್ಲಿ ಚರ್ಚಿಸಿ ಉತ್ತರ ಸಿಗದೇ ಅಸಹಾಯಕನಾಗಿದ್ದೀನಿ ಎಂದು ಸದಸ್ಯರೇ ಒಪ್ಪಿಕೊಳ್ಳುತ್ತಾರೆ.<br /> <br /> ಚುನಾಯಿತ ಪ್ರತಿನಿಧಿಗಳು ತಮ್ಮ ಬೇಡಿಕೆಗಳಿಗೆ ಸ್ಪಂದಿಸದೇ ಇರುವುದರಿಂದ ಹೊನ್ನಳ್ಳಿ ಮತ್ತು ಹೊಸೂರು ಗ್ರಾಮಸ್ಥರು ಸೇರಿಕೊಂಡು ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಲು ಶೀಘ್ರದಲ್ಲಿ ತೆರಳುವುದಾಗಿ ಸುಗ್ಗೇನಹಳ್ಳಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಚಲುವಾದಿ ಮಹಾಸಭಾ ಅಧ್ಯಕ್ಷ ಚಲುವಾದಿ ಭೀಮಪ್ಪ ತಿಳಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಂಪ್ಲಿ:</strong> ಕಳೆದ ಎರಡು ದಶಕಗಳ ಹಿಂದೆ ಅಸ್ತಿತ್ವಕ್ಕೆ ಬಂದ ಈ ಕುಗ್ರಾಮದಲ್ಲಿ ಬಹುತೇಕ ಗುಡಿಸಲುಗಳೇ ಕಂಡುಬರುತ್ತವೆ. ಇದರ ಜೊತೆಗೆ ಏಳೆಂಟು ವರ್ಷಗಳ ಹಿಂದೆ ಮಂಜೂರಾದ ಅಲ್ಲೊಂದು ಇಲ್ಲೊಂದು ಆಶ್ರಯ ಮನೆಗಳು ಇವೆಯಾದರೂ ದುಃಸ್ಥಿತಿ ತಲುಪಿವೆ. ರಸ್ತೆ, ಚರಂಡಿ, ಮಹಿಳಾ ಶೌಚಾಲಯ ಇಲ್ಲಿ ಕನಸಿನ ಮಾತು. <br /> ಕಳೆದ ನಾಲ್ಕು ವರ್ಷದಿಂದ ಸರ್ಕಾರದ ಒಂದು ಮನೆಯೂ ಮಂಜೂರು ಆಗಿಲ್ಲದ ಕಾರಣ ಅನೇಕ ಬಡ ಕುಟುಂಬಗಳು ಮುರುಕು ಗುಡಿಸಲುಗಳಲ್ಲಿಯೇ ಕಾಲ ತಳ್ಳುತ್ತಿವೆ. ರಾಷ್ಟ್ರಪಿತ ಮಹಾತ್ಮಗಾಂಧೀಜಿಯವರ ಗ್ರಾಮ ಸ್ವರಾಜ್ಯ ಪರಿಕಲ್ಪನೆ ಇಲ್ಲಿ ಇನ್ನೂ ಅಕ್ಷರಶಃ ಕನಸು ಎನ್ನಬಹುದು. <br /> <br /> ಇಷ್ಟೆಲ್ಲ ಪೀಠಿಕೆ ಹಾಕಿರುವ ಕುಗ್ರಾಮ ಇರುವುದು ಕಂಪ್ಲಿ ವಿಧಾನಸಭಾಕ್ಷೇತ್ರ ವ್ಯಾಪ್ತಿಯಲ್ಲಿ. ಇದರ ಹೆಸರು ಹೊನ್ನಳ್ಳಿ ಹೊಸೂರು. ಇದು ಹೊಸಪೇಟೆ ತಾಲ್ಲೂಕು ಕೇಂದ್ರದಿಂದ ಸುಮಾರು 50ಕಿ.ಮೀ ದೂರದಲ್ಲಿದ್ದು, ಕಟ್ಟ ಕಡೆಯ ಕುಗ್ರಾಮವೂ ಆಗಿರುತ್ತದೆ.<br /> <br /> ನಾಲ್ಕು ವರ್ಷದಿಂದ ಕುಡಿಯುವ ನೀರಿನ ಮೇಲ್ತೊಟ್ಟಿ ದುರಸ್ತಿ ಇಲ್ಲದೆ ಹಾಳಾಗಿದೆ. ಈ ಕಾರಣದಿಂದ ವಿದ್ಯುತ್ ಇದ್ದಾಗ ಗ್ರಾಮಕ್ಕೆ ನೇರವಾಗಿ ಕುಡಿಯುವ ನೀರು ಸರಬರಾಜು ಮಾಡಲಾಗುತ್ತದೆ. ಸಾರ್ವಜನಿಕರು ಅಗತ್ಯ ಇರುವಷ್ಟು ನೀರು ಶೇಖರಿಸಿದ ನಂತರ ಬೇಕಾಬಿಟ್ಟಿಯಾಗಿ ಜೀವಜಲ ಹರಿಯುತ್ತಿದ್ದರೂ ಮುಂದಿನ ಪೀಳಿಗೆಗೆ ಉಳಿಸಬೇಕೆನ್ನುವ ಕಳಕಳಿ ಇಲ್ಲಿ ಕಂಡು ಬರುವುದಿಲ್ಲ.<br /> <br /> ಕಳೆದ 20ವರ್ಷದಿಂದ ಮಹಿಳೆಯರ ಸಾರ್ವಜನಿಕ ಶೌಚಾಲಯ ಇಲ್ಲದ ಕಾರಣ ತುಂಬಾ ಎಸನ(ವ್ಯಸನ) ಆಗಿಬಿಟ್ಟೈತ್ರಿ ಎಂದು ಫಾತಿಮಾ ಹೇಳಿದರೆ, 78ವರ್ಷದ ವಯೋವೃದ್ದೆ ಹಂಪಮ್ಮ ದಡ್ಡಿಗೆ ಹೋಗೊದು ಬಹಳ ಫಜೀತಿ ಆಗಿದೆ ಎಂದು ಮನನೊಂದು ತಿಳಿಸುತ್ತಾರೆ.<br /> <br /> ಈ ಕುಗ್ರಾಮದ ಬಹುತೇಕ ಮಹಿಳೆಯರು ಹೊರವಲಯದ ದರೋಜಿ-ಮಾವಿನಹಳ್ಳಿ ರಸ್ತೆ ಶೌಚಕ್ಕೆ ಆಶ್ರಯಿಸಿದ್ದು, ಅದು ರಾತ್ರಿ ಇಲ್ಲವೇ ಬೆಳಕು ಹರಿಯುವುದರ ಒಳಗೆ ಈ ನಿತ್ಯ ಕರ್ಮವನ್ನು ಮುಗಿಸಬೇಕಂತೆ. ಹಗಲು ವೇಳೆ ಶೌಚಕ್ಕೆ ಹೋಗಬೇಕಾದರೆ ಅಕ್ಕಪಕ್ಕದ ಹೊಲಗದ್ದೆಗಳನ್ನು ಆಶ್ರಯಿಸಬೇಕಂತೆ. ಈ ಸಂದರ್ಭದಲ್ಲಿ ಹೊಲದ ಮಾಲಿಕರು ಗದರಿಸುತ್ತಾರೆ. ಇದರಿಂದ ನಮ್ಮ ಮರ್ಯಾದೆ ಮೂರಾಬಟ್ಟೆ ಆಗಿದೆ ಎಂದು ಮಹಿಳೆಯರು ತಿಳಿಸುತ್ತಾರೆ.<br /> <br /> ಹೊನ್ನಳ್ಳಿ ಗ್ರಾಮ ಪ್ರವೇಶ ಮಾಡುವ ಮುನ್ನ ಒಂದು ಮಹಿಳಾ ಶೌಚಾಲಯ ಇದೇ ಆದರೂ ದುರಸ್ತಿ ಇಲ್ಲದೆ ಹಾಳಾಗಿದೆ. ಇದನ್ನಾದರೂ ದುರಸ್ತಿ ಮಾಡಿ ಎನ್ನುವುದು ಮಹಿಳೆಯರ ಮನವಿ.<br /> <br /> ಈ ಭಾಗದ ಸಂಸದರು ಇತ್ತ ಮುಖವನ್ನೂ ಮಾಡಿಲ್ಲ. ಇನ್ನು ಕಂಪ್ಲಿ ಶಾಸಕ ಟಿ.ಎಚ್. ಸುರೇಶ್ಬಾಬು ಗೆಲುವಿನ ನಂತರ ಮೂರು ವರ್ಷದಲ್ಲಿ ಎರಡು ಬಾರಿ ಗ್ರಾಮಕ್ಕೆ ಭೇಟಿ ನೀಡಿದ್ದರೂ ಜನತೆಯ ಸಮಸ್ಯೆ ಆಲಿಸಿಲ್ಲ ಎನ್ನುವ ಆರೋಪ ಕೇಳಿಬರುತ್ತದೆ.<br /> <br /> ಆರೋಗ್ಯ ಸೇವೆ ಸಮರ್ಪಕವಾಗಿಲ್ಲ. ಇನ್ನು ಒಂದೇ ಒಂದು ಸರ್ಕಾರಿ ಬಸ್ ಬೆಳಿಗ್ಗೆ, ಸಂಜೆ ಬಂದು ಹೋಗುತ್ತದೆ. ನಂತರ ಆಟೋಗಳೇ ಆವಲಂಬಿಸಬೇಕಾಗಿದೆ. ಶಾಲಾ ಕಾಲೇಜ್ ವಿದ್ಯಾರ್ಥಿಗಳು ಕೆಲವೊಮ್ಮೆ ಆಟೋಗಳನ್ನು ಹಿಡಿದು ಗ್ರಾಮ ಸೇರಬೇಕು ಇಲ್ಲವೆ ನಡೆದು ಹೋಗಬೇಕಾದ ಅನಿವಾರ್ಯತೆ.<br /> <br /> ಹೊಲಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳ ದುರಸ್ತಿಗೆ ಸರ್ಕಾರದ `ನಮ್ಮ ಹೊಲ ನಮ್ಮ ರಸ್ತೆ~ ಯೋಜನೆ ಜಾರಿಗೆ ಬರಬಹುದು ಎನ್ನುವ ನಿರೀಕ್ಷೆ ಹುಸಿಯಾಗಿದೆ ಎಂದು ರೈತರು ತಿಳಿಸುತ್ತಾರೆ.<br /> <br /> ಹೊನ್ನಳ್ಳಿ ಮತ್ತು ಹೊಸೂರು ಸೇರಿದಂತೆ ಅನೇಕರು ಹೆಸರು ಮತದಾರಪಟ್ಟಿಯಲ್ಲಿ ಸೇರಿಸಲು ಹಲವಾರು ಬಾರಿ ಅರ್ಜಿ ಸಲ್ಲಿಸಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. 30ಕ್ಕೂ ಹೆಚ್ಚು ದೇವದಾಸಿಯರಿದ್ದು, ಇಲ್ಲಿಯವರೆಗೆ ಸರ್ಕಾರದ ಸೌಲಭ್ಯದಿಂದ ವಂಚಿತರಾಗಿದ್ದಾರೆ ಎಂದು ಚಲುವಾದಿ ಭೀಮಪ್ಪ ತಿಳಿಸುತ್ತಾರೆ.<br /> <br /> ಇಡೀ ಹೊನ್ನಳ್ಳಿ ಹೊಸೂರು ಸುತ್ತಲೂ ಇರುವ ಸರ್ಕಾರಿ ಸ್ಥಳ(ಗ್ರಾಮ ನತ್ತು ಜಾಗೆ) ಒತ್ತುವರಿಯಾಗಿದ್ದು, ಈ ಕೂಡಲೇ ಸರ್ವೆ ನಡೆಸುವಂತೆ ಗ್ರಾ.ಪಂ ಸದಸ್ಯ ಕೆ. ಸಿದ್ರಾಮಪ್ಪ ಆಗ್ರಹಿಸುತ್ತಾರೆ. ಬಿಜೆಪಿ ಸರ್ಕಾರದ ಗುಡಿಸಲು ರಹಿತ ಯೋಜನೆ ಇಲ್ಲಿ ನನಸಾಗಲು ಇನ್ನೆಷ್ಟು ವರ್ಷ ಕಾಯಬೇಕು ಎಂದು ಅವರು ಪ್ರಶ್ನಿಸುತ್ತಾರೆ. <br /> <br /> ಈ ಎಲ್ಲಾ ಕುಂದುಕೊರತೆಗಳನ್ನು ಗ್ರಾಮ ಪಂಚಾಯಿತಿ ಸಭೆಯಲ್ಲಿ ಚರ್ಚಿಸಿ ಉತ್ತರ ಸಿಗದೇ ಅಸಹಾಯಕನಾಗಿದ್ದೀನಿ ಎಂದು ಸದಸ್ಯರೇ ಒಪ್ಪಿಕೊಳ್ಳುತ್ತಾರೆ.<br /> <br /> ಚುನಾಯಿತ ಪ್ರತಿನಿಧಿಗಳು ತಮ್ಮ ಬೇಡಿಕೆಗಳಿಗೆ ಸ್ಪಂದಿಸದೇ ಇರುವುದರಿಂದ ಹೊನ್ನಳ್ಳಿ ಮತ್ತು ಹೊಸೂರು ಗ್ರಾಮಸ್ಥರು ಸೇರಿಕೊಂಡು ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಲು ಶೀಘ್ರದಲ್ಲಿ ತೆರಳುವುದಾಗಿ ಸುಗ್ಗೇನಹಳ್ಳಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಚಲುವಾದಿ ಮಹಾಸಭಾ ಅಧ್ಯಕ್ಷ ಚಲುವಾದಿ ಭೀಮಪ್ಪ ತಿಳಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
