ಹೊಸ ದಾಖಲೆ ಬರೆದ ಸೂಚ್ಯಂಕ

ಮುಂಬೈ(ಪಿಟಿಐ): ಮುಂಬೈ ಷೇರು­ಪೇಟೆ ಸಂವೇದಿ ಸೂಚ್ಯಂಕ ಸೋಮ­ವಾರದ ವಹಿವಾಟಿನಲ್ಲಿ  22 ಸಾವಿರ ಅಂಶಗಳ ಗಡಿ ದಾಟಿ ಮುನ್ನಡೆದು ಹೊಸ ದಾಖಲೆ ನಿರ್ಮಿಸಿದೆ.



ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಏ. 1ರಂದು ಪ್ರಕಟಿಸಲಿ­ರುವ ಹಣಕಾಸು ನೀತಿ ಪರಾಮರ್ಶೆ­ಯಲ್ಲಿ ಬಡ್ಡಿ ದರ ತಗ್ಗಿಸಬಹುದು ಎಂಬ ವಿಶ್ಲೇಷಣೆಗಳು ಕೇಳಿಬಂದ ಹಿನ್ನೆಲೆಯಲ್ಲಿ ಸೋಮವಾರ ವಿದೇಶಿ ಸಾಂಸ್ಥಿಕ ಹೂಡಿ­ಕೆ­ದಾರರಿಂದ (ಎಫ್‌ಐಐ) ಬ್ಯಾಂಕಿಂಗ್ ವಲಯದ ಷೇರುಗಳಲ್ಲಿ ದಿಢೀರನೆ ಹೂಡಿಕೆ ಹೆಚ್ಚಿತು. ಇದರಿಂದ ಸೂಚ್ಯಂಕ ದಿನದ ವಹಿವಾಟಿನಲ್ಲಿ 300 ಅಂಶಗ­ಳಷ್ಟು ಚಿಮ್ಮಿ ಹೊಸ ಸಾರ್ವ­ಕಾಲಿಕ ದಾಖಲೆ ನಿರ್ಮಿಸಿತು.



ಕಳೆದ ಎರಡು ವಾರಗಳಲ್ಲಿ ದಾಖ­ಲಾಗಿರುವ ದಿನವೊಂದರ ಗರಿಷ್ಠ ಏರಿಕೆ ಇದಾಗಿದೆ. ವಹಿವಾಟಿನ ಒಂದು ಹಂತ­ದಲ್ಲಿ ಸೂಚ್ಯಂಕ 22,074 ಅಂಶಗಳವ­ರೆಗೂ ಏರಿಕೆ ಕಂಡಿತ್ತು. ಇದಕ್ಕೂ ಮೊದಲು ಅಂದರೆ, ಮಾರ್ಚ್‌ 18 ರಂದು ಮಧ್ಯಂತರದಲ್ಲಿ ಸೂಚ್ಯಂಕ 22,040 ಅಂಶ­ಗಳವರೆಗೂ ಏರಿಕೆ ಆಗಿದ್ದುದು ಈವರೆಗಿನ ದಾಖ­ಲೆ­ಯಾಗಿತ್ತು.



ಷೇರುಪೇಟೆ ಚೇತರಿಕೆಯಿಂದ ಡಾಲರ್‌ ವಿರುದ್ಧ ರೂಪಾಯಿ ವಿನಿ ಮಯ ಮೌಲ್ಯವೂ ಸೋಮವಾರ 22 ಪೈಸೆಗಳಷ್ಟು ಏರಿಕೆ ಕಂಡು 6 ತಿಂಗಳ ಗರಿಷ್ಠ ಮಟ್ಟವಾದ ರೂ. 60.67ರಲ್ಲಿ ವಹಿವಾಟು ಕೊನೆಗೊಳಿಸಿತು.



ಬ್ಯಾಂಕಿಂಗ್‌, ತೈಲ ಶುದ್ಧೀಕರಣ, ಲೋಹ, ವಾಹನ ಉದ್ಯಮ, ವಿದ್ಯುತ್‌ ಮತ್ತು ಭಾರಿ ಯಂತ್ರೋಪಕರಣ ವಲ ಯಗಳ ಷೇರುಗಳು ದಿನದ ವಹಿವಾಟಿ ನಲ್ಲಿ ಏರಿಕೆ ಕಂಡವು. ಔಷಧ,  ಎಲೆ ಕ್ಟ್ರಾನಿಕ್ಸ್‌ ಮತ್ತು ಐ.ಟಿ ವಲಯದ ಷೇರು ಗಳು ಕುಸಿತ ಕಂಡವು. ಗೇಲ್‌ ಇಂಡಿಯಾ ಷೇರು ಮೌಲ್ಯ ಶೇ 4.81ರಷ್ಟು, ಒಎನ್‌ ಜಿಸಿ ಶೇ 4.27­ರಷ್ಟು ಗರಿಷ್ಠ ಏರಿಕೆ ದಾಖಲಿಸಿತು. ಷೇರುಪೇಟೆಯ ಬಂಡವಾಳ ಮೌಲ್ಯ ರೂ. 70.51 ಲಕ್ಷ ಕೋಟಿಗೆ ಏರಿಕೆ ಕಂಡಿದೆ.



ರಾಷ್ಟ್ರೀಯ ಷೇರು ಸೂಚ್ಯಂಕ ‘ನಿಫ್ಟಿ’ ಕೂಡ 88 ಅಂಶಗಳಷ್ಟು ಏರಿಕೆ ಪಡೆದು ದಾಖಲೆ ಮಟ್ಟವಾದ 6,583 ಅಂಶಗ ಳಿಗೆ ದಿನದ ವಹಿವಾಟು ಕೊನೆ­ಗೊಳಿ ಸಿತು. ಹಣದುಬ್ಬರ ತಗ್ಗಿರುವ ಹಿನ್ನೆಲೆ ಯಲ್ಲಿ ‘ಆರ್‌ಬಿಐ’ ಬಡ್ಡಿ ದರ ಕಡಿತ ಮಾಡುವ ಸಾಧ್ಯತೆ ಹೆಚ್ಚಿದೆ ಎಂದು ಮಾರುಕಟ್ಟೆ ತಜ್ಞರು ಅಭಿಪ್ರಾ­ಯಪಟ್ಟಿ ದ್ದಾರೆ.



ಮಾ. 20ರವರೆಗೆ ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಷೇರುಪೇಟೆಯಿಂದ ರೂ. 17 ಸಾವಿರ ಕೋಟಿ ಹೂಡಿಕೆ ಮಾಡಿ ಷೇರುಗಳನ್ನು ಖರೀದಿ­ಸಿದ್ದಾರೆ ಎಂದು ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಮಾಹಿತಿ ನೀಡಿದೆ.