‘ಗೊಂದಲ ಬೇಡ, ಸಂಘಟಿತರಾಗಿ ಶ್ರಮಿಸಿ’

ಸಾಸ್ವೆಹಳ್ಳಿ:- ‘ನಮ್ಮ ನಾಯಕ ಯಾರು, ಯಾರ ಮುಂದಾಳತ್ವದಲ್ಲಿ ಕೆಲಸ ಮಾಡಬೇಕು ಎಂಬ ಗೊಂದಲ ಬೇಡ. ಪಕ್ಷದ ಗೆಲುವಿಗೆ ಎಲ್ಲರೂ ಸಂಘಟಿತರಾಗಿ ಶ್ರಮಿಸೋಣ’ ಎಂದು ಮಾಜಿ ಸಚಿವ ಎಂ.ಪಿ.ರೇಣುಕಾಚಾರ್ಯ ಕಾರ್ಯಕರ್ತರಿಗೆ ಕರೆ ನೀಡಿದರು.



ಇಲ್ಲಿನ ಹೊಬಳಿ ಮಟ್ಟದಲ್ಲಿ ಸೋಮವಾರ ನಡೆದ ಕಾರ್ಯಕರ್ತರ ಸಭೆಯಲ್ಲಿ ಅವರ ಮಾತನಾಡಿದರು.



‘ಬಿಜೆಪಿ ಬಿಡುವ ಬಗ್ಗೆ ಪತ್ರಿಕೆಗಳಲ್ಲಿ ವರದಿಯಾಗುತ್ತಿದೆ. ನಾನು ಬಿಜೆಪಿಗಾಗಿ  ದುಡಿಯುತ್ತೇನೆ. ಈ ಬಗ್ಗೆ ಯಾವುದೇ ಗೊಂದಲ ಬೇಡ’ ಎಂದರು.



ಬಿಜೆಪಿ ತಾಲ್ಲೂಕು ಘಟಕದ ಅಧ್ಯಕ್ಷ ಎ.ಬಿ.ಹನುಮಂತಪ್ಪ ಮಾತನಾಡಿದರು. ಜಿಲ್ಲಾ ಪಂಚಾಯ್ತಿ ಮಾಜಿ ಅಧ್ಯಕ್ಷೆ ಶೀಲಾ ಗದ್ದಿಗೇಶ್, ಸತ್ತಿಗೆ ಲೋಕೆಶ್, ಶಾಂತರಾಜ್ ಪಾಟೀಲ್, ಹನುಮನಹಳ್ಳಿ ಜಿ.ಎಂ.ರವಿಕುಮಾರ್, ಮಂಜು ಸದಾಶಿವಪುರ ಇದ್ದರು.