ಗುರುವಾರ , ಏಪ್ರಿಲ್ 22, 2021
25 °C

31ನೇ ಕಾಲುವೆ ನೀರು ಪೋಲು: ಬೋಂಗಾ ಭೀತಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಾರಟಗಿ: ತುಂಗಭದ್ರಾ ಎಡದಂಡೆ ಮುಖ್ಯ ಕಾಲುವೆಗೆ ಜನ, ಜಾನುವಾರುಗಳಿಗೆ ಕುಡಿಯುವುದಕ್ಕಾಗಿ ನೀರು ಬಿಡಲಾಗಿದೆ. ಇಲ್ಲಿಯ 31ನೇ ಕಾಲುವೆಗೆ ಗುರುವಾರದಿಂದ ನೀರು ಬಿಡಲಾಗಿದ್ದು, ದೇವಿಕ್ಯಾಂಪ್ ತಿರುವು ಬಳಿ ಭಾರಿ ಪ್ರಮಾಣದ ನೀರು ಪೋಲಾಗಿ, ಪಕ್ಕದ ಜಮೀನುಗಳಿಗೆ ಹರಿದಿದೆ.



ನಾಲೆ ಭೋಂಗಾ ಬಿದ್ದಿದೆ ಎಂಬ ವದಂತಿ, ಆತಂಕದಿಂದ ನೂರಾರು ನಾಗರಿಕರು ಸ್ಥಳಕ್ಕೆ ಭೇಟಿ ನೀಡುತ್ತಿರುವುದು ಶುಕ್ರವಾರ ಕಂಡುಬಂತು.ಕುಡಿಯುವ ನೀರಿನ ಯೋಜನೆಯ ಪೈಪ್ ನಾಲೆಯ ಮುಖಾಂತರ ಹೋಗಿದ್ದು, ಇದಕ್ಕಾಗಿ ಒಳಮೈ ಹೊಡೆಯಲಾಗಿದೆ.



ಅದೇ ಸ್ಥಳದಲ್ಲಿ ಭಾರಿ ಪ್ರಮಾಣದಲ್ಲಿ ನೀರು ಪೋಲಾಗಿರುವುದು ಕಂಡುಬಂತು. ಒಳಮೈ, ಹೊರಮೈ ಶಿಥಿಲಗೊಂಡಿದೆ. ಮುಂದೆ ನೀರು ಬಿಡುವುದರೊಳಗೆ ದುರಸ್ತಿ ಮಾಡಿಸಲು ಇಲಾಖೆ ಮುಂದಾಗಬೇಕು ಎಂದು ಸ್ಥಳದಲ್ಲಿದ್ದ ಬೂದಗುಂಪಾದ ವೀರನಗೌಡ, ಪಾಮಣ್ಣ ಗಿಣಿವಾರ ಆಗ್ರಹಿಸಿದರು.



ಸಹಾಯಕ ಕಾರ್ಯಪಾಲಕ ಅಭಿಯಂತರರಾದ ಎ. ಬಿ. ಚಿಕೊಪ್ಪ, ಸೂಗಪ್ಪ ಭೇಟಿಯಾದ `ಪ್ರಜಾವಾಣಿ~ಯೊಂದಿಗೆ ಮಾತನಾಡಿ `ದೇವಿಕ್ಯಾಂಪ್ ತಿರುವು ಬಳಿಯ ಸೇತುವೆಯಲ್ಲಿ ಅಧಿಕ ಪ್ರಮಾಣದಲ್ಲಿ ತ್ಯಾಜ್ಯ ಸಂಗ್ರಹಗೊಂಡು ನೀರು ಮುಂದೆ ಹೋಗದೆ ನಾಲೆಯ ಹೊರಗೆ ಹರಿದಿದೆ.



ತ್ಯಾಜ್ಯ ತಗೆಯಿಸಿದ್ದು, ನೀರಿನ ಹರಿಯುವಿಕೆ ಸಹಜವಾಗಿದೆ. ಜನ, ಜಾನುವಾರುಗಳಿಗೆ ಕುಡಿಯುವ ನೀರು ಸಂಗ್ರಹಕ್ಕಾಗಿ ನಾಲೆಯಲ್ಲಿ ನೀರು ಬಿಡಲಾಗಿದೆ. ಇದರಿಂದ ಗಂಗಾವತಿ ಹಾಗೂ ಸಿಂಧನೂರ ತಾಲ್ಲೂಕು ವ್ಯಾಪ್ತಿಯಲ್ಲಿ ಕೆರೆಗಳನ್ನು ತುಂಬಿಸಿಕೊಂಡು ಮುಂದೆ ಉಪಯೋಗಿಸಿಕೊಳ್ಳಲು ಅನುಕೂಲ ಆಗಲಿದೆ~ ಎಂದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.