ನಹಾ, ಜಪಾನ್ (ಕ್ಯೂಡೊ): ಇಲ್ಲಿನ ಒಕಿನವಾದ ಸಮೀಪ ಸರಕು ಸಾಗಾಣೆ ಹಡಗಿನಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಅದರಲ್ಲಿದ್ದ ಎಲ್ಲಾ 64 ಚೀನಾ ನಾವಿಕರನ್ನು ರಕ್ಷಿಸಲಾಗಿದೆ. ಅವರಲ್ಲಿ ಮೂವರಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ ಎಂದು ಜಪಾನಿನ ಕರಾವಳಿ ಪಡೆ ತಿಳಿಸಿದೆ.
ಬೀಜಿಂಗ್ ವರದಿ (ಪಿಟಿಐ): ಜಪಾನ್ ರಕ್ಷಿಸಿರುವ 64 ಚೀನಾ ನಾವಿಕರನ್ನು ಕರೆ ತರಲು ಚೀನಾ ಸರ್ಕಾರ ಹಡಗೊಂದನ್ನು ಘಟನಾ ಸ್ಥಳಕ್ಕೆ ಕಳುಹಿಸಿಕೊಟ್ಟಿದೆ ಎಂದು ಕ್ಸಿನ್ಹುವಾ ಸುದ್ದಿಸಂಸ್ಥೆ ವರದಿ ಮಾಡಿದೆ.
