ವಾಷಿಂಗ್ಟನ್ (ಐಎಎನ್‌ಎಸ್): ಅಲ್ ಖೈದಾದ ಹೊಸ ಮಿತ್ರ ಸಂಘಟನೆ ಅನ್ಸಾರ್ ಅಲ್-ಷರಿಯಾವನ್ನು ಅಮೆರಿಕ ಕಪ್ಪು ಪಟ್ಟಿಗೆ ಸೇರಿಸಿದೆ.
ಈ ಸಂಘಟನೆಯನ್ನು ಬೆಂಬಲಿಸುವುದಾಗಲಿ ಅಥವಾ ಅದರೊಂದಿಗೆ ವ್ಯವಹಾರ ನಡೆಸುವ ಗುಂಪುಗಳನ್ನು ನಿಷೇಧಿಸಿದೆ ಮತ್ತು ಅಂತಹವುಗಳ ಎಲ್ಲಾ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವುದಾಗಿ ತಿಳಿಸಿದೆ.
ಮೇನಲ್ಲಿ ನಡೆದ ಆತ್ಮಹತ್ಯಾ ಬಾಂಬ್ ದಾಳಿ ಒಳಗೊಂಡಂತೆ, ಯೆಮನ್ ಪಡೆಯ ವಿರುದ್ಧದ ಸತತ ದಾಳಿಯ ಹೊಣೆಯನ್ನು ಈ ಸಂಘಟನೆ ಹೊತ್ತಿತ್ತು. ಇದರಲ್ಲಿ 100ಕ್ಕೂ ಹೆಚ್ಚು ಯೆಮನ್ ಸೈನಿಕರು ಸಾವನ್ನಪ್ಪಿದ್ದರು.
