ಕೊಚ್ಚಿ (ಪಿಟಿಐ): ರಕ್ಷಣಾ ಸಚಿವ ಎ.ಕೆ.ಅಂಟನಿ ಅವರ ಅಕ್ಕ ಕ್ರೈಸ್ತ ಸನ್ಯಾಸಿನಿ ಇನ್ಫೆಂಟ್ ತೆರೇಸಾ(80) ಅವರು ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ಗುರುವಾರ ನಿಧನರಾದರು.
ಮೂತ್ರಪಿಂಡ ವೈಫಲ್ಯದಿಂದ ಬಳಲುತ್ತಿದ್ದ ಅವರನ್ನು ಜುಲೈ 2 ರಂದು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಚೀನಾ ಪ್ರವಾಸದಲ್ಲಿರುವ ಎ.ಕೆ.ಅಂಟನಿ ಅವರು ವಾಪಸಾದ ನಂತರ ಅಳಪುಜ ಜಿಲ್ಲೆಯ ಚೇರ್ತಲಾದ ಕನ್ನುಪುರಂ ಪುತ್ತನಪಲ್ಲಿ ಎಂಬಲ್ಲಿ ಸೋಮವಾರ ಅಂತ್ಯಸಂಸ್ಕಾರ ನಡೆಯಲಿದೆ ಎಂದು ಕುಟುಂಬ ಮೂಲಗಳು ತಿಳಿಸಿವೆ.
ಇನ್ಫೆಂಟ್ ತೆರೇಸಾ ಚೇರ್ತಲಾ ಸಮೀಪದ ಪತ್ತನಕಾಡ್‌ನ ಸಂತ ಜೋಸೆಫ್ ಕಾನ್ವೆಂಟ್‌ನ ಹಿರಿಯ ಸನ್ಯಾಸಿನಿಯಾಗಿದ್ದರು.
