ಲಖನೌ (ಪಿಟಿಐ): ಉತ್ತರಪ್ರದೇಶದಲ್ಲಿ 5ನೇ ಹಂತದ ವಿಧಾನಸಭಾ ಚುನಾವಣೆ ಗುರುವಾರ ನಡೆಯಲಿದೆ. 13 ಜಿಲ್ಲೆಗಳ 49 ವಿಧಾನಸಭೆ ಕ್ಷೇತ್ರಗಳಲ್ಲಿ ಚುನಾವಣೆ ನಡೆಯಲಿದ್ದು, ಬಿಜೆಪಿ ನಾಯಕಿ ಉಮಾ ಭಾರತಿ ಸೇರಿದಂತೆ 829 ಅಭ್ಯರ್ಥಿಗಳು ತಮ್ಮ ಅದೃಷ್ಟವನ್ನು ಪರೀಕ್ಷಿಸಲಿದ್ದಾರೆ.
ಫಿರೋಜಾಬಾದ್, ಕಾನ್ಶಿರಾಂನಗರ, ಇಟಾ, ಮೈನ್‌ಪುರಿ,ಇಟಾವಾ, ಔರಯಾ, ರಾಮಬಾಯಿ ನಗರ, ಕಾನ್ಪುರ, ಜಲುವಾನ್, ಝಾನ್ಸಿ, ಲಲಿತ್‌ಪುರ, ಹಮಿರ್‌ಪುರ, ಮಹೊಬಾ ಜಿಲ್ಲೆಗಳಲ್ಲಿ ಮತದಾನ ನಡೆಯಲಿದೆ. 16,781 ಮತಗಟ್ಟೆಗಳಲ್ಲಿ 1.56 ಕೋಟಿಗಳಷ್ಟು ಮತದಾರರು ತಮ್ಮ ಮತಗಳನ್ನು ಚಲಾಯಿಸಲಿದ್ದಾರೆ.
